بەرلە ٩ ساڵ و لە ڕۆژی ٥/٥/٢٠١٠ دا بە بەرچاوی ھەموانەوەو بە ڕۆژی ڕوناک سەردەشتی ھەمیشە زیندووی خوێندکاری زانکۆ لە بەردەم زانکۆدا ڕفێندرا ، پاش چەند ڕۆژێک تەرمەکەی دۆزرایەوە و بە تیرۆریستیش ناسێنرا لە لایەن دەسەڵاتی خێڵی سەری ڕەشەوە ، کۆمەڵێک گەر دەستی بچێتە تاکی دواڕۆژی ووڵاتەکەی چۆن بڕوای پێدەکرێت ؟ چۆن لێی ڕادەبینی تۆیەک بپارێزێت ؟ چۆن متمانەی ئەوەی پێدەکەی سەرخان و ژێرخانت تاڵان و ھەڕاج نەکات ؟ کە ئەمانەی ھەموو کردووە و بەردەوامیش دەیکات و بۆشی چۆتە سەر .

ئەوەی لای من جێگای سەرنجە ڕاگەیاندنەکانە ھەموو ساڵێک لە یادی تیرۆری سەردەشت عوسمان و تیرۆرکراوانی دیکەی وەک کاوە گەرمیانی و ویداد حسێن و سۆرانی مامە حەمەدا ئاماژە بەوە دەکەن کە تا بە ئێستا بکوژەکان ئاشکرا نەکراون و نەدراون بە دادگا . 

من دەپرسم گەر دادگاو یاسابەدەستان بکوژبن چۆن دەتوانن بکوژەکان ئاشکرا بکەن ؟ 

بکوژی سەردەشت عوسمان ڕوون و ئاشکرایە مەسروری کوڕی مەسعودی ئالبارزانە کە بەرپرسی پاراستن بوو بەھۆی ئەو کارە تیرۆریستی و ئەشکەنجەی زیندانەکانی و زیندانە نھێنیەکانیەوە پلەکەی بەرز دەکرێتەوە بۆ سەرۆک وەزیرانی ھەرێمی بنەماڵە و لای ھەموانیش ئاسایی دەبینرێت لە کاتێکدا ئەو زاتە نەک بۆی گرنگ نیە ژیانی زەردەشتەکان ھەزاران سەردەشت دەکاتە قوربانی بنەماڵەوکورسی سامان و ئێوەش بێدەنگ دابنیشن تا سەرەی تیرۆرکردنتان دێت .

پاشان خۆ بکوژانی ١٧ شوبات وەک ڕۆژی ڕوناک لە بەرچاوی کامێراکاندا گەنجانیان خەڵتانی خوێن کرد کامیان گیران و کامیان ژیانی لێ تاڵ بوو لە ترسا ؟؟ 

تکایە کەس نەڵێت بکوژی زەردەشت نادیارە و نەدراوە بە دادگا ئەو ووڵاتە نە دادی تیایە نە یاسا خێڵ سەروەرە نەک یاسا مێشک ژەنگاویەکان سەرۆکن نەک مرۆڤ بکوژ دەسەڵاتە نەک مافدار 

زەردەشت نەمردووە 

من عاشقی حەماقەتی ئێوەم