د مێژوویێ دا خو خاپاندنا سەرکردەیەکی دبیته ئەگەری خاپاندنا ئەو کومەلگەها ژلایێ وی سەرکردەی دێتە رێڤەبرن، بویەرا خاپاندنا کومەلگەهێ دبیته ئەگەرێ راستی بێتە بەرزەرکرن ، چونکی ئەڤ خاپاندنا دیر ژ راستیێ ب باوەرکرنا زورینەیا کەسان ب راست دێتە هژمارتن ٬ دەمی دا ئەڤ خەلەتی یە پیروز دبیت و ئەڤ خەلەتی یە زور جور دگوریت، راستی یا ڤێ خاپاندنێ دبیته گوتنەك بێ بها، کومەلگەها هاتی خاپاندن دەمی دا سنورێ ڤێ خاپاندنێ بەرفرەهتر دکەن٬ چونکی ینیاتێ ڤێ خاپاندنێ دبیتە ئەگەرێ هەبوونا وانان.

ئەوێن باوەری ب نەراستیا سەرکردەی نەهێت ژلایێ باوەردارێن سەرکردەی ڤە خیانەتکار و خوفروش دێنە قەڵەم دان، ڤی باری دا پشتەڤانێن سەرکردەی بو پشتەڤانیا راستیا خو هەمی جورێن هێرشا دکەن سەر دوژمنی، نە سەیرە دەمی دا ئەڤ خاپاندنە چەندین کەڤن بیت زورتر باوەری ب ڤێ خاپاندنێ هێزتر بیت.

بو بەردەوامیا خاپاندنێ پێتڤی ئەفسانە و دوژمنێن خەیاڵی دبیت، سیستەم سەر نەراستیا دێتە دانان و بو بەردەوامی دانێ بانگەشێ دکەن، بانگەشێ دا راستیا میژوویێ و پێناسا مروڤایەتی و مانا دادی و یەکسانی دێتە گورین، مێژوویا سەرکردەی دکن تاکە راستی، بەلێ ئەنجامێ ڤێ خاپاندنێ دبیتە شکەستن.

دێتە زانین ل داویا مێرنشینا عوسمانیان دا سەردەمێ عەبدولحەمیدێ دووێ راوێژکارێن وی کرێکار هەبوون بو دەمێ شاهێ عوسمانیان ژ مزگەفتێ دەرکەفت گازی دکرن : شاهێ مە هەر بژی، ب ڤێ چەندێ عەبدولحەمیدی هزردکر رێڤەبەریا وی زور باشە.

راوێژکارێن ئیسکەندەری ئیسکەندەر باوەردار کربی کو دبیتە کورێ زێوسی ، 

 ئیسکەندەری ئەڤ چەندە باوەرکر و تا هاتیە بریندارکردن ل شەرێ گرانیکوس دا، دەمێ خوینا سور هاتیە خوار ژ لەشێ وی شاش بی و دەنگێ بەرز گوت ئەڤە خوینا مروڤایە !

بەلێ خوینا مروڤا بی چونکی ئیسکەندەر مروڤ بی، راویژکارێن وی بین ئەگەرێ ژدایك بوونا دیکتاتورەکی و ل پشتی دەمەکێ کێم مرنا ئیسکەندەری ئیمپاراتوریەتا وی دا پارچە پارچه بیت.

ئەڤرو دا ل ژێر دەسەلاتا بارزانیان دا چەندین جورێن خوخاپاندنا دێتە بکارئینانێ ، ل مێژوویێ دا سەرهلدانا بارزانی دژی عبدالکریم قاسمی بو بەرژەوەندیا ئاغایایێن عەشیرەتان بی، بەلێ ب بەرژەوەندیا گەلێ کوردستانێ دێتە قەلەم دان، ئەنجامێ ئابوریا سەربەخو بو ماوێ ١٠ سالانە خەلکێ کوردستانێ برسی و نەخوشی بوویە، باسێ دەستکەفتنێن سەرکردێن پارتی د هەستێ خەلکێ کوردستانێ دا وەکو ریفەراندوما بارزانی بێ بهایە.