لە بیرناچی
Friday, 03/05/2024, 21:00
هەموو ساڵێک لە مانگی گوڵاندا
بیر لە
تازە لاوێک دەکەمەوە کە
بە دەستی جەللادێکی ترسنۆکی
خوێڕی
تەمەنی وەک سوورە گوڵێکی
بەهاریی پەڕ پەڕ دەبێ
سەردەشتیان کوشت
تا پێنووسەکەی لە دەستی بکەوێ
تا بێ دەنگ بێ وبسرەوێ
کەچی هەمووجارێ
دەگەڵ هاتنی مانگی گوڵان
لە وەرزی بەهاردا
هە زاران خونچەی پێنووس
لە سەر گڵکۆکەی دەڕوێ.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
