ئاسنترین ڕێگایە بۆ تێکشکاندنی زیهنیەتی میراسی خۆسەپێنی چەک و خوێن و شۆڕش کە باشووریان هەڕاجکرد، تۆڵەی خۆمان بە دەنگێک بکەینەوە.

گرنگی ئەم هەڵبژاردنە ئەوەیە گەل خاوەن هەڵوێست بێت و بتوانێت کۆتایی بە میراسی خۆێن شۆڕشی چەکداری  و میراسی بنەماڵەیی چەتەگەری کوردایەتی بێنێت.

بۆ ئەوەی کۆمەڵگایی مەدەنی و حوکمەتێکی مەدەنی بونیاد بنێن، هۆشیاری سیاسی ئاقڵانی گرنگە. کە داهاتووی خۆی دیاریی بکات و جارێکیتر ئەم دەسەڵاتە تاوانکاری خاکفرۆش و تاڵانکار و گەندەڵەی کە موچە و قووتی خەڵک دەدزێت کۆتایی پێ بێت، بۆئەوە دەبێت دەنگمان دژیی ئەم دەسەڵاتە بێت و لە ئاژیتەکان و پروپاگەندە پڕوپووچەکانیان ڕابووردویان لەبیرنەکەین. 

حوکمڕانی باش بەمانایی هاوبەشی هەموو چین و تۆێژەکان لەکایەی سیاسی و حوکمڕانی دێت، لەسەر بنەمایی بەرژەوەندی گشتی و کلتووری قبوڵکردنی یەکتری و بە بنەماگرتنی دیموکراتی و ڕەنگدانەوەی لە کایەی ژیانی کۆمەڵگاو تاک کە  یەکتری تەواوبکەن، گەڕانەوەی ماف و ئەرک و بەرپرسیاری بۆ خەڵک و تاکی کۆمەڵگا، دۆزینەوەی خۆیان لە حوکمەتێکدا کە ڕەنگدانەوەی خۆیانی تێداببین و بتوان ناسنامەی هاوڵاتی بوون بەمانایی تەواوی فەراهم بکەن. 

بۆیە ئاستی هۆشیاری گرنگە بۆ تێپەڕاندنی ئەو قەدەرەی کە جیالەخۆشیان کێ بێتە دەسەڵات هیچ ناگۆڕێت! چونکە ئەم هێزانە بەخۆێن هاتوون و بەخۆێن دەڕۆن. بیرکرندوەی بچووک و بێ بنەمایە کە  خزمەت بە دەسەڵات دەکات، بێگومان ئەگەر ئێمە بەدەنگێک کە پایەیی مەدەنیەت و دیموکراتیە هەڵوێستمان نەبێت چۆن دەتوانین بە خوێن ئەم دەسەڵاتە لابدەین.

بۆیە کۆتایی هێنان بە  میراسی خوێن و چەک کە ئەمڕۆ هیچ تاکێکی کۆمەڵگا ئاسیشی ژیان و کەرامەتی تێدا  پارێزراو نییە.  لە خۆیدا شۆڕشێکی سپی کۆمەڵایەتی و ئەخلاقیە بۆ خاوەن دەرکەوتن لە مافەکان. هەموو کەسێک بە دەنگێک دەتوانێت ئەنجامەکان بگوڕێت. بۆئەوەی ئەو دەسەڵاتە و حوکمڕانیە قێزەون  بۆگەنە بەلاوە بنێین. کە نیووسەدە زیاترە لە شاخەوە تاکوو شار کۆمەڵگایان کردۆتە ڕەهینی خۆیان. دەبێت بەرپرسیاریای خۆمان بەجێ بێنین و دەنگ و ڕەنگمان بە شێوازی دیموکراتی و ئاشتیانە بە گوێیاندا بدەین ئێمە ئێوەمان ناوێت.

 ئەم دەسەڵاتەی ئەمرۆ  لە ڕۆژی لەدایک بوونیەوە لە شاخەوە تاکوو ئەمڕۆ هەمان ئەقالیەتی خۆسەپێنی و چەوساندنەوە پەیڕەو دەکەن، خەڵکی دیهات ولادێیان  وەک خزمەتکار سەیردەکرد لەژێرناوی شۆڕشگێری و ووڵاتێکی ئازادیان بۆ  بونیاتدونێن، لەدوای حوکمداریش خەڵک و ووڵاتیان بە کۆیلە و خزمەتکاری خۆیان زانیوە بۆیە بە دڵی خۆیان چیان وویستووە ئەنجامیان داوە، خەڵک قەرزارباری خۆیان دەبینن و بۆیە هەموو شتێک بە مافی خۆیان دەزانن. 

ئەم گروپە تێکدەرانە ئەوەتەی هەن دوژمنی بەهای نیشتمان و نەتەوەیی و کۆمەڵگا بوون، وەک مۆتەکی سەردڵی خاک و خەڵکن، هیچ کاتێک نەیانهێشتووە ئەم گەلە هەناسەیەکی ئارام هەڵمژێت. ئێستا لە سایەیی دەسەڵاتی گەندەڵ و فاسدیی ئەمانە ڕەنجی سەدساڵی گەلێک بەرەو لەناوچوون دەچێت. ئەگەر هۆشیار نەبین خۆمان کۆتایی بە خۆمان دێنین، ئەگەر جارێکیتر ئەمانە بە هێزەوە بە دەنگی خۆمان بخەینەوە  دەسەڵات، گومانم نییە ئەوەشی هەیە لەناوی دەبەن و هەڕاجی دەکەن. 

بۆیە دەبێت هەنگاوی قەڵبازئاسا بگرینەبەر نەترسین. تێپەڕاندنی کلتووری سیاسی تەسلیمکار و خائین بێ ئیرادە کە (پارتی دایک ) پارتی دیموکرات و بنەماڵەی بەرزانی نوێنەرایەتی دەکەن لاواز  بێکاریگەر بکەین. ئەو هێزانەشی لەهەناوی (پارتی دایک) لەدایک بوون خاوەن هەمان کلتوور و زیهنیەتن،  لە یەکێتی و گۆڕان و بەرەی گەل و سۆسیالست  هەتاکوو لایەنە  ئیسلامیەکانیش لەهەمان ئەقڵیەت و فکرەوە نزیکن، نەک لە دین و ئاینەکەیان. چونکە ئەوانیش ئەمەندەی ئاودەکەن ئاشیی (پارتی دایک) و یەکێتی ئەوەندە ئاویان بکردایە ئاشی ئاینی و دینەکەیان بە قسەی خۆیان ووڵات شامی شەریف بوو. بە پێڵاوەوە دەچوونە بەهەشت.

 بۆیە دەبێت هۆشیاربین لەژێر هەژموونی ناکۆکی و دژایەتی ئەم هێز بۆ ئەو هێز کە هەموویان خاوەن یەک زهنیەت هەڵنەخەڵەتێین، بۆیە لە گەوجاندن و هەڵخەڵەتانی کۆمەڵگاو سیناریۆی ئامادەکراوی خۆیان هیچتر نییە. ئەم یاریە لە مەلایی و جەلالی و نەوشیروانی باپیر و سەلاحەدین و لاورهی  تاکوو ئەمڕۆ بەردەوامی پێدەدەن و خەڵک سەرخۆش دەکەن. بۆ ئەوەی خەڵک هەموو نەهامەتیەکان لەبیربکات. بۆیە هەر لایەنێک هەستاوە بە هەڵدانەوەی پەڕاوی دژبەرکەی، یان هەموو تاوانی کاولکاری و برسیکردن و خاکفرۆشی دەخاتە ملیی دژبەرەکەی. سۆلۆگانەکانیان دیارە کە هیچ پرۆژەیەکی نیشتمانی و کۆمەڵایەتی و حوکمڕانیان پێنییە. لەکاتێکدا هەموویان شەریکی یەکترین لە تاڵانی و کاولکاری دزیی ماڵوێرانی خەڵکدا. 

گۆڕانکاری کاتێک ڕوو دەدات ئەقڵیەتی دۆگما و ترس و بێفکر دەربازبکەین. بۆئەوەش دەبێت پڕوپاگەندەکانی دەسەڵات خاوەن چەک و هێز و ڕابووردووین و ئێمە حوکم دەکەین، لە چەواشەکاری و شکاندی ئیرادەی خەڵک هیچیتر نییە. تاکوو ئەقڵیەتی دۆگمایی قەدەرگەرایی زاڵبێت لە بیرکردنەوەکانماندا. دەسەڵات هەمیشە پروپاگەندەی ئەم قەدەرگەراییەدەکات. بۆیە دوا پەیامی نێودەوڵەتی و ئەمریکا و ئەورپاش بە ئاشکرا دوڵێت ٢٠/١٠/٢٠١٤ ئەو ڕۆژە گرنگەیە داویی چەندین ساڵ کە دەتوانن دەنگی خۆتان بدەن، چونکە لە ڕووی بەڕێوەبردنی  میکانیزمی هەڵبژاردن هەموو لەدەستی دەسەڵات دەرهێنراوە بۆجاری یەکەم کۆمسیۆن و هەڵبژاردن دەکرێت کە پارتی و یەکێتی ناتوانن چیان وویست بە دڵی خۆیان بیکەن، ئەم خاڵە لە خۆیدا گرەتنی گۆڕانکاری لەخۆی دەگرێت ئەگەر بە هۆشیاری و زانایی دەنگی خۆمان بدەین.