ئەو کاردانەوانەی میدیای ئەڵمانی دەربارەی تێپەڕبوونی ئاهەنگەکانی گەورەی نەورۆز لە چەندین شار بەبێ هیچ گێچەڵێکی سێکسی و بێ کێشە و شەڕ و قوربانی، دەیسەلمێنێت کە میللەتی ئێمە، سەرەڕای هەموو ئەو ڕەخنانەی لێی دەگرین، باڵاترین و ڕاقیترین میللەتی ناوچەکەیە.

رۆژنامە و میدیاکانی ئەڵمانی دەڵێن: پۆلیس پێشبینی نەدەكرد ئەو ژمارە زۆرەی خەڵك بەشداری بكەن، بەڵام ئاهەنگەكە بەبێ كێشە و ئارامی بەڕێوە بچێت.

ئەخر ئەو گێچەڵی سێکسیانەی عەرەب و سورییەکان بە تایبەتی بە کچانی ئەڵمانی دەکەن، هێندە زۆرە ڕۆژانە هەواڵی ئەو ڕووداوانە بەرچاومان دەکەوێت لە میدیای ئەڵمانی و جیهانی. دەتوانین بڵێین هۆکارێکیشە بۆ هەڵکشانی هەستی ڕەگەزپەرستی جێرمانەکان.

گەلی مەزنی ئێمە سەلماندی کە خاوەن ڕەوشتێکی سروشتی کوردانەیە، حەزی بە تەعەدا و دەستدرێژی و گێچەڵی سێکسی نییە بۆ سەر ئافرەتان.

لە میسر کاتێ دوو سێ کچ دەکەونە ناو حەشامەتێک بەبێ دەستدرێژی سێکسی تەواو ڕزگاریان نابێت، کەچی لاوانی کورد سەرەڕای ئەو هەموو کچە جوان و نازدارانەی کورد کە بەشداربوون لەو ئاهەنگانە غەریزەی ئاژەڵیان نەجوڵاوە بۆ کردنی کارێکی نامرۆڤانە.

گەلی مەزنی ئێمە سەلماندی هەتا لە حزب و سەرکردەکانیشی مەزنترە و زۆربەیان شایەنی ئەوە نین ببنە سەرۆک و سەرداری ئەو گەلە، دەیانویست هەتا نەورۆزیش دابەش بکەن بۆ نەورۆزی پارتی و نەورۆزی پەکەکە و بە ئاڵا حزبیەکانیان کەشەکە بشێوێنن، بەڵام گەلی مەزنی ئێمە ئەو ڕیسەشی لەو دەسەڵاتدارە ساقیتانە کردەوە خوری، بەشداریان لەو ئاهەنگانە کرد بە یەک نەفەس و یەک دڵ و یەک ئامانج.

ئەگەر پیلانی دەرکی و تڕەکەلەی ناوەکی نەبوایە، گەلی ئێمە شایانی دیموکراتیترین و مرۆیترین و پێشکەوتووترین دەوڵەتی ناوچەکەیە، بەو هوشیاری و ڕووحە جوانەی هەڵیگرتووە. پاراستنی ئەو داب و نەرێتە جوان و باڵایانە لە کەوتنە ژێر کاریگەری هەندێ کەڵچەری دینی و ناکوردی دەبێ ببێتە ئامانجی هەموو کوردێکی دڵسۆز و بە تایبەتی دەسەڵاتداری کوردی، ئەگەر بەڕاستی ئەو دەسەڵاتە مولکی کورد بێت. بەڵام دەسەڵاتێک خەڵک فێری گەندەڵی و دزی و تاڵانی و ناهەقی بکات، بە ئاشکرا خۆفرۆشی بکات بۆ ئێران و تۆران، دەرگا واڵا بکات بۆ تەشەنەکردنی شێرپەنجەی سەلەفیەت و داب ونەرێتە سەحرانشینەکانی، ئەو دەسەڵاتە هەرچی بێت کوردی و کورد و کوردستان پەروەر نییە!