له ‌ناوه‌ڕاستی شه‌سته‌كان ململانێی مه‌لا مسته‌فا لەگەڵ باڵی مەكتەبی سیاسی پارتی مام جەلال و مامۆستا ئیبراهیم ئه‌حمه‌د كلتوری شه‌ڕی بادینی و سۆرانی لێكه‌وته‌وه‌، دواتریش ناوه‌كه‌ی گۆڕا بۆ شه‌ڕی كۆنه‌قینی مه‌لایی و جه‌لالی ،ئه‌و كلتوره‌ بینای هزری كوردایه‌تی خاپور كرد زیانێكی زۆری بە شۆرش و دۆزی كوردایەتی گەیاند ،خواستی مه‌لامسته‌فاش ئه‌وه‌ بووه‌ كه‌ ئه‌م كلتورو فه‌رهه‌نگی شه‌ڕه‌ جنیوه‌ وەک میراتێكی كه‌له‌پوری بۆ نەوەکانی داھاتوو شوێنكه‌وته‌ی ڕێبازه‌كه‌ی بمێنێته‌وه‌ ، بۆئه‌و مه‌به‌سته‌ پێویستیان بە کۆمەڵێک خاوەن پێنوس هەبوو كه‌ له‌ژێر ناوی رۆژنامەنوس و ڕۆشنبیرو چاودێری سیاسی و میدیاکار ئه‌و ڕۆڵه‌ بگێڕن ،تاوەکو درێژە بە فەرھەنگی یەکتر شکاندن و یەکتر بوغزاندن شەڕە جنێو بدەن و بازاڕی توندئاژۆ و ئیرھابی فیکری پێ دەوڵەمەند بکه‌ن .

پارتی زۆر به‌ سه‌لیقه‌ كاری بۆ به‌ سیسته‌مكردنی ئیرهابی فیكری كردووه‌ ، خۆئه‌گه‌ر نا ئه‌مڕۆ نەدەبوین بەخاوەنی ئەم ھەموو گروپە خۆخۆرو مافیاگەر وئەم ھەموو ھێزە یەکتر شکێنە ، ئه‌و زه‌لكاوه‌ی كه‌ مه‌لا مسته‌فا له‌ شه‌سته‌كان دژ به‌ جه‌لالی دروستی كرد هێشتا قاچی میله‌ت له‌ نێو قوراوی ئه‌و ڕۆژگاره‌دایه‌ و پریشكی قوڕاوی ئه‌م زه‌لكاوه‌ له‌ تۆڕه‌ كۆمه‌لایه‌تیه‌كانیش ڕه‌نگدانه‌وه‌ی هه‌یه‌ و ھەر رۆژە و گروپ و تاقمێک له‌ڕێگه‌ی په‌یج و ماڵپه‌ری بێ دایك و باوكه‌وه‌ په‌روه‌رده‌ ده‌كرێن بۆ كلتوری ئیرهابی فیكری و په‌لاماردان وشه‌ڕه‌ جنیۆو یه‌كترشكاندن .

پارتی له‌ پشتی ژوری ئۆپراسیۆنه‌كانه‌وه‌ كۆمه‌ڵێك ماڵپه‌ری سیبه‌ری وه‌كو (باسنویز، ڕه‌وشپۆست ، ژێده‌ر،په‌یامنێر، خواكوڕك، چه‌ندینی تر )هاوته‌ریب له‌ رێگه‌ی تۆره‌ كۆمه‌لایه‌تیه‌كانه‌وه‌ پارتی خاوه‌نی چه‌ندین په‌یجی فەیكەو مانگانه‌ سه‌دان هه‌زار دۆلار بۆ ئه‌و ئه‌دمینانه‌ سه‌رف ده‌كریت كە ماكیاژ بۆ دەسەڵاتەكەی مەسعود بەرزانی و حیزبەكەی دەكەن ، تۆری كۆمه‌ڵایه‌تی فه‌یسبوك لای پارتی گرنگی و بایه‌خی زۆری پیده‌درێت ،چونكه‌ به‌ته‌نها میدیایه‌كی كۆمه‌ڵایه‌تی نییه‌ ،به‌لكو میدیایه‌كی سیاسی و ڕاگه‌یاندنیشه‌ ،په‌یام و ڕێنمایی مه‌سعود بارزانی سەرۆكی پارتی زۆر به‌زووی ده‌گاته‌ تۆڕه‌ كۆمه‌لایه‌تیه‌كان ، له‌ پشتی ئه‌م ماڵپه‌رو په‌یجانه‌ی تۆڕی كۆمه‌ڵایه‌تی فه‌یسبوكه‌وه‌ قووه‌تی زاتی و ماددی مه‌سعود بارزانی  حزوری هه‌یه‌ و شەخسی مەسعود بەرزانی كۆمه‌ك و ته‌مویلی ئەو ئەكاونتە فەیكانە دەكات كە بەشێكن لە ئیرهابی فیكری و شه‌ڕه‌جنیو و فه‌رهه‌نگی كۆنه‌قین  ،به‌پێی توێژینه‌وه‌یه‌كی پسپۆری كە لە لایەن چوار مامۆستای زانكۆكانی سلێمانی، هه‌ولێر، دهۆك و راپه‌ڕینەوە پێی هەستاون ،مه‌سعود بارزانی سەرۆكی پارتی به‌رپرسیارو سه‌رپه‌رشتیكاری میدیایی (شه‌ڕه‌ جنێو)ی پارتی یه‌ ، توێژینه‌وه‌كه‌ باس له‌ تیمی راوێژكارانی میدیاكاری مه‌سعود بارزانی له‌ باره‌گای بەرزانی ده‌كات كه‌ رێنماییه‌كانی مه‌سعود بەرزانی بۆ كه‌ناڵه‌كانی تری ڕاگه‌یاندنی سێبه‌ری پارتی ده‌گوازرێته‌وه‌ و سالێك لەمەوبەر ئەم توێژینەوەیە ئەنجام دراوە .