داگیرکەر هەر داگیرکەرە و دوژمنیش هەر دوژمن، دەڵێن کورد خۆیی ئاینی ئیسلامی بە ئاشتیانە پەسەند کردووە، ئەمە پاساوێکی دەبەنگانەی نەزۆکە، ئیسلام چوبێتە هەر شوێنێکەوە داگیری کردووە و وڵاتەکەی کردۆتە سوتماک، پیاوان و مێرمنداڵانیشی خەڵتانی خوێن کردووە و کیژ و ژنەکانیشی کردۆتە سەبایە Sexual Slavery ئەمە مێژوی زیاتر لە 1400 ئیسلامە، ئێمەی کورد زیاتر لە 72 جار ئەنفال کراوین و ژن و کیژەکانمان کراونەتە سەبایە، جۆرە کەسانێکی کەڵفەم هەیە شانازی بەو ڕابوردووە ناشرینە قێزەونە مرۆڤ کوژیەوە دەکات کە لە ژێر چەتریی ئاییدا دەکرێت، کێشەکە لێرەدا ئەوەیە لاقە کردنی ئافرەتان بە پیرۆزی ئاینی تێبگەیت بۆیە ئیسلام بە هێزە، ئەگەر بێتو ئەو ئایەتانە دەرکەیت لە قورئاندا کە خزمەت بە غەریزەی پیاو دەکات قورئان ئاوەڕوت دەبێت و ئیسلام دەبێتە ئاینێکی کەمینەی زۆرکەم، سیاسیەک و نوسەرێکی پێست ڕەشی ئەفریقی هەیە (کە بە داخەوە ناوی ئەو کەسە ژیرەم لەبیر نەماوە) دەڵێت؛ کە موسڵمانەکان هاتن بۆ وڵاتەکەمان و داگیریانکرد شەو هاتن کتێبێکیان داینێ، کە بەیانی لە خەو هەڵساین وڵاتەکەمانیان سوتماک کردبوو وە کیژەکانیشمان ڕفێنرابون.

جا ئێران بێت یان تورک یان هەر وڵاتێکی عەرەبی هیچ لە هاوکێشەکە ناگۆڕێت و هیچ دیاری و گوڵ بارینێک پێشکەش بە ئێمە ناکەن بێجگە لە ماڵوێرانی و سەر گەردانی و پاشگەردانی نەبێت.

ساڵی 1357 ڕۆژمێری ئێرانیە کە دەکاتە ساڵیادی سەرکەوتنی شۆڕشی ئیسلامی ئێران، ئێران بۆ ئەو یادە نەگریسە لە شاری هەڵەبجە 1357 کیژو ئافرەتی کوردی تەمەن 14 بۆ 25 ساڵ باڵاپۆش دەکات، وەک ئەوە وایە کە ئێمەی کوردی باشور هیچ کێشەیەکمان نیە تەنها کیژەکانمان لە سفوریەوە بکەنە باڵاپۆش، یان تەسلیم کردنی کەرکوک بە حەشدی شەعبی لە سەر سینی ئاڵتونی کە بە خوێنی هەزاران قوربانی پێشمەرگە کەرکوک ڕزگار کرابوو، لێرەدا دەسەڵاتی خۆجێی دەڤەری سەوز بەرپرسیارە لەم هەموو تەنگژیانەدا کە ئێران بەسەرمان دێنێت، ئەگەر دەسەڵاتیان نەماوە لە زۆنی سەوزدا با جوامێرانە بچنەوە ماڵێ.

توکیا و داگیرکاری سیاسی و سەربازی!

هەموو دەزانین کە ئێستا تورکیا بە ناوی PKK تەواو دەستی گرتووە بەسەر دەڤەری زەرد دا، تورکەکان ئەو ڕاستیە ناشارنەوە کە دەڵێن ئەربیلۆ و چەرکوک دوو شاری تورکیان، ئەم ئۆپەرەسیۆنە سەربازیانەش کە دەیکات بێ هۆکارنیە بە تایبەتی هەڵمەت بردنی چالاکی بۆ شاخی گارە ( ڕەنگبێت زۆر کورد زانیاری جیۆلۆجیان لە سەر شاخی گارە نەبێت، بەڵام من لە نزیکەوە زانیاریم هەیە لەسەری بە تایبەتی ساڵانی 2004 بۆ 2006 کە تیمە جیۆلۆجیەکانی ئەمریکا چ گرنگیەکیان بەو شوێنەداوە) لێرەدا دەسەڵاتی خۆجێی دەڤەری زەرد نابێت بهێڵێت و بەرپرسیاریشە کە ئەو ناوچەیە بکەوێتە ژێر دەسەڵاتی تورکی داگیرکەرەوە ئەوە سەروەتی نیشتمان و پاشە ڕۆژی منداڵەکانمانە، یاخود ئەگەر دەسەڵاتیشیان نەماوە لە زۆنی زەرد دا با جوامێرانە ئەوانیش بچنەوە ماڵێ.

لێرەدا ئەوەی ماوە و بوترێت، بۆیە هوشیاری بۆ تاکی کورد و تەبایی و خۆڕێکخستنی نێو ماڵی کورد باشترین چارەسەرە لەو ماڵوێرانیەیی کە هەمیشە بەرۆکی گرتوین، بێگومان نەیار و دوژمنانی کوردیش ئەو تەباییەیان لە کورد ناوێت، بۆیە هەمیشە ژەهری گێرەشێوێنی دەخەنە نێو ماڵی کوردەوە، تکایە کوردەکەش تۆش کەمێک هزرت هەبێت، ئەگەر نا کار وابڕوات کوردگەلیش جەستە و هزری شەکەت بووە و ئەم هەموو قوربانیە لە پاداشتی چیدا.