کاك گۆران هەڵبەجەیی لە ووتارێکدا بە ناونیشانی (گەمژەکانی ئەمریکا،گەمژەیەکیان سەرخست) لەکوردستانپۆستدا بڵاوکردۆتەوە کە بەچاکم زانی هەندێ پرس و پرسیار بووروژێنم کە بەڕاستی ناکرێ هەروا بە سادەیی هەر شتێکمان وویست و حەزمان پێکرد،بڵاوی کەینەوە..نووسەری چاك ئەبێ زۆر بە ووریایی و بیرکردنەوەوە ئەوەی لە هزرێتی جوان بیپێوێ و بزانێ تا چەند مافی داوە بە نووسینەکەی خۆی.

ئەڵبەت ئەم بەڕێزە لە ئەمریکا ناژی و تەنها لە دوورەوە ئاگاداری ڕووداوەکانەوە و پشتی بە زانیاری کەم و بێ بەڵگەوە بەستوەو نەیتوانیوە بابەتەکەی بە باسی ،بپێکێ. دەنا،چۆن ئەبێ هەم کاندید و هەم 75 ملێۆن بە گەمژە دابنێت لە کاتێکدا ئەوەی ئەم بەڕێزە بە گەمژەیان دائەنێ زۆربەی زۆریان خاوەنەی چەندین بڕوانامەو ماستەرو دکتۆراو پرۆفیسەر و زاناو دانای ئەم ووڵاتەن..زۆربەی ئەم گەمژانە بەشداری لەگەورەترین ئابووری جیهان و گەورەترین بڕیاردەری ئەم گەردوونەن.جیهان بەگشتی پشتیان بەم گەمژانە بەستوەوە بۆ داهێنان و تەکەنەلۆژیای سەردەم، دیارە لەسەروو هەموو ئەم گەمژانە(ئیلان مەسکە) کە نەك دەوڵەمەندترین کەسی ئەم گەردوونەوەیە، بەڵکە بەگشت پێوەرەکان ناوی (ئەنشتاین)ی سەردەمیان لێناوە بەهۆی ئەو هەموو داهێنان و تەنەلۆژیایەی ئەم گەمژەیە،بۆ ئەمریکا و جیهانی دەستەبەر کردوە، لەوانە(تێسلا، پلات فۆرمی x،star link،pay pal،لەوانەش گرنگتر AI، واتە زیرەکی دەستکرد..ئەمانەو چەندینی تر).

هەرچۆنێ بێ با بزانین بەرنامەکەی ترامپ چۆنە و لەسەر چ بنەمایەك کار ئەکا کە وای لە زۆرینەی ئەمریکیەکان کرد دەنگی پێبدەن بۆ ئەوەی ببێ بە سەرۆکی ژمارە 47.

یەکەم/ نزیکەی 11 ملیۆن مرۆڤی نایاسایی هاتونەتە ئەمریکا بۆ دابینکردنی ژیانێکی باشتر بۆ خۆیان و نەوەکانیان. لەکاتی کرۆناوە ئەم ژەمارە بێ شوومارە هاتوون کە چەندین تاقم و گروپی خراپ و بێ کەڵکی تێدایە کە زەرەر بە ووڵات ئەگەیەنن. ترامپ لە بانگەشەکەیدا ئەڵێ، لەیەکەمین ڕۆژەوە دەست ئەکەین بە ناردنەوەی ئەو ژمارە زۆرە و ئەوانەی ئەبنە مایەی سەریەشە و نا ئارامی بۆ ئەمریکا. ئایا بەڕاست ئەمە بڕیارێکی گەمژانەیە لە کەسێکی گەمژەوە؟!

دووەم/لەکاتی ئۆباماوە تا ئێستا ئەمریکا خەریك بوو وەك ووڵاتێکی چینی لێ بێت و سیستمەکەی لە سەرمایەداریەوە بگۆڕێ بۆ کۆمنیزمی. کە ئەمەش تەواوی هاوڵاتیانی نیگەران کردبوو لەوەی ئەو ئازادیە ڕەهایەی لە ڕێگای دەستوور و ماددەی ژمارە 2 هەیانە بە تەواوی لەدەستیان دەربچێ . لێرەدا ترامپ بۆ ئەوەی بتوانێ خۆی و هاوڵاتیان بە ئازادی بژین ڕووبەڕووی چەندین هەڕەشە و دادگایی کردن و دوو جار هەوڵی کوشتنی درا، بۆیە خەڵکی لێرە بە تەواوی پشتیان گرت و دەنگیان پێدا.. ئایا بەڕاست ئازادی شایەنی خەڵکانی گەمژەیەن وەیان گەمژەکان بە تەنگ ئازادیەوەن؟!

سێیەم/جەنگی ئۆکرانیا کە ئابووری ئەمریکای تووشی هەڵئاوسان کرد و ژمارەیەکی زۆر لەخەڵکی بێ لانە کردوو چەندین تاوان و دزی و بێ یاسایی و قەیران ڕووی کردە ئەمریکیەکان و تەواو شپرزەی کردن.ئەم جەنگە جگە لەوەی زیاتر لە ملیۆنێك مرۆڤ لە هەردوو لا کوژراوون ، ئەمریکا نزیکەی 175 ملیار دۆلاری زەرەر کردوە و ئابوورییەکەی تەواو لاواز بوە. ترامپ پەیمانی داوە ئەم جەنگە کۆتایی پێ بهێنێ و ئەمریکاش لەو قەیرانە ئابووریە ڕزگار بکا..ئایا کۆتایی هێنان بە شەڕو قەیرانەکان بژاردەیەکی گەمژانەیە و ئەوانەی پاڵپشتی ئەم جۆرە کەسانە و بڕیارانە بکەن،گەمژەن؟