هیچ میللەتێک لە دنیا دا هێندەی میللەتی کورد سەرقاڵی یادکردنەوە مێژوییەکان نییە!

میللەتی کورد  بە درێژایی چواروەرزەی ساڵ سەرقاڵی یادکردنەوەکانیەتی وقەتیش دەرس و ئەزمون لە  مێژوی شکستخواردووی خۆی  وەرناگرێت!

لەم ڕۆژانە دا لە یادی ڕابردنی  سەدەیەک  لە پەیمانی لۆزان لە شاری لۆزانی سویس  دا گردبونەوەیەک ئەنجام دەدرێت و چەند سیاسەت مەداری کوردیش وەک عەبدوڵڵا موهتەدی و مستەفاهیجریی کە دوو هاوپەیمانی لالوت لەیەکی ناوەندی هاوکاری حیزبەکانی خۆیانن و هەر یەکەو بە شوێن بەرەیەکی جیاوازی شیونیستی و ناسیۆنالیستی تۆخی سەڵتەنەت و موجاهیدین کەوتوون بەشداردەبن و موهتەدی سەبارەت بەم پەیماننامە نگریسە قسە دەکات!

قسە لە سەر ئەم یادکردنەوانەیە کە هەر هەمووشیان یادکردنەوەی شکان  و بێ دەسکەوتن هەتا ئێستاش پاش سەدەیەک و سەرەڕای ئەم هەموو خەبات بەرخۆدان و خوێن ڕژان و کاولکاری و ماڵ وێرانی و دەربەدەریە میللەتی کورد هەر لە شکست و پچڕ پچڕ دادەژیت و بێ چارەنوس و بێ دەوڵەتی خۆی و بێ سەربەخۆیی ماوەتەوە و نه ی توانیوە خۆی خۆی ڕزگاربکات و هەرچاوەڕوانی ڕوحم و ئیرادەی خوداکانە بێن ڕزگاری بکەن!

هەر لە ڕاپەڕینە عەشاییریەکانی ئاغاو شێخەکانی وەک سمکۆ و شێخ  سەعید و شێح مەحمودو قازی  مەحەممەد و بارزانیەکان و کێشەی جەلالی و مەلایی و هەموو شەڕەناوخۆییەکانی کوردستانەوە هەتا ئێستا ش میللەتی کورد هەر نەیتوانیوە لە گەردەلولە مەرگە ساتەکان تێپەڕبێت کە بەشی هەرە زۆری لە نه زاینی خۆیەوە سەرچاوەی  گرتوە و نەیتوانیوە خۆی ڕزگار بکات.

هەر ئەمڕۆش کە دەبینین وە ک هەموو سات و کاتە مێژوییەکان سەرانی ئەحزابی کورد هەر لە هەوڵی سواربونی پاشکۆی داگیر که رانی  ئێران و عێراق و تورکیا دان وقەت باوەڕیان بە هێزو توانای شۆڕشێکی نەتەوەیی نییە و نەش بووە.

قەت  سەرکردایەتی حیزبەکانی بزوتنەوەی فەشەلی کوردایەتی نەوێراون خۆیان لە مەڕ لێکۆڵینەوەیەکی عیلمی و زانستیانە  بدەن و   بە بەشداری خەڵکی شۆڕشگێڕی  کوردستان  مێژوی ئەم شکستانەو خەیانەتەکانی نێوخۆیی  نەقد بکەن  و دەفکری گۆڕانکاریەکی نوێتر دابن !

نەوێراون و ناش وێرن بزوتنەوەیەکی نەتەوەیی یەکگرتووی ڕزگاری بەخش  بخوڵقێنن چونکین باوەڕیان پێی نییە و  هەریەکە و دەفکری قۆزتنەوەی به رژەوەندی و دسەڵاتی حیزبی  و کورسی  خۆی دایە  و نەک ڕزگاری نەتەوەیەکی بن دەست!

 ناتوانن ڕاشکاوانە خۆیان لەم بزوتنەوە فەشەلەکلاسیکە کوردایەتیە  ڕزگاربکەن چونکین  قازانجی خۆیان لەم شێوە مانەوەدا زۆرتر ده بینن

هەروەک باشوری کوردستان کە نمونەیەکی زۆر زەق و ئاشکراو  ڕوونە

 قەت ناخوازن  میللەتی کورد ئاوڕێکی نوێ لە پێشەوه ی خۆی  بداتەوە و هێندە سەرقاڵی یادکردنەوەکان و شین و گابۆڕی سەر گۆڕستانەکان نەبێت!