نەزانینی پیرۆز( جەھلی موقەدەس) چییە؟
Sunday, 14/07/2024, 20:43
5193 بینراوە
کێن ئەو کەسانەی کە (نەزانینی پیڕۆز )بەکاری دەهێنن؟ وە بۆچی بەکاری دەھێنن؟
نەزانینی پیرۆز (جەھلی موقەدەس) زاراوەیەکە بۆ وەسفکردنی جۆرێک لە نەزانین ، کە لە چوارچێوەیەکی ئایینی یان ئایدیۆلۆژی دیکتاتۆری دا بە فەزیلەت یان سوودبەخش دادەنرێت ئەم زاراوەیە ئاماژەیەکە بۆ دوورکەوتنەوەیەکی هۆشیارانە لە زانین و زانست ! ئەو کەسانەی کە ئەم زاراوەیە بەکادەھێنن، بۆ چەواشەکاری کۆمەڵگە ! ئەویش بۆ پاراستنی بیروباوەڕێکی دیاریکراوی دینی یان دکتاتۆری ئەوش بۆ پاراستی بەرژەوەندی دینبازەکان و سیاسەتبازەکان ( واتە دەستەڵات)!
کێن ئەو کەسانەی کە نەزانینی پیرۆز( جەھلی موقەدەس) بەکاری دەهێنن؟
ئەم زاراوەیە لەلایەن گروپە جیاوازەوە بەکاردەهێنرێت:
١ - گرووپە ئاینیەکان : ڕەنگە هەندێک لە نەریتی ئایینی یان مەزهەبەکان ئەم دەستەواژەیە (نەزانینی پیرۆز) بەکاربهێنن بۆ ئەوەی ئاماژە بەوە بکەن کەکۆمەڵگە باشترە دوور بکەویتەوە لە هەندێک زانستی دونیا ! کە ئەو زانستە ، دەتوانێت ئیمان تێکبدات یان باوەڕداران لە ڕێبازی ڕۆحی خۆیان سەرقاڵ بکات و لەوانەیە لایەن بدات ! (واتە بۆ گێلکردنی کۆمەڵە کەسانێک و بەرژەوەندی دینبازەکان یان سیاسەتبازەکان)
٢ - ڕەخنەگرانی ئایین : ئەم دەستەواژەیە (نەزانینی پیرۆز) لەلایەن ڕەخنەگرانی ئایینیشەوە بەکاردەهێنرێت بۆ چارەسەرکردنی هەڵوێستێکی نەزانیی بەئەنقەست زۆرجار ئەو زاراوەیە بە مانای سووکایەتیکردنیش بەکاردەهێنن بۆ ڕەخنەگرتن لە هەندێک لە توندڕەوەکان ( دینباز یان سیەسەتباز)، چونکە ناتوانن یان نایانەوێت ئەو زانستە قبوڵ بکەن کە لەگەڵ ئیمان و ئایدۆلۆجیەکەیاندا ناگۆنجێت ھەرچەند خۆشیان ڕۆژانە بەرھەمی ئەو زانستە بەکاری دەھێنن وەک ( فەیسبوک و ئەنتەرنێت ، تەلەفزیۆن و زانستی پزیشکی و شتەکانی تریش)
بۆچی ھەندێک کەس و گروپ یان حیزب، نەزانینی پیرۆز( جەھلی موقەدەس) بەکاردێنن؟
١ - بۆ پاراستنی ئیمانیان : هەندێک لە باوەڕدارانی توندڕە و یان دینبازەکان ، وا دەزانن کە دورکەوتنەوە لە زانست و زانیاری ، لەوانەیە یارمەتیدەر بێت بۆ پاراستنی ئیمانەکەیان لە گومان و سەرلێشێواوی ! ( بەرژەوەندی گیرفان و حەزە سێکسێکانیان) بەبۆچونی دینبازەکان، ئەمەش وەک ڕێگەیەک سەیر دەکەن، بۆ پاراستنی پاکی ڕۆحی بۆ دینەکەیان (بەرژەوەندیەکانیان) !
٢ - بۆ شیکاری ڕەخنەیی : بەکارهێنانی ئەو دەستەواژەیە ، بۆ ئەوانەی ڕەخنە دەگرن لە ئایین و ئایدۆلۆژیاکان، ، ئاماژەیەکە بۆ ڕەفتاری دینبازەکان و توندڕەوەکان و دکتاکتۆرەکان وەک شێوەیەک لە سنووردارکردن، وە مەترسیشە بۆ ئازادی بیروڕا دەربڕین ڕەخنەگران زۆر بەگرنگی دەزانن کە هەموو جۆرەکانی زانین و ئازادی تاک و کۆمەڵگەیەکی دیموکرات و کراوە ھەبێت بۆ کۆمەڵگایەکی تەندروست و دادپەروەر پێشکەوتوو ڕەخنەگر چونکە بە بێ جیاوازی بیروڕا ، ناتوانرێت کە باشتریین چارەسەر بۆ مشکیلەیەک ھەڵببژێردرێت
زاراوەی نەزانینی پیرۆز( جەھلی موقەدەس) بەپێی ئەو چوارچێوەیەی کە تێیدا بەکاردەهێنرێت، و کێ بەکاری دەھێنێ؟ کاردانەوە و لێکدانەوە جیاوازەکان دەورووژێنێت دەتوانێت لە چوارچێوەیەکی بیروڕای تاک حیزبی ( دکتاتۆری) یان ئایینیدا (دینبازی) واتایەکی ئەرێنی و باشی هەبێت بۆ پاراستنی بەرژەوەندی دکتاتۆرەکان و خێزانەکانیان و بەرژەوەندی دینبازەکان !
بەڵام ھەمان زاراوە لە چوارچێوەیەکی عەلمانی و زانستی و ڕەخنەگرانەی تردا ، واتایەکی نەرێنی دەبێت واتە سنوردارکردنی ئازادی ڕادەبڕین و ئازادی تاکەکان و شەفافیەت لە کۆمەڵگەدا بەوەش دادپەروەری و ئاسودەیی و پێشکەوتنی کۆمەڵگە و بەھرە و توانا و لێھاتویی تاکەکانی کۆمەڵگەش بۆ دواڕۆژێکی وێران دەبن
وێنەی گەورەکە : تۆماس ئەدیسۆن ، ئەو دوژمنی خەو بوو ، بەڵام گڵۆپ و کارەبای داهێنا بەوەش نەک ھەر دنیا ، بەڵکو ھەموو پەرستگا تاریکەکانی بە کەعبەی موسڵمانانیشەوە، ڕوناک کردەوە
وێنەکانی تر : خۆیان دەدوێن کە دوژمی ئازادین ئەوان ترس و دڵەڕاوکێ و ھەژاریان داھێنا ، بەوەش کۆمەڵگەیان دەکەن بە تاریکستان بەڵام بەرژوەندی خۆیان و گیرفانی خێزانەکانیان پڕ و ڕوناک دەکەنەوە و ئارەزووەکانیان تێر دەکەن.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست