کۆمەڵەی ڕەنجدەرانی کوردستان دەیووت: "هەموو شتێک  لە باریکیدا دەپچڕێت ،تەنها زوڵم و زۆر نەبێت لە ئەستوریدا". ئەمڕۆ  نەک زوڵم و زۆرداری ئەستور بووە، بەڵکو لە لوتکەدایە ... بۆیە  چاوەڕوانی  هەڵکردنی زریانەکە   لەحەتمێت نزیک بۆتەوە .

 ئۆشۆی مەزن دەڵێت : " ئێمە  بەر لەهەڵکردنی شۆڕش ، دەبێ کەسانێک ئامادە بکەین شۆڕش بپارێزێت" .  پاراستنی شۆڕش  گرنگترە لە شۆڕشکردن ، ئەگەر ئێمە هێزێکمان هەبوایە شۆڕشی بپارستایە  هەرگیز ئاوامان لێبەسەر نەدەهات .

 باشترین نمونەش  ڕۆژئاڤای نیشیتمانە... ڕۆژئاڤا  نموونەیەکی جوان و زیندووی  شۆڕشێکە کە مرۆڤایەتی شانازیی پێوەدەکات . چۆن ...؟ بۆچی....؟

 لەشۆڕشی ڕۆژئاڤادا  کەسمان نەمان بیست  کە  فەرمانداریەک  تێک  بدرێت ، چونکە   ئەوان  دەزانن ئەو جێگایانە وەک : قوتابخانە،  خەستەخانانە ، بانک ، زیندان ، کارخانە ...هتد   سبەی دەبێتە موڵی گەلێک و دەبێت  نەیەڵین  تێک بدرێت .

 لە ڕۆژئاڤا  دەسەڵاتدارانی باشور و تورکە فاشیەکان و  جاشە خۆماڵییەکان  لە بۆسەدا بوون بۆی ،تاکو  بچوکترین هەڵەی  بکەنە گایەک  و بە ناشرینی باسی  شۆڕشی ڕۆژئاڤا  بکەن .

لەڕۆژئاڤادا  ژنێک لەسەر شەرەف  و لەژێر ناوی شەرەفدا  نەکوژرا ، نەسوتا ،  بەڵکوبە پێچەوانەوە  ژن بووە ڕابەر و بەچرکەش سەنگەری بەرگریکردنی  چۆڵ نەکرد  ژنان و کچان  بووە نە قارەمانی  ڕۆژ و سنوری هەموو جیهانی   تەیکرد و  وێنەی شەڕڤانەکان و  فلیم و دیکۆمێنتارەکانیان   مێدیای جیهانیان  داگیرکرد  "پەیەژە"   نمونەیەکی  هێندە مەزنە  کە ووڵاتێکی گەورەی وەک  شانشینی بەریتانی بڕیار بدات ئیتر کچ و ژن لە سوپای بەریتانیادا دەکرێت هێزی شەڕکەریان لێدروست بکرێت.

 لەڕۆژئاڤادا  ئۆتۆمۆبێل ، شۆفڵ .گرێدە ، گەڵابە ، ستونی کارەبا، گێلی گۆڕ ،  ئاسەواری کۆن،  مۆزەخانە ، تابلۆی بەنرخ ،  جیهازی خەستەخانە ، دانی ئاڵتون ، شەقامی قیر ، نەوت...  هیتد   ئاودیونەکرا ،هەراج نەکرا و  بازرگانی پێوەنەکرا ، بەڵکو  هەموو شتێک وەک چاو پارێزگاری لێکراوە و دەکرێت.

 لەڕۆژئاڤادا نەوت و گاز و ئاو کشتوکاڵ  ئاژەڵ  هەراج نەکراو  ژێرخانی نیشتمان   فەرهود نەکرا .... نەشمان بیست کەسێک بەشەو  کوژرابێت و لە سەر شەقامی شێست مەتری  لاشەکەی فڕی درابێت و بەیانی  لاشەکەی  مێش و مەگەز تێی دابێت . جاسوسێکیشمان نەدی زانیاری دزە پێبکات ، بۆخاتری ئەوەی دەوڵەمەند بێت .

 تەنانەت ڕۆژئاڤا  وەک ووشەیەک  کەوتە ناو زمانی جیهان و هەمووکسێک  بەو جوگرافیا یە  ئاشنا بوو ، تەنانەت  سەرۆکەکانی جیهان کەباسیان لە شۆڕش دەکرد نەیان دەوت سوریا  بەڵکو دەیان ووت :ڕۆژئاڤا .

 کە کۆبانی لەهەناوی ڕۆژئاڤادا  خۆی پشاندا ئیتر جیهان  شانازی بە شۆڕشێکەوە دەکرد کە نمایندەی هەموو مرۆڤایەتی بوو .. کەم نەبوون ئەو هەمو گیان بەخت و خۆبەخشانەی لەجیهانەوە ڕوویان لە ڕۆژئاڤاکردبوو...!؟

 ئەی ئێمە چی بکەین  کە ڕاپەڕین و بڕیارماندا شۆڕش بکەین ؟  بەر لەشۆڕش دەبێت  ئێمە بەرگری لەشۆڕش بکەین،  دەبێت هەموو شتێک بەموڵک و ماڵی خۆمان بزانین  ، شەقێک هەڵدەین لە کەلتوری شڕەخۆری و  نەیەڵین هێزی فشەڵ و جاشی  ئاڕ ئاڕ  شۆڕش  بەئاقارێکدا بەرن کە خواستیاری ئەوەبین  بڵێین بریا هەر  ئەم بنەماڵانە حاکمان بوایە . 

 هەڵگرتن و پاراستنی هەموو مەلەف و دیکۆمێنتێک ، ئەرکی هاوڵاتی بوونی هەموومانە ، پارستنی قوتابخانە و خەستەخانە و  فەرمانبەرەکان ئەرکی ئەخلاقی تاک بەتاکمانە .

  بە دیکۆمێنت کردنی هەموو ڕووداوەکان  و بە شوراکردنی هەموو گەرەکەکان لە کەسانی  نەفس بەرز  ئەرکی سەرەتای ئەم  زریانەیە  .٣٠ ساڵە ئەم دەسەڵاتە  نەفرەتیە ، تاکی کوردی فێرکردوە لەسەر  ئەژنۆ ژیان بکات، بۆیە وەک نیوە  مرۆڤ لەهەمووتان دەڕوانن ، گەنجەکانی فێرکردوە کە جگە لە حیمایە و پاسەوانی  و نیگابانی و خەونی هەڵاتن  هیچی تری فێرنەکردوون ،  بۆیە کەسانی   لاواز و بێئیرادەی بەرهەم هێناوە،  کە وەک سەربازی ناوشەترنج  لەپێناو مانەوەی  مەلیکدا خۆی بە کوشت بدات  و هیچ پرسیارێکی نییە و چاوەڕێ هیچ وەڵامێکیش ناکات ...!