با پێشەکی بزانین مانای ووشەی "لەشفرۆشی" چییه. ئەگەر ماناکەی ئەوەیەکەکەسێک بۆ پارەلەشی خۆی ئەخاتەئیختیاری کەسێکی دیکە، باشەبۆ ئەبێت لەم نێوەدا هەر ژنان خەتاکار و گوناهبار بناسرێن و پەنجەی ئیتیهامیان بۆ درێژ بکرێتەوه؟

ئەی باشەئەو پیاوانەی کەبۆ خۆیان ژن و منداڵیان هەیەو شەوانەژن و ماڵ بەجێ دەهێڵن و روو لەخانەی "لەشفرۆشان" دەکەن و لەشی خۆیان ئەخەنەئێختیاری ژنێکی "لەشفرۆش" دەبێ چ ناوێکیان لێ بنرێت؟ بەبڕوای من ئەم پیاوانەش هەم لەشفرۆشن و هەم خیانەتکار. یەکێک لەبەر ئەوەکەلەشی خۆیان خستوەتەئێختیاری ژنێکی دیکەو دووهەمیش بەخاتر ئەوەکەخیانەتیان لەژن و منداڵی خۆیان کردووه. ئەمەئیسباتی دەکات کەهێشتا ژنانی " لەشفرۆش" زۆر موحترەمتر و شەریفترن لەهەموو ئەو پیاوانەی کەئەکەونە نێو ئەو ڕەوابط و بازنەیەوە. ئەی باشەبۆ لەم نێوەدا یەک ووشەیش لەسەر پیاوان ناگوترێت و هەر ژنانن کەئەخرێنەبەر رەخنەو سووکایەتی بێ ڕەحمانەی کۆمەڵگای دواکەتووی ئیسلامی – ناسیونالیستی کوردەواری ؟

بەڵام ئەساسی مەسەلەکەهیچکام لەمانەنییەو ئەم دیاردەتەنیا مەربوت بەئێستا و کوردستانیش نییه، بەڵکو لەتەواوی و ڵاتانی جیهانی ستەمگەری سەرمایەداری بوونی هەیه. بەلام شێوەی بەرنگار بوونەوەو بەرخورد کردن لەگەل ئەم دیاردەیەلەوڵاتێک بۆ وڵاتێکی دیکەفەرق و جیاوازی هەیه. ئەم دیاردەیە پێش نیزامی سەرمایەداریش بوونی بووه.  بەڵام بەهۆی دابەش کردنی ناعادیلانەی  کار و سیستیەمی زاڵمانەی چەوسانەوەی کرێکاران بەدەستی خاوەن کاران و پراوێز خستنی چینی ژنان لە"تولید" و بەشداری پێنەکردنیان لەنێو کار و ئیشی کۆمەڵایەتی لەزۆرێک لە وڵاتەدواکەوتووەکانی جیهان بووەتە سەبەبی ئەوەکەزۆربەی پیاوان بەتەنیا ئابوری ژن و مال و مندال بگرنەئەستۆ و ژنانیش نیشتەجێی کونجی ماڵەوەبکرێن بۆ کاروباری نێو مال و منداڵ بەخێو کردن. ئەم سێستەمەدەقاو دەق  لەگەل شەرێعەتی ئیسلامدا دوو گیانن لەیەک جەستەدا. ئیسلام و دینبازانیش هەمیشەپرۆپاگاندا بۆ ئەمەدەکەن. 

جا ئەگەر باڤل تاڵەبانی یەک مسقاڵ لەسیاسەت و ئابوری تێگەیشتبا، ئەوا ئەبووایە پێش دەرکردنی هەر فەرمان و بڕیارێکی لەو چەشنەخۆی سەردانی ئەو شۆنانەی بکردبایەو لەگەل ئەو ژنانەدا گوفتۆگۆ و پرسیاری لێ بکردبایەن کەبۆ چی ئەو کارەدەکەن ، تا ڕاستەو خۆ وەڵامی ئەساسی وەر بگرتبایە کەئەو ئیشە کامڵەن پەیوەندی ڕاستەو خۆی بەئابوری و بژێوی ژیانەوەهەیە نەک حەزی شەخسی ژنێک یان ژنانێک.

بەبڕوای من هیچ کچ و ژنێک ئەگەر خاوەنی ئابوری و خانوو و ژیانێکی ئینسانی بێت هیچ کاتێک روو لەشۆنەترسناکانەناکات کەپیاوان بەئارەزوی خۆیان شەخسییەت و کرامەتیان بریندار بکەن و تەنانەت بکەونەبەر شەق و مشتی پیاوانی مەست و سەرخۆش و خیانەتکار.

باڤل تاڵەبانی ئەگەر راست دەکات و مەبەستی ئەساسی ئەو ڕاکێشانی سەرنجی ئەو گروپ و حیزبەئیسلامی و دینبازانەبەلای یەکێتی دا  نییه، فەرموو ئیش و ماڵ و معاشێکی شایستەبۆ ئەو ژنانەدابین بکات ، بزانەدوای ئەوەیەک ژنیش ئەچێت بەلای ئەو ئیشەخۆفناکەوه؟ 

جگەلەمانەپرسیار ئەوەیه: خاوەنی ئەم " مەلهەو یانەی شەوانه" کێن ، دەڵال و توش کردنی کچانی گەنج و ژنان و ڕاکێشانیان بۆ ناو ئەو شۆنانە، کێن و چ کەسانێکن؟ ئەی خاوەنی ئەو هەموو " قومارخانانه" کەشەوانەملیۆن ها دولاری تیا قازانج دەکەن و ماڵ و سەروەتی هەزاران خەڵکیش وێران و بەتاڵان دەبرێت ، کێن و سەر بەکام حیزب و گروپن؟

ئایا خاوەن و ساحێبی هەموو ئەم شۆنانەجگەلەمەسئولان و کاربەدەستانی حکومەتەکەی خودی باڤل ئەتوانێت شەخس و کەسانێکی دیکەبن؟ نەخێر و هەزار جار نەخێر. چونکەهیچ شەخس و کەسێک لەزۆنی سەوز و زەرد بێ فەرمان و رێگەپێدان و بەشداربوونی مەسئولانی ئەم دوو حیزبەناسیۆنال – ئیسلامی ¬(یەکێتی و پارتی ) نییەبتوانێت  تەنانەت دوکانێکی کوتالفرۆشیش دابەنێت، چ بگات بە" مەلهەو یانەی شەوانەو قومارخانە...." . وا باس ئەکرێت کەباڤل ئەم بڕیار و فەرمانەی لەبەر پاراستنی  ئایین و کلتور و داب و نەریتی کۆمەڵگای کوردستان  دەر کردووه. باشەلێرەدا ئەم پرسیارەگرنگەدێتەگۆڕێ : کام ئایین و کلتور و داب و نەریت؟ 

ئەو ئایین و کلتورە کەنیوەی کۆمەڵگای بەشەرێت بەناقص العقل دا ئەنێت؟ ئەو ئایین و داب و نەریتە کەدوو ژن بەپیاوێک حیسابی بۆ ئەکرێت؟ ئەو ئایین و کلتورەدواکەوتوو و وەحشیە کەژنان بەموڵک و کێڵگا و کۆیلەی پیاو ئەزانێت؟ ئەو ئایین و داب و نەریتەکەچوار ژن و کۆمەڵێک کەنیز بۆ خۆی بەحەڵال دا ئەنێت ، بەلام ئەگەر ژنێک لەبەر فەقیری و بژێوی ژیانی خۆی و منداڵەکانی پەنا بۆ " لەشفرۆشی" ببات هەزاران بێ حورمەتی و سووکایەتی پێ دەکرێت و بۆیشی نییەکەتەنانەت ناڕەزای و ئێعترازیش دەر بڕێت؟ 

ڕاستی جەنابی باڤڵ تاڵەبانی تۆ  پێم ناڵێت کەئێوەلەکام ئایین و کلتور و داب و نەریتی کۆمەڵگای کوردستان پشتیوانی و دیفاع ئەکەن؟ جەنابی باڤڵ باشتر وایەدەست لەهەموو ئەم چەواشەکاری و خەڵک فریودانەهەڵگرن و بێ مسەمس بەڵێن ئێمەدیفاع لەئایین و کلتور و داب و نەریتی پیاو سالاری و خێڵەکی و ژنکوژی و کلتور و شەرێعەتی کۆن و دواکەتووی ئیسلامی دەکەین و بەس. بەڵین ئێمەبەخۆڵکردنەنێو چاوی خەڵکی کوردستان و بۆ رازی کردنی دڵی چوار ئیمام و مەلای مفتخۆر و حیزبی ئیسلامی دواکەوتوو پەنا بۆ ئەم شێوەغیرەدیالکتیک و بێ بنەمایانەدەبەین، تا بەڵکو بتوانین ترازووی بەفیرۆ دانی سامانی گشتی و دزی و ناشەفافی و گەندەڵی بەسەر داهاتی گشتی ئەم وڵاتەلەگەل "برادەرانی" زۆنی زەرد بەرانبەر بکەین. بەلێ و ئێعتراف بکەکەیەکێتی شەق و شڕ بووەو داری بەسەر بانەوەنەماوەو هەر پیاوێکی " لەشفرۆشی" یەکێتی و نێو ئەوکۆمەڵگایەبەسازێک سەما دەکات و یەکێتی ئەمڕۆ خاوەنی مەرکەزێتێکی لاواز و لەیەکترازاواە و ئێوەش لەم کات و ساتەدا پێویستان بەکۆمەڵێک ڕیاکاری و درۆ و دەلەسەهەیەکەزێهن و مێشکی خەڵکی کوردستانی پێوەمەشغوڵ بکەن و بەس. 

ئەمانەیەئەساسی دەر کردنی ئەو فەرمان و بڕیارەی جەنابت نەهیچی دیکه. بەڵام زۆر بەداخەوەکەجارێکی دیکەش حورمەت و کرامەتی ژنانی کوردستان بریندار و پێشێل کرا و ئیمام و مەلا چڵکاوخۆرەکان و دینبازانیش کەوتنەسەما و چەپڵەلێدان. 

بژی ژنان و مەرگ و نەمان بۆ هەموو ئەحزابی زیدەژن و کۆنەپەرەستی ئیسلامی - ناسیۆنالیستی.