ئەمانەی خوارەوە هەندێک قسەی پارتیی و یەکێتیی و گۆڕان و پارتەکانی دیکەیە،  کە لە بۆنە جیاوازەکانی ساڵی ٢٠١٨دا، وتوویانە،  تەنیا ناونیشانی ئەو بابەتە وەڵامە بۆیان:

١- کادیرێکی پارتی؛ دوای ڕیفراندۆم و گەڕانەوەی مەسعود بارزانی بۆ گفتۆگۆکردن لەگەڵ بەغدا ، دەڵێت ئەمە تەنها بۆ بەرژوەندی گەلی کوردە.

٢- مەسروور بارزانی سەرۆکی نوێی حکومەتی هەرێمی کوردستان،لەبەرئەوەی پیاوێکی عەسکەری و ئەمنی شارەزا و پسپۆرە ئاسایش و سەروەری یاسا لە پێشینەی کارەکانی ئەبێ.

٣- فازیل میرانی سکرتێری پارتی دیموکراتی کوردستان، بە یەکێك لە سیاسیە قاڵبوەکانی سەردەمی خۆی دائەنرێ و یەکێکە لەو کەسانەی لە گفتو گۆکانی لەگەڵ لایەنە سیاسیەکاندا هەژموونی گەورەی هەیە.

٤- مەسعود بارزانی هیچ کات ئاڵوودەی کورسی و پلەو پۆست نەبوە و ئەو تەنها پێشمەرگەیەکی لەخۆ بووردوی ئەم گەلەیە و هەرگیز بەڵێنی درۆی بەکەس نەداوە.

٥- بارزانی نەمر قوتابخانەیەکە بۆ بەرگری، بەرخودان، کوردایەتی و نیشتمانپەروەری.

٦- جەلال تاڵەبانی یەکەمین سەرکردەی کوردە ڕێزی لە کاری ڕۆژنامەگەری کردوە و باوەڕی بە بیرو ڕای ئازاد هەبوە.

٧- جەلال تاڵەبانی توانی بەهۆی چەپکەکە گوڵەکەوە یەکێتی ناو یەکێتی بەهێزتر بکا و کادیرانی سەرەوە هیچ لەوانەی خوارەوە جیاواز نەبن.

٨- جەلال تاڵەبانی هەرگیز لە جاش و کورد کوژ خۆش نەبوەو هەرگیز ڕێی نەداوە کورد بەدەستی کورد بکوژرێ.

٩- نەوشیروان مستەفا ئەو کەسە سادە و خاکیە بوو کە تا ئەو ڕۆژەی ماڵئاوی لێ کردین، تەنها خاوەنی شەڕواڵێك و کراسێکی نیلی بوو.

١٠- نەوشیروان تاکە سەرکردە بوو باوەڕی بە حوکمی بنەماڵە نەبوو وە نەیهێشت مناڵەکانی ئەو لەمناڵەکانی جەلال و مەسعود بچن.

١١- نەوشیروان مستەفا تاکە سەرکردەی کوردە کە نووسەر و خوێنەرێکی وا بەسەلیقە بوو دەرگا و پەنجەرەی گۆڕانی بۆ هەموو کەس لەسەر پشت دانابوو و هەرگیز سانسۆریان نەخستبوە سەر هیچ کەس و لایەن و سایتێکی کوردی ڕەخنەگر.

١٢- نەوشیروان مستەفا یەکێکە لەو سەرکردانەی بە جدی کاری بۆ یەکسانی ژن و پیاو کردوە.

١٣- مامۆستا عەلی باپیر،سەلاحە دین بەهادین،دکتۆر موسەنا،عەلی قەراغی و چنگیانی و ئەوانی تر،، نمونەی سەرکردەی ئایینی پیرۆزی ئیسلامن کەوا بەردەوام کێشەی گەلەکەیان پێش هەموو شتێ خستوەو ئاینی ئیسلامیان بۆ بەرژەوەندی کورد بەکار هێناوە و ئەردۆگان بە زاڵم و داگیرکەر ئەناسێنن.

ئەمانە تەنها چەند نمونەیەکی کەمن و هیوادارین گەر هەر ڕستەیەکی تر شك ئەبەن ، بابەتەکەیه پێ زیاتر بڕازێننەوە.