بۆ ساڵوەگەری شەهید کردنی سەردەشت عوسمان
Sunday, 05/05/2019, 22:07
تاپێگەتان سەری رەش بێ
تاپیشەتان گزیری بێ
تا گیرفانتان پڕ بێ لە پارەی دزیی
تا ڕەفتارتان لێواولێوبێ لە حیزیی
تا ماون هەر وادەژین
سەرشۆڕوخوێڕی وبێ بەزەیین
لە بەردەرگای دوژمن وەک رێوین
ترسنۆکن لەرزۆکن
دەکەون دوورن لە فڕێن
وەتی هەن کورد بە کوشت دەدەن
خاک دەفرۆشن سەرقافڵەی جەردەن
تا ئیوە دژی ئازادی بن
دژی پێنووس وسەربەستی بن
کوا ئەو وڵاتە سەردەکەوێ
خۆری دواڕۆژی هەڵدێ
چواروەرزتان کردۆتە کەکرە
باش بزانن
زەبری تۆڵە بە سەبرە
سەردەشتتان ترۆر کرد
دەتوانن وشەی سەردەشتیش تڕۆر بکەن
پەڕاوی بسووتێنن ویادی وی
چاڵ کەن؟
سەر،، دەشت وسەرووی دەشت و
دۆلوچیاکانی کوردستان
پڕن لە رستە وشێعری ژیان و
تۆڵەی قارەمانێکی
وەک سەردەشت
عوسمان
تاکەی ژیانتان ڕەش و
پێگەتان سەری ڕەشە
تاکەی فیشەکی تفەنگتان
بە سنگی ئازادیی فێرە؟
ناترسن لەورۆژە
دەستی ورە
گەرووتان بگرێ و
ژیانتان بە بەرداشی
رقی پیرۆز تێک بدا
یەکە بە یەکە
نۆرە بە نۆرە
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
