لەشەستەکانەوە تاوەکو کۆتایی نەوەتەکان بنەماڵەی بارزانی تەواوی هێزو قوەتی خۆیان و تورک و عەرەب و فارس یان دژ بە جەلال تاڵەبانی و حیزبەکەی بەکارهێنا تاوەکو لە چالاکی سیاسیدا بیسڕنەوە.

کوشتن و تیرۆر کردنی چەندین سەرکردە و پێشمەرگەی یەکێتی و کارەساتی هەکاری، بەرەی جود ،قیادە مۆقەتە، سی و یەکی ئاب،  هێنانی تانک و فڕۆکەی تورک بۆسەر کوردستان و لێدان لەحیزبەکەی تاڵەبانی هەمووی شایەتی ئەوەن کە بنەماڵەی بارزانی تاسەر ئێسقان دژی تاڵەبانی و حیزبەکەی بوون .

بەڵام دوای ئەوەی تاڵەبانی چوەسەرگۆڕەکەی مەلامستەفا و بەیعەتی بەبنەماڵەی بارزانیدا زۆر بەی ڕوداوەکان پێچەوانەبوونەوە .

تاڵەبانی بەرەو بەغداد بەڕێ کەوت و لەسەر کورسی سەرۆک کۆمار لێی دانیشت ،لەپێناوی کورسیەکەی خۆیدا تەواوی خەباتی یەکێتی و خوێنی شەهیدانی حیزبەکەی و   کوردستانی بەخشی بەبنەماڵەی بارزانی ئەوانیش دەستیان بەسەر ئەرزو ئاسمانی کوردستاندا گرت .

لەسایەیی تاڵەبانیەوە مەسعود و بنەماڵەکەی فیرعەون ئاسا هەتاکو ئێستاش حکومی کوردستان دەکەن و تەواوی سیاسەتی کوردستان لەلایەن مەسعود بارزانیەوە ئاراستە دەکرێت .

ئێستاو دوای کۆچی  جەلال تاڵەبانی هەندێک لێدوانی مەسعود بارزانی دەبیستین کەجێگای پێکەنینە و گاڵتەپێکردنە .

مەسعود دەڵێت مام جەلال لەمن ڕۆیشت  یان دەڵێت من و تاڵەبانی هێندە بڕوامان بەیەکتربوو کە بەتەلەفۆنێک کێشەکانمان چارە سەر دەکرد ! 

ئاخرناکرێت مێژوی ڕابردوی نێوان یەکێتی و پارتی هەڵبدیتەوە و باوەڕ بەفرمێسکی تیمساحی مەسعود بارزانی بکەیت .

جێگای شەرمەزاریە بەدرێژای مێژو هەوڵی لەناو بردنی تاڵەبانی بدەیت ئێستا شین و شەپۆڕی درۆینەی بۆ بگێڕیت .

لەڕاستیدا ئەوەی ئێستا مەسعود خەمی بۆدەخوات ئەوەنیە کەتاڵەبانی خۆش ویستوە بەڵکو ئەوەیە کەلەسایەیی تاڵەبانیەوە گەیشتوە بەم ڕۆژە ئەگەر جەلال تاڵەبانی نەبوایە ئەوا ئێستا مەسعود و بنەماڵەکەی نەدەبونە مۆتەکە بەسەرشان و ملی ئەومیلەتەوە .

جەلال تاڵەبانی هێندەی سودی بۆ مەسعود و بنەماڵەکەی هەبووە نیو هێندە سودی بۆ کەسوکاری شەهیدانی حیزبەکەی خۆی نەبووە .

ئەوەتا ئێستاش تاکە کەس کە سودمەند بووە لەمەرگی جەلال تاڵەبانی تەنها مەسعود بارزانیە چونکە مەرگی تاڵەبانی سەرنجی ئەو خەڵکەی لەسەر ڕیفراندۆمە درۆینەکەی مەسعود لابردوە .

 بۆیە ئەگەر مەسعود لەسەر گۆڕی تاڵەبانی خێمەیەک هەڵبدات و چل ڕۆژ خۆی بۆ لەقوڕبگرێت هێشتا کەمە چونکە تاڵەبانی بە زیندوی و بەمردوی خێر و بەرەکەت بووە بۆ مەسعود و بنەماڵەی بارزانی .