ته‌بقا چی له‌گه‌ڵ خۆی دێنێت؟
Monday, 10/04/2017, 15:10
ئه‌وه ماوه‌ی چه‌ند مانگێكه گه‌وره‌ترین و به‌رفراوان ترین ئۆپه‌راسیۆنی مێژوی مرۆڤایه‌تی له‌ژێر فه‌رمانداری كچه كوردێكدا به‌ڕێوه‌ده‌چێت كه له‌رووی هزریه‌وه سه‌رتاپا زهنیه‌تی پیاوسالاری و بێباوه‌ڕی به‌رامبه‌ر ژن كرده رسوایی زه‌مانه.
تـــــه‌بقا و پێش ره‌قا ئێستا به‌ئه‌ندازه‌ی گۆڕانكاریه هزریه‌كه‌ی شۆڕشی رۆژئاوا رۆژه‌ڤی سیاسی و هاوسه‌نگیه‌كانی تێكداوه‌و له‌لایه‌ك وه‌كو یاریكه‌ر هه‌موو هێزه‌كانی ناچار به‌نزیكبوون له‌سوریایی دیموكراتیك كردوه، له‌لایه‌كی تریش ترسێكی زۆری له‌لای له‌وهێزانه دروسێكردوه كه له‌سه‌لجوقبه‌گه‌وه تا ئێستا ترسی به‌وجۆره نه‌یهه‌ژاندوون.
ته‌بقا شارێكی ستراتیژی و خاوه‌ن گه‌وره‌ترین به‌نداوی رۆژهه‌ڵاتی ناوین و دابینكه‌ری زیاتر له‌نیوه‌ی وزه‌ی كاره‌بایی سوریا، له‌كه‌وتن نزیكه، له‌لایه‌ك سوریا به‌ته‌واوی ناره‌حه‌ت بوه له‌گه‌ڵ نزیكبوونی كه‌وتنی، له‌لایه‌كی تریش روسیا و ئه‌مریكا به‌دیتنی ئاینده‌ی ناوچه‌كه له‌ژێر ده‌سه‌ڵاتی سوریایی دیموكراتیدا له‌لێگه‌ڕیندان بۆ ئه‌وه‌ی میكانیزمی په‌یوه‌ندییان له‌گةڵ ئه‌م هێزه كاریگه‌ر تر بێت تا له‌هاوكێشه‌ی سوریادا زیاتر خاوه‌ن رۆڵ بن.
لێدانی ئه‌مریكا به‌موشه‌ك له رژێمی سوریا ده‌ستپێكردنی قۆناخێكی نوێیه كه هه‌م رژێمه‌كه‌ی ئه‌سه‌د زیاتر ناچاری ملدان بۆكوردان ده‌كات، هه‌م روسیاش له‌هاوكێشه‌ی سوریادا به‌هێنده‌ی ئه‌وه‌ی گه‌وره‌یان كردبوو گه‌وره‌نه‌بوونی نیشانده‌دات، جه‌نگی ناڕاسته‌وخۆی ئه‌مریكا و روسیا له‌سوریادا هاوشێوه‌ی هاوكێشه‌ی شه‌ری ساردی دوایی شه‌ڕی دوه‌می جیهانی لێدێت.
له‌قۆناخی نوێدا هاوكێشه‌ی سوریا زیاتر گرنگی پێداده‌كات، ئه‌وهێزانه‌شی له‌ساحه‌ی سوریادا كاریگه‌رن، زیاتر له‌جاران ده‌بنه بابه‌تی گفتوگۆ، كه سوریایی دیموكراتی گه‌وره‌ترین و به‌كاریگه‌رترین و به‌ستراتیژی ترینیانه.
له‌به‌ر ئه‌م هۆیه له‌ئێستادا له‌روی ستراتیژی جوگرافی و سه‌ربازیه‌وه گرتنی گوندێكی ستراتیژی تا شارێك ده‌توانی له‌ئاینده‌ی سوریادا هه‌بوونت مسۆگه‌ر بكات، به‌كه‌وتنی ته‌بقا كه‌وتنی ره‌قا مسۆگه‌ر ده‌بێت، دێره‌زۆریش ده‌كه‌وێته گه‌مارۆ، سنوری نێوان ئێراق و سوریاش له‌دوایی ره‌قا ده‌كه‌وێته ده‌ستی سوریایی دیموكراتی، سنوری كه‌مه‌ری شیعی نامێنێ، یان زۆربه‌ی ده‌رگاكانی به‌سه‌ردا داده‌خرێت، ئێران و ئێراق ناچاری سوریایی دیموكرات ده‌بێت بۆ خۆگه‌یاندنه سوریا، توركیا بۆڕی هه‌ناسه‌ی به‌ڕوی سوریادا كه باشور و شه‌نگالی كردوه‌ته هه‌ده‌ف نامێنێ.
كه‌واته ته‌بقا به‌ردی بناخه‌ی پرۆژه‌یه‌كی ستراتیژیه كه زۆرشت ده‌گوڕێت. ئیتر پێوانی نزیكبوونی هێزه نێوده‌ڵه‌تیه‌كان بۆ سوریاییه‌كی عه‌ره‌بی یه‌كگرتوو، دانشتن و مامه‌ڵه ده‌بێت له‌گه‌ڵ دووهێز ئه‌گه‌ر یه‌ك سوریا یان هه‌ر رژێمێكی تر بێت ئه‌وی تر هێزی سوریایی دیموكراته كه كورد سه‌ركێشی ده‌كات، كه ئه‌گه‌رێكی به‌هێزیشه دوایی ره‌قا ته‌بقا، دێره زۆر، رۆشتن به‌ره‌و ئیدلب ده‌ستپێبكات، ئه‌مه‌ش زیاتر سوریا ده‌كاته گۆڕه‌پانی خه‌باتی دیموكراتی بۆ گۆڕینی پاشماوه‌كانی رژێم كه ئه‌وكات نه‌ك وه‌كو ده‌وڵه‌ت وه‌كو گروپێكی داكۆكیكار له ده‌وڵه‌تی پێشو به‌ناو ده‌كرێن.
ئیتر سوریا له‌چاره‌سه‌ری جنێڤ و لۆزانه‌كان ده‌رچوو بوه سوریایی چاره‌سه‌ری هێزت هه‌بێت هه‌بوونت هه‌یه، ئۆپۆزسیۆنه ئۆتێل نیشینه‌كان به‌ئه‌نه‌كه‌سه‌كه‌ی پارتیشه‌وه تورێكی قوڕاوی ناكه‌ن.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
