ئەو دەمەی شاعیر لە خەڵکی جیا دەبێتەوە و دەبێتە بەرگریکاری دیکتاتۆڕ!

Thursday, 20/02/2020, 22:41

رۆژی ٣/٣/ ٢٠١٩ لە سەر ڕووپەڕی کوردستانپۆست وتارێکم بە ناوی (کاتێک قەڵەم ملی شۆڕدەکات نووسەرەکەی شەڕەفی نامێنێت!) بڵاو کرایەوە. لەو وتارەدا باسی چۆنیەتی ژیانی سەرشۆڕانەی شاعیرێکی بۆکانی بەناوی سەعید نەجاری / ئاسۆ / م کردوە، کە چۆن پێیەکی لە هەلێرە ولاقێکی لە بۆکانە. بۆ ئەوەی بنەماڵەی بارزانی بژیوی ژیانی ئەو کەسە دابین بکەن. لە دووئاخوڕان دەلەوەڕێ. ئەویشیان ئاخوڕی مەسعود بارزانی و دووەمیان ئاخوڕی کۆماری ئیسلامییە.
دەمەهەوێت لێرەدا ئەوەی بڵێم، کە ئەوە چآرەنووسی نەتەوەیەکە رووناکبیروشاعیری بەو جۆرە دەداوێنی خۆیدا وەک مار پەروەردە کردوە. ئەوەندی دووژمن بێ حورمەتیی بە زمان و فەرهەنگ وئەدەب وشێعری نەتەوەی کورد دەکا، بە کرێگیراوەکانی خۆماڵی سەد ئەوەندە بێ ڕێزی بە پیرۆزیەکانی نیشتمان دەکەن.
چەندڕۆژێکە پڕوپاگەندەی هەڵبژاردنی مەجلیسی ئێران لە رۆژهەڵاتی کوردستان و ئێڕان بەڕێوە دەچێ. ئیستا شاعیری بەکریگیراوی بۆکانی (ئاسۆ) ئۆقرەی لێهەڵگیراوە تا باشتر شێعر و پێنووسی لە خزمەت نەیارەکانی کورددا بێ. تف لەو وشەیەی کە بۆ شێعرلە مێشکی بۆگەنیوی تۆ دێتە دەرێ.

رووپەڕی ئاوا توودەی، بەو شێوەیە باسی ئەو زۆڵە بە ناو شاعیرە دەکا. دەڵێ: ئاسۆ بۆکانی شار بە شار پڕوپاگەندە بۆ هەڵبژاردنەکانی کۆماری ئیسلامی دەکات. شاعیری بۆکانی هەموو خوولێکی هەڵبژاردن ڕۆڵێکی گەورەی هەیە لە راکێشانی سەرنجی خەڵكی بۆکان بۆ سەر سندووقەکانی دەنگدان. ئاسۆ لە رێگای گووتنی شێعری نەتەوەیی بۆ راکێشانی سەرنجی خەڵک بۆ هەڵبژاردنی مەجلیس و پێداهەڵاگووتن بە سەر کاندیدەکان و قسە کردن لە ستادەکان رێچکەیەکی زۆر خراپی گرتۆتە بەر. وای کردوە زۆربەی دڵسۆزانی وێژە و ئەدەبیی کوردی لە ناو خۆی رۆژهەڵاتی کوردستان لێی دوور بکەونەوە و ئیزنی بەشداریی لە کۆڕ و کۆمەڵە فەرهەنگیەکانی پێ نەدەن.