پاش بڵاوبوونەوەی هەواڵی گرتنی فەوزی قەدوری نوێنەری حکومەتی هەرێم لە سویسرا، لە سەر تاوانی سپیکردنەوەی یەک ملیار دۆلار، ئیستا هەواڵەکە کەوتۆتە دەم کەناڵ و راگەیاندنە عەرەبییەکانیش، ئەوەی کە کوردستانپۆست لە هەواڵی پێشووترییدا ئاماژەی بە چۆنێتی گرتنەکە دابوو، بۆ ئەو مەبەستە پەیانێرمان دیسان پەیوەندیی بەلایەنی پەیوەندییدارەوە کرد و سەرچاوەیەکیش لە سەفارەتی عێراق ئەوەی پشتراستکردەوە و رایانگەیاند، کەوا فەوزی قەدوری بۆ نزیکەی هەفتەیەک گیرا، دوای ئەوە بە کەفالەت بەریانداوە، بەڵام لێکۆڵینەوە لە سەر دزین و سپیکردنەوەی ئەو ملیار دۆلارە بەردەوامە تا رۆژی دادگاییکردنەکەە، هێشتا فەوزی قەدوری وەک بێتاوان بەرەڵا نەکراوە و چارەنووسی نازانرێت بەرەوە کوێ دەچێت! ئەو وێنەیەی خوارەوە وێنەی فەوزی قەدورییە، کە پارتییەکان دەیانەوێت هەواڵەکە بە درۆ بخەنەوە، کە گوایە فەوزی نەگیراوە وا لە کۆلنی ئەڵمانیا لە خۆیشاندانەکاندایە بۆ ریفراندۆم