گاودی زانای بەناوبانگی ئيسپانی ،لە ساڵی ۱۸٥۲ لەدايكبوە لەشاری رويس لە کتالۆنيا. لە ساڵی ۱۹۲٦ کۆچی دوايی کردوە لە بەرشەلۆنە .پێنج خوشك و برابوون گاودی بچوکترين مناڵ بوو . باوکی گاودی کاری نحاسی ئەکرد . گاودی هەرلەمناڵيەوە نەخۆشی رۆماتيزمی هەبووە ، ئەم نەخۆشيە وای  لێ کردوە کە لە مناڵەکانی تر دووربێت ، نەیتوانی وەکو مناڵەکانی تر ژيانێکی سروشتی خۆی بباتە سەر ، ئەنتۆنی گاودی مرۆڤێکی ئايندار بوو ، زيرەکی  و  هەست ناسکی وای لێکردبوو کە زۆر گرنگی بدات بەسروشتی خودا ، ئەوسروشتەی کە خودای گەورە دروستی کردوە بۆيە لەناوسروشتی خودا توابوەوە. گەورە ئەندازياری تەلارسازی ئيسپانی ئەنتۆنی گاودی زۆر گرنگی ئەدا بە هونەری ديزاينی مسری ، ئێرانی ،  يابانی .گاودی لەتەمەنی ۱۸ ساڵی چوە بەرشەلۆنە بۆ خوێندنی ئەندازياری تەلارسازی ، بۆئەوەی بتوانێ بەردەوام بێت لە خوێندن لەگەڵ گەورەتەلارساز (جوان مانۆرێت ) ئيشی ئەکرد ، گاودی جگە لە خوێندنی ئەندازياری زمانی فرەنسی ، مێژوو،ئابووری، فلسەفەی زانستی جوانی (علم الجمال) خوێند . گاودی  داهێنەرەکی سەرسورهێنەر بوو بۆيە لەکارەکانی شتی نوێ ی بەکار ئەهێنا ،يەکەم کەس بوو کە پلاستيکی بەکارهێنا لەديزاينە سەرسورهێنەکانی وەهەروەها چەندەها شتی تر، وەکوو سيراميك ،شووشەی ڕەنگاوڕەنگ ،توانەوەی ئاسن ،دارتاشی ئەمانە هەمووی ئيشی دەستی بوون . ئەمانەی جێگيرکرد لە هونەری تەلارسازيدا . گاودی حەزی نەئەکرد بيرو بۆچونی خۆی تەنها بخاتە سەر کاغەز . کاتێ ئەیويست جێگايەک ئەپارتمانێك دروستبکات ئەو بە شێوەی سێگۆشە دروستی ئەکرد بۆ ئەوەی لە سێ لابيبينێ    (3D)  يەکەم کەس بوو کە ئەم ڕێگايیەی دۆزيەوە . کارەکانی گاودی لەکاتێکدابوو کە هونەری تەلارسازی لەوپەڕی پێشکەوتن دابوو لە هەموو ئەورووپا . بۆيە کارەکانی گاودی و هاورێکانی جێگايەکی هەرەبەرزيان بۆ خۆيان تۆمارکرد لە دروست کردنی (کتالۆنيا) هونەری ئەندازياری تەلارسازی گاودی يەکێکە لەهەرە زانای گەورە لەهەموو کات وزەمانێکدا . گاودی لەبەرئەوەی مرۆڤێکی ئايندار بوو ناوێکی تري هەبوولەبەربۆ خودای گەورە.  ( Gods Architect) . خۆشەويستی گاودی بۆ خودای گەورە وای لێکرد کە ( کەنيسەی سەگرادە فاميليا ) دروست بکات بەجوانترين شێوە ،کەيەکێکە لە گرنگترين شوێن لە جيهان . بۆ ماوەی دەساڵ تەنها خۆی بۆ ئامادەکرد ،پلانی بۆ دانا.   ۳٠ ساڵ ئيشی لە کەنيسەی کاثۆليکی ساگرادە فاميليا بەجوانترين نقش وزەخرەفەکاری تێدا کرد . بەڵام تەواوی نەکرد گاودی مرۆڤێکی ئايندار بوو پردێکی خۆشەويستی دروست کردبوو لەبەينی سروشت و کارەکانی هەردەم بيری ئەکردەوە لە خودای گەورە کە چۆن ئەم سروشتە جوانەی ئاوا دروست کردوە لە شێوەو ڕەنگەکان .

لە ساڵی ۱۸۸۲ی زايينی دەستی بەدروست کردنی کەنيسەی ساگرادە فاميليا کرد . بەڵام تەواوی نەکرد حکومەتی ئيسپانی دەستی کردوە بە تەواو کردنی لەسەر ئەو رێ و شوێنەی گاودی چۆنی داڕشتووە ئاوا تەواوی ئەکەن  . هەوڵ و کۆشش ئەکەن کە  لە ساڵی ۲٠۲٦ زايينی تەواو بکرێت کە ئەکەوێتە سەدەمين ساڵيادی کۆچی گاودی  کە بەروارێکی  مێژوويي زۆر گرنگە! لەم کاتەدا  بکرێتەوە بەرووی جيهاندا  . کنيسەی ساگرادە فاميليا بەيەکەم کنيسە دائەنرێت لە جيهان لە رووی ديزاين و شايستەکەی . کە هەر سوچێکێ کەنيسەکە چيرۆکێکی مێژوویيی  درەوشاوەی کەنيسەکە ئەگێڕێتەوە ،نووسراوەکان واتە قولەلەکان باسی ژيانی مەسيح ئەکەن کە چۆن هاتوەو چۆن ڕۆيشتووە .

پلانی ئاسۆييی کەنيسەکە کە جوانةکەی لەرادە بەدەرە . چەندەها دە

رگای چوونەژوورەوەی تێدايە کە وێنەی جياوازی موعجيزە پێشان ئەدات .سەبارەت بە رووبەرەکانی  سێ گەورەترين رووبەری نێودەوڵەتی هەيە . رووبەری يەکەم کەرووی لەڕۆژهەڵاتە بەجوانترين شێوە خۆی پێشانمان ئەدات . رووبەری دووەم رووبەری سۆز دێت کەرووی لە ڕۆژ ئاوايە . رووبەری سێيەم گەورەترين رووبەرە بەرەو باشوورە دەروازەی شکۆمەنديە . لە رووبەری يەکەم سەرنجی ئەوە دەدات چۆنيەتی دەرکەوتنی مەسيح بۆناو  جيهان . سەبارەت بە رووبەری سۆز شکست و کەسايتيە ئەشکەنجەدراوەکان ، ئای کۆنەکانی ئەشکەنجەدانی مەسيح دەردەبڕن . تاوەرەکان بەجۆرێك لەشکۆمەندی و گەورەيی دەوری هەموو ئەم رووبەرانە ئەدەن ، کە دەربڕينێکی ڕێزلێنان و پيرۆز بەنووسراو وێنەکان دەبەخشێت .

ئەنتۆنی گاودی ۱۷ تەلاری دروست کرد . حەوتی لەنێوان ساڵانی ( ۱۸٥۲_۱۹۲٦) لەبەرشەلۆنە دروستکرد ،  کە يۆنسکۆ لەساڵەکانی نێوان( ۱۹۸٤_۲٠٠٥) کە پێناسە کراوە بەسەرمايەکی گرنگی جيهانی هەژمارئەکرێت . بەرهەمەکانی گاودی وای کرد کە هونەری تەلارسازی پێشکەوتنێکی گەورەی بەخۆی ببينێ لەنێوان سەدەی ۱۹ و سەرەتای سەدەی ۲٠ ،

ئەنتۆنی گاودی خێزاندار نەبوو هەموو کاتەکانی بۆ ئيش کردن و خوێندن و داهێنان تەرخان کردبوو .

ئەنتۆنی گاودی هەموو ڕۆژێك ئەچووبۆ کەنيسەی ساگرادە فاميليا ، ڕۆژێکيان لەڕێگا ترام خۆی لێدا بۆ ماوەی سێ ڕۆژ لەهۆش خۆی چوو ، لە بەرواری ۱٠/٦/۱۹۲٦  لە تەمەنی ۷۳ ساڵی کۆچی دوايی کردی

کاتێ گاودی لە نەخۆشخانە بوو کەس نەی ئەناسی ئەم مرۆڤە بەرزە ، ئەم داهێنەرە مێژوويەکی جوان پڕ لەسەرکەتن بۆخۆی تۆمارکرد ، ئێستاش ئە تەلارانەی کەدروستی کردوە جێگای خەڵکە تێدا پشوو ئەدەن بێ بەرامبەر لە هەموو جيهان سەردانی ئەکەن ، سەرچاوەيەکی زانستی هەربەرزە بۆ گەنجەکان کە جۆرەها زانستگەنجەکان لێوەی فێر ئەبن ، هەزاران سڵاو لەگيانی پاکی ئەنتۆنيۆ گاودی گشت مرۆڤە پاك و داهێنەرەکان .