بەشێکی ڕۆشنبیری ئێمە تەنها لەهەوڵی خوێندنەوەی هاوکێشە سیاسی ونێودەوڵەتیە کۆنەکانی سەڕدەمی شەری ساڕدان بەبێ ئەوەی بیانەوێت ئەوە بخوێننەوە کە دونیای ئێستا جیاوازە و تەکنەلۆجیای سەربازیە نوێیەکان بەشێک لە سیاسەتی نێو دەولەتی دیاریدەکەن و هەندێک جار چەک و،تەکنلۆجیای تازە دەتوانێت زۆرێک لە هاوکێشە سەڕبازی و سیاسیەکان هەڵبگەڕێنێتەوە.

 پێم سەیرە هەندێک کوردی باشوڕ دڵی بە سەرکەوتنەکانی محەمەد جۆلانی خۆش بێت لەکاتێکدا کەوتنی بەشار ئەسەد کەوتنێکی سیاسی بوو، جێگای گومانبوو کە ئاوا ئێران و ڕوسیا و هیچ بەرگرییەکیان لە بەشار ئەسد نەکرد لە هەمان کاتدا ولاتی  سوریا و  بەشار ئەسد شادەماڕی رێڕەوی گواستنەوەی هاوکاریەکانی ئێرانە بۆ( حیزب اللە) لە لبنان و بنکەی ستراتیژی سەربازی و ئاسمانی ڕوسیای تێدایە.

بەلام ئەوەی گڕنگە بۆ کورد ڕاستی ژیانی (محەمەد جۆلانی) بزانێت کە هەندێک سەرکردەی حیزبە ئیسلامیەکان پیرۆزبایی سەرکەوتنیشیان لێکردووە و وەک ئەوەی سەرکەوتنێکی گەوڕە بێت بۆ ئیسلامیەکان کە دڵیان بە سەرکەوتنی محەمەد جۆڵانی تیڕۆڕیست و بەکرێگیڕاو خۆش بێت بێ ئاگان لەوەی محمد جۆڵانی هەمویانی فڕۆشتووە و لە داهاتوودا  دەڕدەکەوێت کە ئاش لە خەیاڵێ و ئاشەوان لە خەیاڵێ تر، محمد جۆلانی لە خەیاڵی دڕوستکردنی دەستوری تازەیە بۆ سورییەکان و ئیسلامیەکانی کوردستانیش لە خەیاڵی جێبەجێکردنی شەرعی ئیسڵامن!

محەمەد جۆلانی لە ساڵی 2005 هاتووەتە عێراق و دەستە ڕاستی ابو مصعب الزرقاوی بووە لە عێراق و دواتر زیندان کراوە و ئازاد کراوە لەگەڵ ئازاد بوونیدا دەبێتە تیڕۆڕیستێکی گەوڕە و دەبێتە دەستە ڕاستی (ابو بکر البغدادی) لە رێکخراوەی دەوڵەتی ئیسلامی، پاش ئەوەی شۆڕشی سوریا دروست دەبێت کە خەڵکێکی ئازادیخواز داوای رووخانی بەشار ئەسد و ڕژێمەکەی دەکەن ، ئیتر محەمەد جۆلانی لە ساڵی 2011 داوا  دەگەرێتەوە سوریا بۆ تێکدانی باروودۆخی سوریا و دواتر دەگەرێتەوە بۆ لای (ابو بکر البغداد) داوای چەک و پارەی لێ دەکات بۆ ئەوەی لقێکی رێکخڕاوە تیڕۆریستیەکەیان ببەنە سوریا، لەو سەردەمەدا شۆرشی میسر بوو ئەمەریکا بەهەڵی زانی و (ٲوسامە بن لادن) کوشت کە  ابو بکر البغدادی بەیعەتی پێکردبوو، پاش مردنی ئوسامە بن لادن وردە وردە رکخڕاوە چەکداریەکەی (محمد جۆلانی) لە سوریا گەوڕەبوو و ئیتر کێشەی بەیعەتدان کەوتە نێوان (محەمەد جۆلانی) و (ابو بکر البغدادی) کە (ابو بکر البغدادی) دەیویست دەولەتێک دابمەزڕێنێت بەناوی خیلافەت و بەیعەتی بە (ایمن زواهری)  بەرپرسی قاعیدە نەکرد و دوای لە (محەمەد جۆلانی) لە ساڵی 2012 دا ناوی رێکخڕاوەکەی نا (الجبهە النصرة) لێرەوە  ئەبو بکرالبغدادی بۆی دەرکەوت کە جۆلانی بە تەمانیە بەیعەت بە خەلیفەی هەڵبژێڕاوی رێکخڕاوەی دەولەتی ئیسلامی بکات و لە ساڵی 2013 بەناچاری  دەولەتی ئیسلامی چالاکیەکانی بڕدە سوریا و وردە وردە چەند ئەمیرێکیان چەند ناوچەیەکی دەڕووبەری فوراتی کونتڕۆلکرد و ئیتر (محەمەد جۆلانی) بەیعەتی بە (ئەیمەن زواهری ) رێکخڕاوەی قاعیدە کرد و ابو بکر البغدادی پشت گوێ خست لەکاتێکدا (60% رووبەری سوریا) بە لەژێر دەست رێکخراوی (جبهە النصرة) محەمەد جۆلانیەوە بوو، وردە وردە چالاکی ئەمیرەکانی دەولەتی ئیسلامی (داعش) لە سوریا گەوڕە بوو کە توانیان (80%رووبەری ناوچەکانی جبهە النصرة) دەست بەسەر دا بگڕن ، لە ساڵی 2016 پاش راگەیاندنی خەلافەتەکەی داعش داوا لە جۆلانی کرا بەیعەت بە (ابو بکر البغدادی ) بکات وەک خەلیفە کەچی رەتی کرەوە چونکە بەلێنی پێدڕابوو کە کاری گەوڕەی ئیستخباراتی بۆ بکرێت و بە پاساوی بەیعەتدان بە قاعیدە خۆی جیاکردەوە لە داعش.

ئیتر لەو خاڵەوە محەمەد جۆڵانی خۆی لە داعش جیاکردەوە و دەستی لەگەڵ ئیستخباراتی تورکیا و بەریتانیا تێکەڵکرد و هەوڵی مانەوەی خۆی دا لەدوای لەناوچوونی داعش  کە خەڵافەتەکەی ڕووخا ، محەمەد جۆڵانی لەپاڵ سێبەری بەریتانیا و تورکیا لە شاری (ئەدلب) مایەوە و رێگا نەدڕا بە ئێران و ڕوسیا شارەکە بۆمب باڕان بکەن و جۆلانی لەوێ شاڕ بەدەڕ بکەن، پاش ڕووداوەکانی شکانی (ئیسرائیل ـ حزب اللە)  و کشانەوەی سەربازەکانی (حزب اللە) بۆ جەنگی لبنان  ئیتر (تورکیا و بەریتانیا و ئەمەریکا و ئیسرائیل) بە هەڵیانزانی   لە میحوەڕی ئەدلب بۆ شاری حمس جوڵەیەکی سەربازی بکەن و کەی بۆیان دەرکەوت رژێمەکەی بەشار ئەسەد تەواو فشەڵ بووە و توانای مانەوەی نەماوە وتا لەماوەیەکی کەمدا دیمەشقیان گڕت لەکاتێکدا خۆشیان چاوەڕوانی ئەوە نەبوون بە ئاسانی ئاوا رژێمی بەشار ئەسد کۆتایی پێ بێت.

ئیسلامیەکانی کوردستان و ئیخوانەکان و ئەوانەی هەواداری قاعیدە بوون زۆر دڵیان بەسەرکەوتنی جۆلانی خۆشە و پێیان وایە رێگەی پێ دەدڕێت لە سوریا شەرعی ئیسلام جێبەجێ بکات؟ 

بەڵام وەک دەلێن (تاریکی مانگ سەر لە ئێووارە دیارە) و لەئێستاوە دەرکەوتووە کە دانانی دەستورێک لەسەر بنەمای شەرع لەسوریا و خەون و خەیاڵە و هەرچی جیهادیش لەو پێناوە خۆیان بەکوشتدا خوێنیان بەهەدەڕ چووە و  (محەمەد جۆڵانی) بیر لە دانانی دەستور و پەرلەمان دەکاتەوە وحوکمی شەرعی ئیسلامیش رەنگە ڕەچاو بکرێت لە دەستوری داهاتوودا وەک ئەوەی لە عێراق و هەرێمی کوردستان هەیە بۆیە وەک چۆن شۆرشی باشوری کوردستان بۆ مافی  کورد و ئازادی و یەکسانی بوو دواتر گۆڕا بۆ نەوتفرۆشتن و حوکمی بنەماڵە گومڕک دزین و خیانەت لە خوێنی شەهیدەکانی کوردستان کڕا، بەهەمانشێوەش ئێستا (محەمەد جۆڵانی) پاش ئەوەی چووە کۆشکی بەشار ئەسەدی سەرۆک کۆمار بیر لەوە دەکاتەوە چۆن ببێتە دیکتاتۆڕێک بەنەرمە ریشێکەوە و دەستورێک دابنێت دڵی ئەمەریکا وتورکیا و ئیسرائیل ڕازی بکات نەک حوکم بەشەرعی ئیسلام بکات وەک ئەوەی لە خەون و خەیاڵی جیاهدییەکان هەیە هەر بەم هۆیەوە  لەلایەکی تڕیشەوە بۆ چاو بەست هەندێک بڕگەی لەشەریعەتی ئیسلامی وەربگرێت بۆ ئەوەی جیهادییەکان مەست و سەرخۆش بن بەخەیاڵی دەوڵەتێک کە حوکم بەشەرع بکات.