كڕینی هه‌ڵوێستی شاعیرو نوسه‌ر به‌‌پاره‌ یا معاشێكی بن دیوار، پیلانێكی مه‌ترسیداری هه‌ردو حزبه‌ سه‌ره‌كیه‌كه‌ی كوردستانه‌ كه‌ پشكی شێر به‌رپارتی ئه‌كه‌وێت.

مه‌كته‌بی راگه‌یاندنی پارتی رۆژانه‌ چاودێری كه‌ناڵ و سۆشیال میدیا ئه‌كه‌ن، هه‌ر كه‌سێك ده‌نگێكی ناڕه‌زایی هه‌بێ ده‌ڵاڵێكی بۆ ئه‌نێرن تا له‌گه‌ڵی بكه‌وێته‌ سه‌ودا و مامه‌ڵه‌ بزانێ به‌چه‌ند پاره‌ یا مكافه‌ئه‌یه‌ك ڕازی ئه‌بێت ده‌هۆڵ به‌قازانجی پارتی بكوتێ، له‌ ماوه‌ی كاركردنی بۆ پارتیش به‌فیتی پاراستن به‌تایبه‌تی ئه‌گه‌ر ئافره‌ت بێ یه‌كسه‌ر وێنه‌ و ڤیدیۆی ڕووتی به‌كامێرای شاراوه‌ی ناو ته‌والێت و حه‌مامی لق و مه‌كته‌به‌كانی پارتیدا بۆ تۆمار ئه‌كه‌ن تا موچه‌ و موكافه‌ئه‌كه‌شی نه‌مێنێ هه‌ر له‌ناو پارتی بمێنێته‌وه‌

هەڵبەت فاروق ر‌فیق پێش هاتنی بۆ هه‌ولێر زۆر جار له‌كه‌ناڵه‌كان‌ داوای هه‌قی جه‌ماوه‌ر و معاشی خوراوی فه‌رمانبه‌ران و مامۆستایانی له‌مافیاکانی پارتی و یه‌كێتی ئه‌كرد، به‌ڵام بۆ خاتری ئه‌وه‌ی پۆستی راوێژكاری مه‌كته‌بی سیاسی وه‌ربگرێ بە ئاشکرا بوو به‌پارتی به‌ڵام پارتی پاشقولی لێ گرت و ئێستا بە ئاشکرا له‌گه‌ڵ دوو تازه‌ كادیری پاراستن به‌ناوی رۆژان سیفور و دڵشاد نامیق بوونه‌‌ راوێژكاری شڕه‌ گۆڤارێكی بێ خوێنه‌ری پارتی به‌ناوی -هه‌رده‌م-!

لەو نووسینەدا باسی پیلانێكی شاراوە ئه‌خه‌مه‌روو، ده‌ركردنی بڵاوكراوه‌ و گۆڤار‌ بۆ خزمه‌تی رۆژنامه‌گه‌ری و ماستاو بۆ پارتی نیه‌ به‌ته‌نها، ئه‌م راوێژكارانه‌‌ به‌ناوی موكافه‌ئه‌و شتی ترەوە فایلی جاسوسی بۆ ئه‌دیب و نوسه‌رانی سنوری سلێمانی ئه‌كه‌نه‌وه‌ بزانن كامیان به‌پاره‌ وه‌ك فاروق رفیق ئاماده‌یه‌ خۆی بفرۆشێ یان بێ ده‌نگی بكه‌ن له‌دزیه‌كانی ده‌سه‌ڵات و كابینه‌ی مه‌سرور بارزانی.

بەم کورتە نووسینە بە پێویستمزانی ئاگاداری هه‌مو ئه‌دیب و شاعیرو رۆژنامه‌نوسان  بكه‌مەوە كه‌ بۆ خاتری موكافه‌ئه‌یه‌ك له‌م تۆڕه‌ جاسوسیانه‌ی ده‌زگای پاراستنی پارتی و گۆڤاری هه‌رده‌م نزیك مه‌بنه‌وه‌، چونكه‌  كه‌سێتی و سومعه‌تان له‌وه‌ پیرۆزتره كه‌ خۆتان بخه‌نه‌ ژێر پرسیاره‌وه‌.