کەسێن ئاڤاکری ب زیندانکرنێ ناکەڤن

بەلکو مەزن و چالاک و باوەری خۆرتتر دیار دەردکەڤن.

پەیاما ژ زیندانێ هاتیە ئاراستەکرن بۆ حزبێن ئوپوزسیونی و ڕێکخراوێن مافێ مرۆڤی و کەسێن خوە ب هەلگرێن پەیاما وەکهەڤیا جڤاکی دبینن،

بوکو هەلویستەکێ بەرچاڤ بەرامبەر سەرەدەریا دەستهەلاتێ ژ ئەگەرێ حکومکرن و زیندانکرنا خەلکێ دەڤەرا بەهدینان وەربگرن، ژبەرکو ئەڤ مافخوازە ب زۆرداری و ستەمکاری یێن هاتینە دەستەسەرکرن و زیندانکرن،

داخوازیا ژلایێ زیندانییەکێ دەڤەرا بەهدینان ڤە هاتیە ئاراستەکرن، گرنگە هەمی کوردستانی پشتگیریێ لێ بکەن و وەکو پەیاما سەرکرەدکێ ناڤدارێ زیندانکری بایەخێ پێ ب دەن و ڕێکارێن ئەداکرنا ئەرکێن وێ پەیامێ ئەنجامبدەن،

ژبەرکو ئەڤە دەمەکە مەسرور بارزانی ب ئاشکرایی هوڤاتییا عودەیی و قوسەیی دژی خەلکێ کوردستانێ پەیرەودکەت، ئەڤەژی جهێ هەلویست وەرگرتنێ یە، دا خەلکێ کوردستانێ زێدە تر نەبیتە قوربانیێ بەرژەوەندیا دەستهەلاتا کوردی و حکومڕانییا مالباتا بارزانی،

حەیف دەستهەلاتا باشۆر ببیتە نوکەرێن ترک و عەرەب و فارسا، چەند زۆرداریێ لسەر خاک و نەتەوە و مللەتێ کورد بکەن، ئەڤ کەسێن حکومڕان نەورێن پەیڤەکێ بەرامبەر هێرشێن وان وەکو نەڕازیبوون ب کاربینن و هەلویستەکی ئەنجامبدەن،

حکومرانیا ڤان کەسا، هەرێما کوردستانێ گەهاندە سەر هەڕفینا پێگەهێ هەرێمێ، دهێتە پێشبینیکرن باشۆرێ کوردستانێ وەکو هەرێمەکا سەربەخو نەمینیت و بهێتە هەڕفین و ژ ناڤبچیت، ئەگەر ئەڤ حکومرانیە ب ڤی تەرزێ نوکە هەیی یا بەردەوام بیت،

دەرئەنجامێن حکومرانیا کوردی، دماوێ 30 سالاندا نەشیان سادەترین مافێن خەلکی بۆ جێبەجێبکەن،

وەکو، ئاڤ و کەهرەب و سوتەمەنی ..... هتد،

لەوما پێتڤییە خەلک فشارا لسەر ڤێ تاغما دەستهەلاتدار، دروست بکەن، داکو بشێن ئەڤان کەسا ژ کورسیکا حکومڕانیێ دویربێخن، بۆکو نەهامەتیێن هەین لسەر هەژارێن هەرێما کوردستانێ ب دووماهیک بهێن و نەمینن.