--------------------------------------------------

راست دەکەیت،،، بەڕیزت چاوەڕوانی بەڵگەیەت بۆ ئەوەی هەڵویست وەربگریت، چەک هەڵبگریت و شۆڕش و راپەڕینی بە دوادا بکەیت، دژی خیانەت و ناپاکی دەسەڵاتی کوردی رابوەستییت! چاوەڕێیت بەڵگەکان خرێنە بەردەستت، بەڵام ئەوەی لە رابردوودا روویان داوە بڕوات پێیان نییە، کە پارتیی ویەکێتی بە کوردیان کردووە، یان ئەوانەی وەکو مێژوو لە یادەوەرییەکاندا نووسراونەتەوە، جێگای بڕوا نیین و بە لای تۆوە نابنە بەڵگە.
تا ئیستا نازانیت کە ئەم سەرکردە و بەرپرسانە چەند داوێنپیس و فاسد و بەدڕەوشتن؟  نازانیت ئەمانە چ کەسایەتییەکی خیانەتکار و ناپاکن؟ 
بەڵگەی چیت دەوێت؟ بەڵگە بە لای تۆوە چی دەگەنێت و چ کارێکی لەسەر دەکەیت!؟ گریمان ئێە دڵی تۆ و بە خواستی تۆ بەڵگەشمان بۆت هێنا و خسمانە بەر دەستت، چییان لێدەکەیت!؟ ئچی دەقەومێنیت؟
بەڵی تۆ داوای بەڵگە و دۆکۆمێنتت دەکەیت، چونکە دوای ئەم هەموو ساڵە و ٣٠ ساڵ دەسەڵاتی ئەم خائیننانە هێشتا ننازانیت بنەماڵەی بارزانی کێن و چۆنن، نازانیت چ کارەساتێکیان بەسەر ئەو میللەتەدا هێناوە؟!
 تۆ کاتێک ئەم بیانووە دەهێنێتەوە، ناشزانیت بەڵگە و دۆکۆمێنت چییە و بۆ گەلێکی ناوشیار کاریگەریی نییە، چونکە بە چاو بەڵگەکانیش بیبینن و بیخوێننەوە، بە عەقڵ و ویژدان لێکدانەوەی بۆ ناکەن، بە کردار هەڵویستی لەسەر وەرناگرن، چونکە عەقڵی تاکی کورد وەها شێوێنراوە، ئەمڕۆ راستیی و ناراستیی وەکو یەک وەردەگرێت و دەبینێت، سست و کەمتەرخەم و بێ دەسەڵاتە، ناشتانەوێت وەریبگرن! عەقڵی ئێوە توانای تۆمارکردنی راستییەکانی نییە، لە کاتێکدا ئەو هەموو رووداوانەی باس کراون، بەڵگەی مێژوویین، کەچی دەڵییت بەڵگەم دەوێت! ئایا رووداوەکان کە روودەدەن، قسەکان کە دەکرێن هەموویان بەڵگە نیین؟  هەرچەندە گێرانەوەی رووداوەکان، کردارەکان لە گەڵیاندا  بەڵگەن، ئەگەر بە ڤیدیۆ و دەنگیش تۆمار نەکرابێت..
تۆ دەتەوێت کەسە نزیکەکانی ناو پارتی و یەکێتیی کە پاسداری کاتی رابواردنەکانیان دەکەن، بچن بە دزییەوە دەنگ و ڤیدیۆیان بگرن و بیهێنن بۆ کاک دڵشاد جاف،، تا لە شوێنی خۆی بجوڵیت و هەڵویست وەربگرێت؟ ئەوسا تۆ لە شوێنی خۆت راست دەبیتەوە، شۆڕش بەسەریاندا دەکەی و قیامەت دەقەومێنێت!؟ یان بۆ دزییەکانیان دەتەوێت خەڵکی بچن پەیوەندیی بە بانک و تۆمارگەی خانو موڵک و ماڵەکانیانەوە بکەن، کۆپی ژمارەی حیسابی بانکەکانیان بهێنن، تا بۆت دەربکەوێت، ئەمانە دز و تاڵانچی نیشتیمان و نەوتن؟
ئەو بیانووە چییە، ئێوەی مەڕپیاو و کۆیلە دەیکەن؟ بۆ ئەوەی نووسینێک بێ ئەرزش بکەن و رەوا بە دەسەلات و خیانەتەکانیان بدەن ، بیانوو دەهێننەوە دوای بەڵگە دەکەن، تا ئیستا بەڵگەکان چ کارییەگەرییەکیان هەبووە لە سەر هەڵویست و ئاڵوگۆڕەکانی کۆمەڵگای کوردیی؟ بۆتە چ هاندەربێت دژی ئەم دەسەڵاتی دز و مافیایانە؟
جیاوازی تۆ و ئەو دەسەڵاتە چییە، تەنیا ئەوە نەبێت کە تۆ جامانەکەت سوور نییە! دەسەڵاتێکی وات نییە تا وەکو ئەوان بکەویتە دزیی و فەسادی، عەقڵەکە هەر یەک عەقڵە، تەنیا ئەو کەلللەیەی تۆ بە لەشی دڵشاد بارزانییەوە نییە، بە لەشی کەسێکەوەیە، ناوی دڵشاد جافە!