بێ دەنگی
Tuesday, 11/09/2018, 11:10
خوایە تاکەی هەر بەشی کورد
سەرکێشی بێ بۆ ئازادی
لە چوار لەتی نیشتیمان دا
زیندانە یا سێدارەیە
یا کورد کوشتنە بە هاوبەشی
هەموو دونیا باش ئەزانێ
کە عەمامەی چڵکن و ڕەش
وەکو پیشەی هەمیشەیی
عەشقی ڕەنگی سووری خوێنەو
ڕووی ڕەنگ سپی پێ ئەپۆشی
شەڕەف لە قوم بوونی نیە
تاکو میژوو بەڕێزەوە
نەخشەیەکی بۆ بکێشی
لە باشوری نیشتیمانیش
لە سنووری دوو بنەماڵە
غیرەت لاڵە وەیا کوێرە
لەپێناوی پارەو کورسی
دانەیەکیان لە ئەنقەرە
دەستەمۆیە مەی ئەنۆشی
ئەوەی تریش لە تاران دا
موعتادە تریاك ئەکێشی
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
