قسەیەک هەیە ئێژێ : عەرەب کە شکستی هاورد قورئان بەرزدەکاتەوە، بەڵام کە سەرکەوت  دەست دەداتە شمشێر. ئەوە قسەیەکە تەنیا تایبەت کراوە بە عەرەب کەچی ئەم قسەیە بۆ باقی دیکتاتۆر و ملازم موحسینەکان ڕاستە جا هەر هۆز و گەلێک بێت. بڕۆن سەیری ڕابردووی صدام حسین بکەن،کاتێک لە دەسەڵات دابوو سەدان مزگەوتی تەختی عەرزکرد و هەزارانی دیندارو مەلای کوشت کەچی کە دەسەڵاتی نەماو  لەزیندانیان کرد قورئانی بەرزدەکردەوە و داوای لە دادوەر دەکرد کە ڕێگای بدات نوێژ بکات و قورئانی ماچ دەکرد.

سەیری ڕابردووی لاهوور شێخ جەنگیش بکەن هاوشێوەی صدام،کاتێک لە ترۆپکی دەسەڵات بوو بێ ویژدانانە خەڵکی ئەشکەنجەدەداو دەیان کەس هەر بە ئاشکرا لە ژێر ئەشکەنجەی ئەودا ماڵ ئاواییان لە ژیان کرد و سەدان باری تلیاک و هێڕۆین لە بن لوتی ئەو هاتنە مەملەکەت و خەڵکیان شەکەت کرد کەچی خۆی هەر بۆ نیشی نەکرد،بەڵام ئێستا دەسەڵاتی سنوردار بووە و دەسەڵاتی پێشووتری نەماوە،بۆیە دەبینیت زوو زوو  دێتە ناو خەڵک و لەبۆنەکانی وەک  جەژن دێتە مزگەوت و نوێژدەکات.پێش هەڵبژاردنیش زوو زوو دەهاتە ناو خەڵک و بەجۆرێک باسی سەردەمی دەسەڵاتی خۆی دەکرد حەلئەساس سەردەمی ئەو سەردەمی عومەری کوڕی عەبدولعەزیز بووە گورگ و مەڕ پێکەوە ئاویان خواردۆتەوە لە کاتێدا خەڵکی بە ناوهێنانیشی لاقیان دەهاتە لەرزە.

مێژوو پێمان دەڵێت ستەمکارەکانی دوونیا تەمەنیان هەرچەندبێت،هەرکێ و هەر ناوێک بێت،صدام حسین یا بەشار اسد بێ،بنەماڵەی بارزانی یا تاڵەبانی بێت،یەک چارەنووسیان هەیە ئەویش کەوتنە.

خوای گەورە لە قورئاندا دەفەرمووێت: { وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ * مُهْطِعِينَ مُقْنِعِي رُءُوسِهِمْ لَا يَرْتَدُّ إِلَيْهِمْ طَرْفُهُمْ وَأَفْئِدَتُهُمْ هَوَاءٌ}[إبراهيم: 42-43].واتە  (ئەی پێغەمبەر صلی الله علیه و سلم) وا گومان مەبە کە خوا بێئاگایە لەو کار و کردەوەیەی ستەمکاران دەیکەن، بەڕاستی خوا سزاکەیان دوا دەخات بۆ ڕۆژیک کە چاوەکانیان تیایدا ئەبڵەق دەبن (جاری وایش هەیە هەر لە دنیادا ستەمکاران ڕیسوا دەکات و تۆڵەیان لێ دەسێنێت).

بۆیە با ئەو سەرکردە ساختەچیانەی ئێستای کوردستان کە لەدەسەڵاتن،بەخراپی حوکم دەکەن و خەڵک بەهەموو شێوەیەک خەڵک دەچەوسێننەوە،دڵنیابن  ڕۆژێک دێت کە ئێوەش وەک صدام حسێن دەکەونە ناو دادگاکان و سزا دەدرێرن یان لەپای فرۆشتنی خاکی کوردستان یا لەپای دزینی سەروەت و سامانی کوردستان و خەڵکی کوردستان.

ئەمە بەڵێنی خوای گەورەیەو بەڵێنی خوای گەورەش حەقە.