مزگەوتی گەورە لە سلێمانی ساڵانی ١٩٤٠

کاتێک ئاین بەرگی سیاسەت لەبەر دەکات و دەسەڵات دیندارەکان بەترسێک دەبینێت لەبەردەم پڕۆژەکانیدا ، لەهەوڵی کۆکردنەوەی زانیاریدایە لەسەریان کامێرای چاودێری باشترین و حاشا لێنەکراوەترین میتودە بەدەست دەسەڵاتەوە کەئاگای لەهەموو هەڵسو کەوت و گفتوگۆی ڕێبەرانی ماڵی خوا دەبێت ، لەلایەکی ترەوە ڕێبەران بۆ خۆپاراستن و ترس لەوەی کە نەیارەکانیان ڕامکەن کامێرایان داناوە . تەنانەت مەلاکان لەماڵەکانی خۆشیان کامێرەی چاودێریان داناوە. لەکاتێکدا کە
" مەلاهوشیار" لەشاری هەولێر تیرۆرکرا ، یەکێک لە کەسە نزیکەکانی ووتی: کە کامێرای چاودێری ماڵەوەیان لابراوە .
کامێرای ناو ماڵەکانی خوا ، گومان لە بەردەم هێزی خوادا دادەنێت و پێمان دەڵێن ، ئیمان دارەکان ، ئەوە نین کە بڕوای تەواویان بەهێزی خوابێت ، گەر بڕوایان وابێت و بڕوایان بەوەبێت کە چارەنوسیان دیاری کراوە ، نەپێویستیان بەکامێرای چاودێریە نە ئۆتۆمێلی گولەنەبوو پاسەوانی چەکدارە . جگە لەوەش مرۆڤێک کاتێک دەچێتە مزگەوتێک یان کەنیسەیەک یان تێمپلێک بۆ نزاکردن بۆ نوێژوو جێبەجێکردنی فەریزەی ئاین ، ئیتر چ پێویستی بەوەیە کە کامێرایەک لەدەستشۆرەکەوە وێنەی بگرێت تا لەماڵی خوا دوردەکەویتەوە....!؟
کامێرەی چاودێری ماڵەکانی خوا بەلای منەوە دەرفەتێکی گەورە دەداتە دەست مرۆڤەکان ، کە باشتر بیرکەنەوەو بڵێن ئێستا کاتی ئەوەیە تێڕامانێک بکەین لەڕۆحماندا و بۆجێگەیەک نەچین کە گومانیان لە هێزی خواهەبێت و خوا بەلاواز سەیر بکرێت و لەڕێگەی کامێرای چاودێریەوە بتوانن کۆنتڕۆڵی ئاسایش ماڵەکەی بکەن . ڕەنگە ئەم نوسینە ڕێبەرانی دین دەهری بکات ؟ بەڵام ئەمە ڕاستی ئەمڕۆی ماڵەکانی خوایە ، کە کامێرای چاودێری بۆتە سیمایەک کە هۆشمەندی لە دیندارەکان سەندۆتەوە ، لەزۆر جێگەدا کە تیرۆری مەزهەبەکان بونی هەیەو لەم چەند ساڵەی کەڕابردوە بەئێستاشەوە دەیان مزگەوت تەقێنراوەتەوە لە فیلمەکانی یوتوبدا دەبینین چۆن چەکدارەکان سەردانیکەرانی ماڵی خوا دەپشکنن ، بەرلەچونیان بۆ ژوورەوە بۆناو ماڵەکانی خوا.
واعیزی دینێکانیش دەبینین کە چۆن بەخۆیان عەمامەو ڕیشی لەخەنەو وسمە گیراوەوە لە ئۆتۆمۆبێلی گولە نەبڕەکان دادەبەزن بۆ میعرامی مزگەوت و سەکۆ بەرزەکانی خوتبەدان و بەردەم بڵنگۆو مایکرۆفۆنەکان ، بەلوتبەرزی فەخامەتەوە دەبینین کە چۆن کامێراکان زومیان دەکات و ئەوانیش دەگەنە هەرەمی خۆبەگەورەبوونیان ،پاش ووتارەکانیان و نەسیحەت و چیرۆکە خەیاڵیە خۆش و ناخۆشەکانیان ئیتر میمۆری فیلمە تۆمارکراوەکان دەنێرن بۆ ئەرشیفی ڕۆژەکانی کۆتای و تۆڕەکانی سۆسیالمێدیا کافرەکان ، بەو نیازەی لەنامەی ئەعمالیاندا پارێزراو بێت . بەدرێژای مێژوو لەنیشتمانی ئێمەدا هێندە مزگەوت و مەلا نەبوە کەچی هەنوکە گەلی ئێمە هێندە ساختەچی، پیاوکوژ، دز، ترسنۆک، ژنکوژ خۆفرۆش نەبووە و نییە و نیشتامان لای زۆمان غایبە و مرۆڤ بوون مردار بۆتەوە لای زۆرینەمان . پرسیارەکە لێرەدایە ماڵەکانی خواو کامێرای چاودێری و ووتاری هەینی مەلاکان چیان بەرهەم هێناوە ؟
کامێرایی چاودێریەکان بپێچنەوە و لایبەن تا نەنکو باپیرانمان ئاسودەبن و دڵنیابن لەوەی" کە خوا ئاگای لەخشەی مارو مێرووە "