نزیک بوونەوە لە دەنگدان واتە:

- مەولوودنامە بەتامی بانگەشەی هەڵبژاردن.

ـ هاتنەخوارەوەی بەرپرسەکان لە بینا بەرزەکانیان.

ـ کارەباو ئاوو خزمەتگوزاری بەردەوام.

ـ بەڵێنی خزمەتگوزاری زل زلی وەک هێڵی شەمەندەفەری لەکاتێکا کابان هێشتا بێ مووچەیە!

ـ ئازادکردنی زیندانیکراو بە تۆمەتی دەست تێکەڵکردن لەگەڵ داعش!:

مەسعود بارزانی بە ئیمزای خۆی لێخۆشبوونی گشتی بۆ تاکێك دەرکرد کە لەسەر داعش بوونی زیندانی کرابوو!

لێخۆشبوون لە داعش نەک بەتەنها بانگەشەیەکی زەقی دەنگدان بەڵکوو هاوبەشی کردنیشیەتی!

ـ سەنگەر گۆڕکێی سەر کوتلەو شێخ و سەرۆک عەشیرەتو ناودارەکان لەم حزب بۆ ئەو حزب بە بڕێك پارە:

بەرە دەنگدان بە وێنەی گواستنەوەی هاوینەی تۆپی پێ بازاڕێکی گەرم دەدات بە کەسە دیارەکانی وەک سەرۆک عەشیرەت و شێخی تەریقەت و مەلا و ڕۆژنامەنووس و هونەرمەندەکان تا نرخێکی باش بکەن بەو شەرتەی ڕەسمێک لەگەڵ سەرۆکی حزبە تازەکەدا بگرن و بە ڕای گشتی ڕابگەیەنن کە حزبەکەی پێشوتر چیتر باش نین لە خزمەتکردنی خەڵکا بەڵام حزبە تازەکەیان باشترن لە هینکردنی خەڵکا.