Doften från mammas kurdiska kök

نوسینی: سروە نوری ئەزیز

چاپ و بڵاوکردنەوەی: Carlsson bokförlag ، 

ستۆکهۆڵم، سوید، زمانی سویدی

”سروە ئەزیز شتێکی جیاواز دەکا لە کتێبی بۆن و  بەرامەی خواردەمەنی کوردی دایکمدا، سیاسەت، مێژوو، کلتوور و خواردن پێکەوە گرێدەدا. هاوکات باس لە یادەوەرییەکانی خۆی لە چێشتخانەی خێزانەکەیان دەکا. بە خۆشەیستیەوە باس لە بۆن و بەرامەو تامی ئەو خواردنانە دەکا کە لە خێزانەکەیاندا، لە لای دایکی، لە باشووری کوردستان،  بۆن و بەرامەی بڵاودەبۆوە.  سروە ئەزیز کە مامۆستا و نوسەرە باس لە ڕێگای خواردەمەنی کوردییەوە لینکێک دروست دەکا لە نێوان رێگای پەنابەرێتی و ئەوانەی بەجێیهێشتوون. رێسپتەکان زۆر باشن...جیاوان، بەتامن و تەندروستن. لە خواردنەکاندا چەندین جۆر بەهارەت و سەوزەی جیاواز هەن و بەئاسانی بە رێگای رسێپتەکان دەتوانرێ خواردنەکان لە چێشتخانەی خۆتدا دروستبکەی..."

ئێریکا ستۆرمێ مارتینگەر 

Bibliotekets Tjänst, BTJ 

بەشێوەیەکی گشتی بەشی یەکەمی کتێبەکە دەربارەی خواردەمەنی کوردییە، یا راستتر ئەو خواردنانەی کە دایکی سروە، بۆ خێزانەکەیانی دروستدەکرد. رسێپتی خواردنەکان بە وێنەی رەنگاورەنگ، ئامادەکردن و دروستکردنی خواردنەکان ئاسانتر دەکا.

" کاتێ مناڵ بووم دایکم بە هەرەوەزی لەگەڵ خانمانی گەرەکدا گەنمیان لە مەنجەڵی گەورەدا لەسەر ئاگری کراوە دەکوڵاند. هەموو خانمانی دراوسێ هاوکاربوون و ئەو کاتانە هەروەک ئاهەنگ وابوو. ئێمەی مناڵان زۆرمان حەز لەو گەنمە نەرم و گەرمە دەکرد، هەریەکەمان قاپێکی بچوک دانولەمان وەردەگرت و لەسەر شۆستەی شەقامەکە دادەنیشتین و دەمانخوارد." 

"سروە ئەزیز لە باشووری کوردستان گەورە بووە، رسێپتی خواردنەکان بە رووداو و یادەوەرییەکانەوە گرێدەدا لە رێگای باسکردنی سەردەمی مناڵی و لاوێتی لە شاری سلێمانی. سروە لە خێزانێکی پرخۆشەویستی و دڵنیادا گەورە بووە، هەرچەندە ئەو کاتانە بەهۆکاری سیاسەتی رژێمی دیکتاتۆری ئێراق هەمیشە ترس و نائارامی ئامادەیی هەبوو.  هاوکات بۆن و بەرامەی خواردەمەنی کوردی دایکم کورتەیەک لە مێژووی پر لە رووداو و کارەسات بە خوێنەر ئاشنادەکا.

 سروە ئەزیز مامۆستای ماتماتیکە لە ئامادەیی لە ستۆکهۆڵم. چەندین کتێبی بە زمانی کوردی نوسیوە، لە زمانی سویدییشەوە کتێبی بۆ زمانی کوردی وەرگێراوە..."

Carlsson boförlag.se