چه‌ند نهێنییه‌كی كه‌سایه‌تی قوباد تاڵه‌بانی
Monday, 06/11/2023, 20:49
شه‌ماڵ حه‌مید
هه‌موو گه‌نجێ له‌م سه‌رده‌می بێكاریه، حه‌زی له ئیشێكه داهاتی باشی هه‌بێ بۆ دابينكردنی پێویستیه‌كانی خۆی به‌زووترین كات.
من وه‌ك وێنه‌گرێكی چالاكی فیستیڤاڵ و بۆنه‌كان، خه‌وم به دامه‌زراندنه‌وه ئه‌بینی كه معیشه‌تم دابین بكه‌م، به‌هۆی دۆستێكمه‌وه دوو ساڵ له‌مه‌وپێش بوومه وێنه‌گرێكی ستافه‌كه‌ی قوبادتاڵه‌بانی.
چیم بینی و چیم بیست؟!
قوباد تاڵه‌بانی زۆر عاشقی ئه‌م شتانه بوو:
- دیدار و سه‌ردانی باڵیۆز و نوێنه‌ری وڵاتان بۆ فرۆشتنی سه‌همی غاز و نه‌وتی تایبه‌تی خۆی و سپی كردنه‌وه‌ی پاره‌كانیشی له‌و وڵاتانه.
- ته‌نیسقی به‌رده‌وام له‌گه‌ڵ كۆمپانیاكانی ناوخۆ، كارئاسانی بۆیان بۆ وه‌رگرتنی سه‌هم.
- دانانی سه‌رۆك شاره‌وانیه‌كان بۆ داگیركردنی موڵكه گشتیه‌كان و كردنیان به‌باڵه‌خانه و شوێنی تیجاری.
- په‌یوه‌ندی باش له‌گه‌ڵ كۆمپانیاكانی هێنانی داوده‌رمان، كه‌ره‌سته‌ی جوانكاری و ئۆتۆمبێل...بۆ قۆرغكردنیان.
- كردنه‌وه‌ی نه‌خۆشخانه و جامیعه‌ی تایبه‌ت.
- دامه‌زراندنی كۆمپانیای ڤیزای وڵاتان كه داهاته‌كی زۆرباشی هه‌یه.
- په‌یوه‌ندی و ڕێزگرتنێكی بێ پایان بۆ سه‌ركردایه‌تی پارتی و كادیره‌كانیان.
قوباد تالەبانی ڕقی له كێ بوو؟
- نوێنه‌رانی جوتیاران، خوێندكاران، مامۆستایان كه داوای موچه و پاشه‌كه‌وته‌كانیان بكه‌نه‌وه.
- بڕینی بودجه‌ی هه‌ر ڕێكخراوێكی مه‌ده‌نی و رۆشنبیری كه كوتله‌ی خۆی نه‌بن.
- چاره‌ی نه‌خۆشخانه و زانكۆكانی نه‌ئه‌ویست چونكه له‌جیاتی داهات، داوای مه‌سروفاتیان ئه‌كرد.
- حساب نه‌كردن بۆ هیچ ئه‌ندامێكی مه‌كته‌بی سیاسی حیزبه‌كه‌ی و به‌زه‌رده‌خه‌نه‌وه چه‌ند جار گوێم لێ بووه كه بێزی نایه‌ت بچێ رۆژێكیش له مه‌كته‌ب سیاسی بێت.
- له‌سه‌ر براكه‌ی ئه‌یوت باوكم هه‌موو جارێ وتویه‌تی كوڕێكی شیرین و كه‌رێكم هه‌یه.
- كوێر بوایه ڕێكخراوه خێرخوازی و مه‌ده‌نیه‌كانی نه‌بینیایه به عه‌تای سكرتێری ئه‌وت به‌قسه‌ی خۆش پولیان پێوه‌بنێ.
ئه‌مانه مشتێكن له‌خه‌رواری گه‌نده‌ڵی و پاره‌خۆریه‌كانی قوباد تاڵه‌بانی، بۆیه دوای ده ساڵ حكومڕانی... پرۆژه‌یه‌كی خزمه‌ت گوزاری نیه شانازی پێوه بكات چونكه هه‌ر مه‌شغوڵی ئه‌وه بوو كه به‌و ده ساڵه به‌قه‌ت سی ساڵی مه‌سرور بارزانی بدزێ!.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
