من چوو جاران نەدڤیا ئەز لسەر کاودانەکی بنڤێسم کۆ چ کرێدان ب ڕەۆشا وەلاتێ من ڤە نەبیت، بەلێ پشتی کۆ من گەلەک شلوڤەکرنێن نە دجهێ خوە دا لسەر بویەرا ئەڤگانستانێ دیتین و خوەندین، من خوەست بێژم نڤیسکار و شڕۆڤەکارا ئێدی بەس ژ کەربێ و لەزێ بنڤێسن، دەما هوین هەڤسەنگیەکێ دکەن نە ڕەشی بتنێ ببینن نە ژی سپی بتنێ ببینن، بەلکو گرنگە هوین بزانن کۆ دناڤبەرا ڕەش و سپی دا بەلەک ژی هەیە .... هند،

ئەگەر من شڕۆڤا خوە لسەر بویەرێن ئەڤگانستانێ کربایە دا بێژم،

ڕاستە ئەو ژی (ئەڤگان' ستان) و ئەمژی (کورد' ستان)

ئەو ژی "مەسعودی و تەلەبانینە و ئەم ژی. ڕاستە وەکی ڕۆژهەلاتی زمان و کەلتورێ مە نێزیکی ئێکە، لێ من دڤێت بێژم کۆ نە ئەم ئەوین و نە ئەو ژی ئەمین، ژبەر ڤێ ئێکێ دەما من دیتی کۆ دیندارێن کورد پەسنا "تالیبانکری یان ئەڤی چەمکێ دی بەرۆڤاژی، من خوەست بێژم، هەڤسەنگییا لسەر دوو پەیڤان تشتەکی چەوت و شاشە، بەلێ مرۆڤ دشێت بێژیت ئەڤ دەستهەلاتا ل باشۆر حەتا نوکە سەرکردەکێ ئەڤێ دەستهەلاتێ نەشیایە وەکی "شەرەفگانی خوەندەڤان و زانا بیت دهەمی بوارێن زانستی دا، ب کورتی دێ بێژم کــەرەکــ نەشێت دبلۆمێن وی جامێری هەلگریت،

ژنا "شەریفی "عەرەبە کورێ وی "ئەمریکییە، ئها ل ڤێرێ دیاردبیت کۆ "شەریڤ یێ خوە ژ عەشیرەتگەریێ ڕزگارکری، کێم و زێدە باوەری ب دیموقراتیەتێ دهێت، بەلگە ژی هێدی و تەنا دەستهەلات بەردا.

ئێ، سەرکردە و ڕێڤەبەرێن دەستهەلاتا باشورێ کوردستانێ پتریا وان دەرچویێن خوەندنگەها دەستپێکێ نە و ژنێن هەمیا دووتمامێن وان ب خوەنە و ژ عەشیرێن وانانە و حسابێ بۆ ڕەئــیا ئێــک بەشەری ژی ناکەن.

پەیڤا " تالیبان یەعنی، طلبە " دیارە ژ ناڤێ وان کۆ ئەو ژی خوەندەڤان و خوەدان ئایدۆلوژیەکا خوەرستینە، ڕاستە ڕەنگ و ڕویێن وان رەق و هشکە، لێ خودان ڤیانن، یەعنی خودان ئیرادە و شیاینن شەر و پێکهاتنێ ددەمێ خوەدا دگەل دەوربەرێن خوە دکەن، ژ ئالیی فەلسەفی و سیاسی و لەشکەری ژی ڤە دشێن ب سالان دشکەفتەکێ ب نانەکا ب ترسی خوە ئیدارە بکەن و دشێن کەسەکێ نە ئەڤغانی ژی ئەگەر جهێ باوەریا وان بیت بکەنە سەرۆک و رێبەرێ خوە، هەردیسان بۆ نهێنییان ژی دخوەڕستینە و دشێن ب درێژاهیا چەند سەلەکان کەس چ ژ کوشتی و بریندارێن وان ژی نەزانیت.

دسەر ڤێ هەمیێڕا، شوناسا "نەتەوایەتی ناکەن و ئیسلامییێن توندڕەون، لێ حەتا نوکە شیاینە خوە ب پارێزن داکو نەچنە دلیستا تیرۆرێدا بەلێ کاربدەست و نەخوێندەوار و نەزاننێن دەستەلاتا باشۆر نەوێرن بێژنە جیرانێن خوە مـە نەقوتن ئەم بێی خوارنا برنجی ناقەتینین و ئەم دناڤ مللەتێ خوە دا توندرەوین و ئەم یێن دچوینە دسندوق و لیستا ڕەشا تیرۆرێدا،

جڤاکا سڤیل ب دەنە ڕەخەکی دەما هوین هەڤسەنگیێ دکەن دڤێت هوین هەڤسەنگیێن وی کرێتی دگەل کرێتاهیێ بکەن،

هەر لسەر ڕەۆشا نوکە یا ئەڤگانێ دبێژم ئەو چەک و مال و توڵێن ئەمریکا ل وی وەلاتی هێلاین، خودێ دزانیت ئەو نە ژ بیرکرینە.