یونس شه‌له‌بی هونه‌رمه‌ندی كۆمیدی میسری له‌بیره‌وه‌ریه‌كانیدا ئه‌گێڕێته‌وه له پرسه‌یه‌كدا‌ خه‌ریك بوو قاقا پێبكه‌نم، كه‌سێكیان به‌سه‌رۆك بانگ ئه‌كرد كه‌ هیچ سیفاتێكی سه‌رۆكی تیانه‌بو، به‌چپه‌ پرسیارم كرد ئه‌م موخه‌ربه‌ته‌ كێ¬یه‌؟. وتیان سه‌رۆكی فشه‌كه‌رانی شاره‌كه‌یه‌ چونكه‌ له‌قه‌بی سه‌رۆكی تیایه‌ هه‌ر لای خۆشه‌...!‌  ‌‌

ئه‌م بیست ساڵه‌ له‌كوردستانیش به‌قه‌د قه‌باره‌ی وڵاتی چین، ده‌سته‌ و ڕێكخراو دامه‌زران و پاره‌ و بوجه‌ی مشه‌یان له‌حكومه‌ت وه‌رئه‌گرت به‌ناوی سه‌یروسه‌مه‌ره‌ی وه‌كی ‌ده‌سته‌ی ڕاوچیان، ڕێكخراو‌ی ئه‌سپسواران، ‌ڕێكخراوی گیاخۆران.. 

یه‌كێك له‌و كه‌سه‌ هه‌زه‌لی و كۆمیدیانه‌ش، سه‌رۆكی مونته‌دای فشه‌كه‌رانی كوردستانه‌ كه‌ ناوه‌ ئه‌سڵییه‌كه‌ی -فه‌یسه‌ڵ عه‌لی-‌یه، چه‌ند مه‌سئولێكی باڵای یه‌كێتی بۆ ڕابواردن و جه‌و وه‌رگرتن له‌ فشه‌كانی، به‌موچه‌ی‌ راوێژكار له‌ مه‌كته‌بی سیاسی دانراوه‌‌، ڕۆژانه‌ بۆ داپۆشینی گه‌نده‌ڵی و دزی مه‌سئوله‌كان، فشه‌‌ بۆ سایت و كه‌ناڵه‌ سێبه‌ره‌كانی یه‌كێتی ئه‌كات كه‌ گوایه‌ ئاینده‌ی گه‌له‌كه‌مان گه‌ش و ڕووناكه‌. 

ڕێكخراوێكی وه‌همی به‌ناوی مونته‌دای ئابووری كوردستان دامه‌زراندووه‌، بێ ئه‌وه‌ی ڕۆژێ جورئه‌تی هه‌بێ له‌و هه‌موو قه‌یرانه‌ ئابوریه‌ تاڵ و سه‌ختانه‌ی كوردستان، ڕه‌خنه‌یه‌ك ئاراسته‌ی حكومه‌ت و ئه‌حزابی ده‌سه‌ڵات بكات، به‌ڵام جۆره‌ها فشه‌ی ده‌رباره‌ی ئه‌زمونی سه‌ركه‌وتوی ئه‌حزابی ده‌سه‌ڵات بۆ كه‌ناڵه‌كان هه‌یه‌. به‌ڵام به‌رده‌وامیش خه‌ریكی ته‌قریر و راپۆرت نوسینه‌ له‌سه‌ر هه‌ر كۆمپانیا و كه‌س و لایه‌نێ كه‌ ئاماده‌ نه‌بن قازانجی كاره‌كانیان له‌گه‌ڵ حكومه‌ت دابه‌ش بكه‌ن 

له‌ وه‌ڵامی گله‌یی دۆست و هاوڕێكانیدا بۆ فشه‌كانی، ئه‌ڵێ ئه‌مرۆ نان له‌ فشه‌دایه‌!