ماوێ چار هەیڤانە سەرانسەری باژێرێن عیراقێ خوپیشاندان برێڤە د چن،  د ڤان خوپیشاندانا دا زوربەیا خەلکێ سڤیل بوینە قوربانیێن دەستێ هێزێن حوکومەتا عیراقێ،

گەر ئایندەیێ ڤی وەلاتی بەراورد بکەین دگەل رابردوی هیچ گەژبینیەکێ نابینی پێ ئاسودەبی،

سەرەرایی هەبونا ڤان قوربانیا هەمیا خەکلێ عیراقێ د هەولێن بەرخوەدانەکا جەماوەری رەوشێ د شوپینن ژ پێخەمەت ئاسودەکێ گەش بو گەل و وەلاتی، هەوڵو ئومێدێن وان نەمانا حوکومەتا نوکەیا عیراقێ یە،

بەراوردیا رەوشا هەرێمێ د پرانیا  بوران دا لاوازترە ژ یا عیراقێ تایبەت ژ لایێ دارایی و ئابوری و خزمەتگوزاریان ڤە، وەکە موچە، دامەزراندن ، کارەبا ، هاتن و چون ، پەروەردە و فێرکرن کەرتێ ساخلەمیێ ، سامانێن کانزایی میناک نەفت و گاز ،

   عیراق پێشەنگە هەمبەری هەرێمێ دڤان خالێن سەری دا

گرنگە هاولاتیێن هەرێمێ خوپیشاندانێن نەرازیبونا جادا عیراقی بڤەگوهێزنە باژارێن هەرێمێ بو رۆخاندنا حوکومرانیا پارتی و بنەمالا بارزانی و هەفکویفێن وان ئەوێن لسەر داهاتێ هەژارێن کوردستانێ بوینە زوردار و ستەمکار  هەمان دەم دامۆو دەزگەهێن حوکومی و ئێمناهیێ بو بەرژەوەندیا سەرانێن ڤێ پارتێ و بنەمالێ کەتینەکاری،،

ئەف هەلو مەرجە د زێرینن گرنگە خەلکێ نەرازی و حزبێن ئوپوزسونێ رێکخستەنەکێ پێک بینن بو بدوهێک هاتنا ڤێ دوکتاتوریەتا دناڤ دەستهەلاتا کوردی سەرهلدای،

ڤێ دەستهەلاتێ خەلکێ کوردستانێ ب  ڤیانا خاکو وەلاتی و دوزا رەوایا گەلێ کورد چەواشەو دل رەشکریە،،

ئەگەر چاڤ خشاندنەکێ د دابەشکرنا داهاتێ

خالێن سنوری (گومرک) 

سامانێن سروشتی (بیرێن نەفتێ )

حزبیکرنا داهاتێ وەڵاتی بکومپانیێن بازرگانی ،

دێ هێتە زانین حوکومرانی و دەستهەلاتا پارتی تەنێ بو دەستەیا بنەمالا بازانی بوینە شاگردو خزمەتکار،،

ژیان و مرن بەخشانا ئیلاهی یە کەس نەشێت هەبونو نەبونا پێک بگوهورت، ئەوێن سەرهلدانا دکەن بو دوزا رەوایا گەلان هەردەم سەردەفتەر و زیندو نەمرن  دیروک وان  دکەتە قارەمانێن خوە، لەورا  ٢٨سال بەسن  ژ بێ دەنگی و بێ هەلویستیێ هەمبەری ڤان دزوو خائینان ئەوێن هەرو پرتەکا وەلاتی د فروشنو دکەنە غەنیمە مینا شنگار بو ئەبو بەکر بەغدادی، کەرکوک بو قاسم سلێمانی و حەژدا شەعبی ، 

وەلات بکەسێن دلسوزو دەستپاک دگەهنە ئارماجێن خوەیێن  پیروزو رەوا، بهەبونو سەربلندیێ شاد دبن،