تۆ مایسترۆى دڵى منیت
Saturday, 05/06/2021, 23:46
پیاوێک مایسترۆى دڵى منە
پیاوێ بە هەموو وجوودییەوە
خەونم دەدزێ و
شێتانە مەستم دەکات
شێتانە ئالوودەى خەیاڵى خۆیم دەکات.
پیاوێ زاڵمانە لە دواى باران
شەبەنکى چاوى
گەرمى هەناسەى
قژى ئاڵۆسکاوم شانە دەکات.
من و تۆ لە پێکێک پێکەنین و
میلۆدییەکى مەردان* ئاوێتە...
من و تۆ
لە مەرکانەى ئاوازێ و
جوانى مێخەکبەندان و
بۆنى قەنەفڵ
شێتبوون تا ئاڵوودەبوون، تا توانەوە
تا گەیشتنە ماڵى چێژ.
پیاوێک ماسترۆى خەیاڵ و
جووتە شەمامەى باخچەیەکى بێناز و
ئارەقى هەڵگۆفینى ئەو چاوانەیە تا گەیشتن بە دواهەمین تاریکى شەو
پیاوێک نەناسراوانە و شێتانە
منى ئاوێزان کرد.
ئەى جونتر لە باخچەکانى عەددەن ئاشتم کەوە و
ڕاپەڕینێکت لە نێو دڵى منا هەڵگیرساندووە و
دەروازیەکت چێکردووە بەناوى ئازادى و
وڵاتێکت لە سەر سینەى من نەخشاندووە بێناو وەک دڵى نەوڕەسێکى وێڵ
پیاوێ خەیاڵتر لە تیشکى هەتاو
پیاوێ مایسترۆى خەیاڵى منە.
سلێمانیى
# دڵى ڕۆژهەڵات
*عەلى مەردان
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
