گەر ب مێشکەکێ ڤەکری دویر ژ دور بینیا حزبی تەماشەی رەوشا ژیارا هاوڵاتیان بکەین دێ لبەر چاڤێن مە ڕۆهن و ئاشکەرا بیت، ئەڤ درویشمێ بناڤێ چاکسازیێ هاتیە راگەهاندن بو رازیكرنا هەڤپەیمانێن کابینەیا سەروکێ حوکومەتێ مەسرور بارزانی بون،

پروژێ چاكسازیێ ب پلان و بەرنامێن زانستی و گشتگیر دهێتە دارشتن نەب بەرنامەکێ تەلەڤزیونێ ،،،

بوچونا من پروژێ چاکسازیا کابینەیا نوی ئەگەرەکێ سەرەکی بو لێک گوهورینا کومپانیێن بازرگانی یێن سەر ب مەسرور بارزانی و نێچیرڤان بارزانی ڤەدگەرهیت بو نمونە لادانا وەزیرێ سامانێن سروشتی ئاشتی هەورامی ئەو وەزارەتە هەتا نوکە بێوەزیر مایە.

راگەهاندنا درویشمێ چاكسازیا سەروكێ حوكومەتا هەرێما كوردستانێ مەسرور بارزانی نە بابەتەکێ نویە دا باوەریا هاوڵاتیا پێ بهێت، هەمان دەم بیرا مروڤی ل سەردەمێ ئێک ژ كابینەیێن حوکومەتا نێچیرڤان بارزانی دهێت دەما د گوتارەكا تەلەفزیونی دا ئاماژە ب پروژەكێ حوكومەتا خوە کری کو لبەر بو پروژەکێ خزمەتگوزاری ب بەتە پەرلەمانی بو پەسەندكرنا كومپانیایەكێ بناڤێ كەپكو دا هاولاتی ئێكسەر سودمەند بن  ژ پتروو دولار ئەوێ بناڤێ ئابورێ سەربەخویێ هەرێمێ دهاتە بناڤکرن،

بلا ژ بیرا هەوە نەچت چ كەس و پروژە دڤان هەلومەرجێن نوکە دا شیانێن ئەنجامدانا چاكسازیێن ریشەیی د كابینا حوکومەتا هەرێما کوردستانێدا نینن، نەخاسمە بەرپرسەكێ پارتی، چونكە كەسێن دەستپاک و نیازپاک پوستێ سەروکێ حوکومەتێ ناوەرگرن،

مەسرور بارزانی نەشێت بێگونەهیا خۆە ب سەلمینیت د هەدەردانا سەروەت و سامانێ گشتی.

ئەگەر نە بوچی پروژێ چاکسازیا سەروکێ حوکومەتێ مەلەفێ گەندەلیێ ب خوڤە ناگریت، یاسایا چاكسازیێ ژ سەرێ هەرەمێ د هێتە خوارێ هەتا د گەهیتە بنێ وێ،

سەروكێ پارتی مسعود بارزانی هەتا نوکە ئاڤاهیێ سەروكاتیا هەرێمێ رادەستی حوكومەتێ نەكریە.

بارەگەهێ سەروكاتیا هەرێما كوردستانێ ل سەرێ رەش ب بودجەیا گشتی هاتیە دروستكرن د خۆلا سێ یێ یا پەرلەمانی ب دەهان ملیار دینار بو هاتبونە تەرخانکرن

ئەگەر ب یاسایێ بیت ئەو بارەگەهـ ب بودجەیا گشتی یێ هاتیە دروستكرن بو چ كەسێن حزبی دەرفەت نینە دەست درێژیێ بكەنە سەر ماڵ و ملکێ گشتی

گەر یاسا سەروەر بیت دڤیت دادوەرێ گشتی یاسایێ بو هەمی كەسا وەك ئێک بەرقەرار كەت، ئەڤە ژی دێ بیتە ئەگەرێ ژ ناڤچونا هەمی كەسێن دەستێ وان چویە ماڵێ گشتی.