ڕۆیترس، سی.ئێن.ئێن و چەند سەرچاوەیەکی دی میدیای جیهانی ڕایانگەیاند 

دۆناڵد ترامپ، پێنجشەمەی ڕابردوو ڕایگەیاند و داوای لە سوپا سالاری ئەمریکا کرد، کە بە زووترین کات سوریا چۆڵ بکەن و هێزە ئەمریکییەکان بگەڕێنەوە بۆ ئەمریکا. ترامپ گوتی " من لە سەرەتادا  هەر دژی بوومە، ڕەنگە خەڵک هەبێت بڵێت وا نییە، بەڵام وایە. ئێمە سوریا بە جێدەهێڵێن، با ئیتر خەڵکی دی ئاگیان لە سوریا بێت. ئێمە دەگەڕینەوە بۆ ئەو شوێنەی کە دەبێت لێی بین و بۆی دەگەڕێنەوە ئەویش وڵاتەکەی خۆمانە کە ئەمریکایە. ئێمە پارەیەکی زۆرمان لە رۆژهەڵاتی ناوەڕاستدا خەرج کردوە. تەنیا سێ مانگ پێش ئێستا ئێمە ٧تیلریۆن دۆلارمان خەرجی بووە لە ڕۆژهەڵاتی ناوەڕاستدا. گەلێک قوتابخانەمان دروست کرد تەقێنرانەوە، دووبار دروستمان کردنەوە، دووبارە تەقێنرانەوە،  ئێمە هیچ دەستکەوتێکمان نەبوو، ئەگەر دەستکەوتەکەمان نەوت بوایە ئەو کات قازانجمان دەبوو و داعشیش نەدەبوو، بەڵام ئەوەی بوو بە خاوەنی نەوتەکە لە ناوچەکە داعش بوو، کەئەمە گێلیە".