1-به‌دوای کورته‌ وه‌ڵام/16داو بۆزانیاریی زیاتر..  کاژیک، کۆمه‌ڵه‌یه‌‌کبو له‌سه‌ر بناغه‌یه‌کی هزری و فه‌لسه‌فیی پته‌و دامه‌زرابو، دوای ساڵانێکیش، له‌گه‌ڵ پارتی گه‌لی کورد یه‌کیگرت و زنجیره‌ی رێکخستنه‌کانیان به‌ یه‌کدی موتوربه‌کران. به‌و یه‌کگرتنه‌ش‌، کاژیک له‌ڕوی چه‌ندێتییه‌وه‌ په‌ره‌یسه‌ند، به‌ڵام له‌ڕوی چونیه‌تییه‌وه‌ دایه‌ دواوه‌! ئه‌وه‌ش به‌هۆی روداوی به‌دناوی کانی ماسییه‌وه‌! (کانی ماسی گوندێکه‌ له‌دامێنی شاری سلێمانی، ساڵی64 کرابو به‌بنکه‌یه‌کی سه‌ربازیی پدک) ئه‌و روداوه‌، گه‌رچی کرده‌وه‌یه‌کی شێتانه‌و تاکڕه‌وانه‌بوه‌و ده‌ستی هیچ حیزب و رێکخراوێکی سیاسیی له‌دواوه‌نه‌بوه‌، به‌ڵام له‌سه‌ر کاژیک زۆرکه‌وت، چونکه‌ هه‌ر له‌و ساڵی یه‌کگرتنه‌دا 1964 ئه‌و روداوه‌ رویدا. هه‌ندێ له‌ ئه‌نجامده‌رانی روداوه‌که‌ش، پێشتر په‌‌یوه‌ندیی دو جه‌مسه‌ریان به‌ پارتی دیموکرات و به‌پارتی گه‌لیشه‌وه‌ هه‌بوه‌. سه‌رکردایه‌تیی کاژیکیش، نه‌یکردبو، وه‌ک پارتی، به‌به‌یانێک ئه‌ستۆپاکیی خۆی له‌و روداوه‌ پیشانبدا، ئه‌وه‌ش، وه‌ک هه‌ڵه‌یه‌کی گه‌وره‌بو، هه‌لیشی ره‌خساندبو بۆ نه‌یاره‌کانی کاژیک که‌‌ ئه‌و روداوه‌ی به‌سه‌را بسه‌پێنن!. منیش له‌و ساڵه‌دا نیشته‌جێی ‌به‌غدادبوم و نه‌ئاگام له‌و یه‌کگرتنه‌و نه‌ئاگام له‌ڕوداوه‌که‌‌شبوه‌. دو سه‌رکرده‌که‌ی گه‌لیش که‌ بونه‌ هاوکاری ئه‌ندامانی سه‌رکردایه‌تیی کاژیک، ته‌نیا 3 مانگ له‌و سه‌رکردایه‌تیه‌دا ماونه‌ته‌‌وه‌. دوای ئه‌وه‌ چونه‌ته‌ پاڵ بارزانیی باوک و ئیتر نه‌له‌کاژیکیان پرسیوه‌ته‌‌وه‌، نه‌له‌گه‌ل.

ئه‌مه‌ کورته‌یه‌کی پێنج ساڵی یه‌که‌می ته‌مه‌نی کاژیکبو. له‌بۆنه‌و بواری پێشتردا،به‌درێژی و به‌به‌روارو به‌ناوهێنانی ئه‌کته‌ره‌کانه‌وه‌ دواوم، له‌م کورته‌ وه‌ڵامه‌دا پێویست به‌دوباره‌کردنه‌وه‌ ناکا.  

2-ئێسته‌، دوای تێپه‌ڕبونی زیاتر له‌50ساڵ به‌سه‌ر ئه‌و یه‌کگرتنه‌دا، تازه‌به‌تازه‌ شه‌ڕه‌ زرتانێیه‌کی گوماناویی بۆ ئه‌و دو لایه‌نه‌ دروستئه‌کرێ بێئه‌وه‌ی شه‌ڕێکی له‌وجۆره‌ پێشتر بونی هه‌بوبێ!! له‌کاتێکدا ئێسته،‌ وه‌ک رێکخستن، هیچیان له‌چالاکیدانین و زوربه‌ی ئه‌ندامه‌کانیشیان له‌ژیاندا نه‌ماون!. بۆیه‌ به‌پێویستی ئه‌زانین درۆکانی ئه‌و شه‌ڕه‌ خه‌یالییه‌ پوچه‌ڵکه‌ینه‌وه‌ به‌پیشاندانی راستییه‌کان:

ا-دروشمی (کوردستان بۆکورد-یه‌کسانی بۆ گه‌ل) له‌سه‌ر نامیلکه‌ی به‌تایپ چاپکراوی کاژیکنامه‌ له‌ 1960دا چه‌سپێنراوه‌. ئه‌وه‌ تاپۆی ئه‌و دروشمه‌یه‌. ئه‌و هه‌وڵانه‌ی که‌ئێسته‌ ئه‌درێن بۆ خۆبه‌خاوه‌نکردنی ئه‌و دروشمه‌، خه‌یاڵێکی خاوه‌. 

ب-سه‌رکردایه‌تی کاژیک، هیچکات خۆی له‌به‌رپرسیارێتی نه‌بوردوه‌و هه‌میشه‌ سه‌رکردایه‌تییه‌کی به‌کۆمه‌ڵبوه‌. له‌هیچ رۆژێکدا، سه‌رۆک یاسکرتێر یاکه‌سی یه‌که‌می نه‌بوه‌. ئه‌وه‌ش نهێنیی مانه‌وه‌یانبوه‌ به‌گونجاوی و به‌یه‌کده‌نگی. باکه‌سیش شوێن زڕه‌خه‌یاڵ نه‌که‌وێ و خۆی و که‌سیتر به‌و پۆستانه‌وه‌ هه‌ڵنه‌کێشێ که‌بونیان نه‌بوه‌!.

پ-تاوانی وێرانکردن و له‌به‌ریه‌کهه‌ڵوه‌شاندنه‌وه‌ی‌ رێکخستنه‌کانی کاژیک، ناچێته‌ ئه‌ستۆی ئه‌و دو په‌ڕه‌ کاغه‌زه‌ شڕه‌ی له‌ 21و 25 /1/1975دا به‌داڕشتنێکی لاوازو نه‌خوێنده‌وارانه‌، له‌لایه‌ن (دو که‌سی لاوه‌کییه‌وه‌ که‌ هیچ پله‌و پایه‌یه‌کی به‌رزیان له‌ رێکخستنه‌کانی کاژیکدا نه‌بوه‌)و هه‌ر دوای ئه‌و به‌رواره‌ش، هه‌ریه‌ک به‌لایه‌کدا بڵاوه‌یکردوه‌و نسکۆی شۆڕشی ئه‌یلولیشی به‌سه‌رداهاتوه‌. راستییه‌که‌ی، چه‌ند ساڵێک پێش ئه‌و دو په‌ڕه‌کاغه‌زه‌و پێش کۆنفرانسی نه‌غه‌ده‌، ئاژاوه‌ی نێوان چه‌ند که‌سێک و هه‌وڵی پوچه‌ڵی کوده‌تا به‌سه‌ر سه‌رکردایه‌تیدا ،به‌نهێنی، به‌مه‌به‌ستی خۆکردن به‌ که‌سی یه‌که‌م و شاردنه‌وه‌ی هه‌مو ئه‌وانه‌ش له‌سه‌رکردایه‌تی و شتیتریش!! سه‌ریانهه‌ڵداوه‌و بونه‌ته‌ هۆی وێرانکردن و له‌یه‌کپچڕانی ریزه‌کانی رێکخستن!. 

ت-کۆنگره‌ی خه‌یالیی ساڵی 1972 گوایه‌ له‌ماڵه‌که‌ی منداو دامه‌زراندنی سه‌رکردایه‌تییه‌کی تازه‌ بۆکاژیک به‌قسه‌یه‌کی من!؟ وه‌ک چیرۆکی (بونه‌ خه‌لیفه‌ به‌خه‌یاڵ) وایه‌! پێشتر به‌به‌ڵگه‌ی سه‌لمێنه‌ره‌وه‌ سه‌لماندومه‌: کۆنگره‌ی وا‌؟ بونی نه‌بوه‌! ئاماده‌م به‌ڵگه‌ی زیاتریش پیشانبده‌م. به‌ڵگه‌نه‌ویسته‌ که‌ ئه‌و کۆنگره‌یه‌ بونی نه‌بوبێ، هه‌مو ئه‌و بریاره‌ خه‌یاڵیانه‌ش که‌به‌ناوی ئه‌و کۆنگره‌ خه‌یاڵییه‌وه‌ ریزکراون، هه‌ر خه‌یاڵن و منیش توشی (داء النسیان) نه‌بوم!. خه‌یاڵێکی له‌وه‌ش سه‌یرتر، بۆمه‌به‌ستێکی سه‌مه‌ره‌تر! ئه‌وه‌یه‌ گوایه‌ به‌ قسه‌یه‌کی من، مه‌کته‌بی سیاسیی پاسۆک دامه‌زرابێ!. راسته‌ من ما‌وه‌یه‌ک ئه‌ندامی ئه‌و مه‌کته‌ب سیاسییه‌بوم، به‌ڵام له‌ڕاستیدا من روم لێنرا بۆبه‌شداری له‌و مه‌کته‌به‌داو ته‌نیا وه‌ک یارمه‌تییه‌کیش بۆ پاسۆک، ئه‌و ئه‌ندام مه‌کته‌ب سیاسییه‌م قبوڵکرد، چونکه‌ دوای راپه‌ڕین، که‌ پاسۆک گه‌ڕایه‌وه‌ بۆ شار، نه ‌مه‌کته‌ب سیاسیی هه‌بو، نه‌ پێنوسێکی به‌بڕشتیشی له‌گه‌ڵبو، بۆیه‌ هاوکاریانم به‌ئه‌رکێکی نه‌ته‌وه‌یی زانی له‌و رۆژه‌داو ئه‌رکی راگه‌یاندنم گرته‌ده‌س. زۆریشینه‌برد، له‌و مه‌کته‌ب سیاسییه‌ کشامه‌وه‌و به‌شداریی کۆنگره‌که‌ی 11/9/1991ی پاسۆکیشم نه‌کرد. دواییش له‌سه‌ر داواو تکای ره‌وانشاد مولازم که‌ریم، به‌شداریی کۆنگره‌ی یه‌کگرتنمکرد. جائه‌گه‌ر له‌پرۆفایلی خۆمدا نوسیبێتم ماوه‌یه‌ک له‌مه‌کته‌ب سیاسیی پاسۆکدابوم، درۆمنه‌کردوه‌و خۆشم پێوه ‌هه‌ڵنه‌کێشاوه‌!. ئه‌گه‌ر ئه‌وه‌ به‌لای منه‌وه‌ گرنگبوایه‌، وازملێنه‌ئه‌هێناو له‌ئه‌نجامیشدا ئه‌گه‌ر پۆستێکی گه‌وره‌م پێنه‌درایه‌، هیچنه‌بێ به‌پله‌ی وه‌زیر خانه‌نشین ئه‌کرام وه‌ک زۆرێک له‌وانه‌ی نه‌ جێپه‌نجه‌یه‌کیان له‌ڕاژه‌ی نه‌ته‌وه‌که‌ماندا دیاره‌، نه‌ له‌شاردا رۆژێک زیندانیکراون، نه‌ خه‌باتێکی ژێرزه‌مینیان هه‌بوه‌، نه ‌له‌شاخدا گولله‌یه‌کیان ته‌قاندوه‌، که‌چی به‌پله‌ی وه‌زیرو گزیر خانه‌نشینکراون!. ئاخر که‌سێک وه‌زیر نه‌بوبێ، چۆن و به‌ چ یاسایه‌ک ئه‌بێ به‌پله‌ی وه‌زیر خانه‌نشینکرێ!؟ ته‌نانه‌ت وه‌زیرو په‌رله‌مانتاریش که‌ پۆسته‌که‌یان ته‌واوئه‌بی، ئه‌بێ بگه‌ڕێنه‌وه‌ سه‌ر کاره‌کانی پێشویان تا ساڵانی خزمه‌ت ته‌واوئه‌که‌ن بۆخانه‌نشینی. ئه‌وه‌ یاسایه‌ نه‌ک قسه‌ی من!.

ج-من بۆ به‌ڕێوه‌بردنی رادیۆیه‌کی کوردی له‌پاریس، ساڵی 1962 له‌لایه‌ن کامه‌ران به‌درخان و جه‌مال نه‌به‌زه‌وه‌ بانگکرام، نه‌ک بۆ بژێویی خۆم و نه‌فه‌قه‌ی خوێندن! من و نه‌به‌زیش ئه‌و سه‌فه‌ره‌مان پێکه‌وه‌ نه‌کردوه‌. که‌ رادیۆکه‌ش سه‌رینه‌گرت و من و هاوبیر نه‌به‌ز له‌سویسره‌ ده‌رکراین به‌پیلانی باڵیۆزی ئیراق! ئه‌و رویکرده‌ ئه‌ڵمانیاو منیش گه‌ڕامه‌وه‌ وڵات. 

خ-دوای 11/3/1970 هه‌ڵبژاردنێک له‌سلێمانی بۆ لیژنه‌ی ناوچه‌ی پارتی کرا، نه‌ک بۆ کۆنگره‌ی پارتی! ئه‌وه‌بو له‌سه‌ر داوای شوکری حه‌دیسی، لقی چوار ئه‌و لیژنه‌ هه‌ڵبژێردراوه‌ی هه‌ڵوه‌شانه‌وه‌ چونکه‌ هه‌مویان کاژیکبون. دوایی چه‌ن که‌سێكیتریان به‌بێ هه‌ڵبژاردن دانا بۆلیژنه‌ی ناوچه‌. به‌سه‌رۆکایه‌تی قادر جه‌باریش لیژنه‌یه‌کیان پێکهێنا بۆ لێکۆڵینه‌وه‌ له‌وه‌ی چۆن ئه‌و کاژیکانه‌ هه‌ڵبژێردران بۆ ناوچه‌ی پارتی!؟

د-چونی هه‌ندێ هاوبیر بۆناو پارتی و رێکخراوه‌کانی، به‌مه‌به‌ستی چه‌واشه‌کردنی ‌ڕژێم و بڵاوکردنه‌وه‌ی بیری کاژیکبوه‌، نه‌ک وه‌ک هێڵی لار!. ئه‌وه‌ش ته‌کتیکێکبو به‌ڕێنمایی سه‌رکردایه‌تی. جگه‌له‌وه، سه‌دان هاوبیری کاژیک به‌شداریی شۆڕشی ئه‌یلولیانکرد وه‌ک سه‌ربازی نادیارو وه‌ک ئه‌رکێکی نه‌ته‌وه‌یی و ده‌یانیان شه‌هیدبون که‌ له‌ لیستی ناوه‌کاندا ئاماژه‌یان بۆئه‌که‌ین. ‌‌

ر-له‌و شه‌ڕه‌ زرتانێیه‌‌دا، جگه‌ له‌و خه‌یاڵ و درۆیانه‌ی به‌پیشاندانی راستییه‌کان، کورته‌ وه‌ڵامێکماندانه‌وه‌، زۆر درۆیتر سه‌باره‌ت من، یا به‌ناوی منه‌وه‌، یا دژی من کراون، با‌یه‌خی ئه‌وه‌یاننیه‌ وه‌ڵامیان بده‌مه‌وه‌، ته‌نها وه‌ڵامێکم بۆ شێرکۆی هه‌ژار که‌ ئاماژه‌ی بۆ په‌یوه‌ندیی من و ته‌ها جه‌زراویکردوه‌! ئه‌ڵێم: قسه‌یه‌کی سه‌یره‌! من ساڵی 1970 له‌گه‌ڵ شه‌فیق ئاغا به‌شه‌ڕهاتم، ئه‌ویش له‌وکاته‌دا نوێنه‌ری شۆڕش و به‌ڕێوه‌به‌ری گشتیی کارگه‌ی جگه‌ره‌ی سلێمانیبو که‌من به‌ڕێوه‌به‌ری ئیداره‌و زاتییه‌ی ئه‌و کارگه‌یه‌بوم، له‌ئه‌نجامی ئه‌و شه‌ڕه‌دا لێینوسیم و به‌واژوی ته‌ها جه‌زراوی وه‌زیری پیشه‌سازی، نه‌قڵی کارگه‌ی چیمه‌نتۆی بادوش کرام له‌موسڵ- خۆش په‌یوه‌ندی!. 

3-روانین بۆ زانای گه‌وره‌ی کورد د.جه‌مال نه‌به‌ز، رۆژیک وه‌ک هاودامه‌زرێنه‌ری کاژیک و  هانابردن بۆی و ناردنی نوێنه‌ر بۆگرتنی داوێنی و رۆژێک لاریبون له‌وه‌ی هاودامه‌زرێنه‌ربوه‌و هانای بۆنه‌براوه‌و داوێنی نه‌گیراوه‌!، له‌گه‌مه‌ی منداڵانئه‌چێ! چونکه‌،ئه‌و، تا دوای نسکۆی شۆڕشی ئه‌یلولیش، له‌سه‌ر چالاکیی کاژیکیانه‌ی به‌رده‌وامبوه‌و تائێستاش له‌سه‌ر چالاکیی زانستیانه‌و مێژویانه‌و زمانه‌وانیانه‌و کوردایه‌تیانه‌ی به‌رده‌وامه‌و پێنوسێکی که‌موێنه‌و به‌بڕشته له‌وبوارانه‌دا‌. چونه‌ده‌ره‌وه‌شی بۆ خوێندنبوه‌. چاکیشیکردوه‌ که‌ نه‌هاتۆته‌وه‌ بۆ شاخ. ئه‌و سامانه‌ هزرییه‌ بێشوماره‌ی له‌ده‌ره‌وه‌ به‌خشیوێتی به‌نه‌ته‌وه‌که‌ی، له‌شاخ ئه‌بوایه‌ هه‌ر شه‌قی له‌به‌رد هه‌ڵبدایه‌. ‌

من له‌گه‌ڵ ئه‌وه‌نیم، هیچ نوسه‌رێک، تانه‌و ته‌شه‌رو سوکایه‌تی و درۆو ئه‌و جۆره‌ قسانه‌ تێکه‌ڵ نوسینه‌کانیبکا. ده‌سته‌واژه‌کانی: (تڕمبڕم، فیڕنه‌گوله‌، خۆڵه‌مێش، دۆم) له‌به‌رزیی نوسینی زانستی که‌مئه‌کاته‌وه‌. له‌لایه‌کیتریشه‌وه‌، زاراوه‌کانی (سه‌رلێشێواو‌، هیچی نه‌کردو، بێوه‌فا، خڵه‌فاوه‌، تێکچوه‌، عه‌قڵی له‌سه‌ردا نه‌ماوه‌، به‌زیوه‌، رایکردوه‌) له‌تۆڵه‌ی ئه‌و ده‌سته‌واژانه‌دا، باویاننه‌ماوه‌. که‌ی ئێسته‌ سه‌رده‌می ئه‌وه‌ ماوه‌: له‌پاداشتی به‌ردێکا به‌رقێ بهاوێژرێ!؟ با ره‌خنه‌ی زانستیانه‌و بابه‌تیانه‌ په‌یڕه‌وکه‌ین.   

له ‌کورته‌ وه‌لام/18دا، بابه‌ته‌که‌مان درێژه‌ی ئه‌بێ.

کورته‌ وه‌ڵام/18 بۆ ئه‌وانه‌ی به‌په‌نجه‌ی ده‌ست ئه‌ژمارمانئه‌که‌ن!

به‌دوای کورته‌ وه‌ڵام/17داو بۆ زانیاریی زیاتر..  ئه‌و شه‌ڕه‌ زرتانێیه‌ی ئێستا به‌هاوبیرانی کاژیک ئه‌فرۆشرێ، ئه‌گه‌ر هانده‌رێکی نیه‌و ته‌نیا له‌به‌رئه‌وه‌یه هاوبیران هه‌ر ناوی کاژیک ئه‌به‌ن و ناوی پارتی گه‌لی کوردو رێکخراوه‌کانی نابه‌ن؟ ئاشکرایه‌ که‌: دو، یازیاتر، رێکخراو یه‌کیانگرت، ئیتر هه‌ر ئه‌و ناوه‌ ئه‌برێ که ‌له‌سه‌ری پێکدێن. بۆنمونه‌: هیزبی یه‌کگرتن چوه‌ پاڵ پارتی، به‌ڵام هه‌ر ناوی پارتی ئه‌برێ. یه‌کێتی له‌چه‌ند گروپ وهیزب پێکهاتوه‌، به‌ڵام هه‌رناوی یه‌کێتی ئه‌برێ. که‌واته‌ ئه‌و شه‌ڕه‌، بێمه‌ڵامه‌تنیه‌! ئه‌ی‌بۆچی یه‌خه‌ی پارتی دیموکراتی کوردستان ناگیرێ له‌سه‌رئه‌وه‌ی ناوی حیزبی یه‌کگرتن یا پاسۆک نابرێ!؟ ئێمه‌ که‌ناوی حه‌وت هاوبیره‌که‌ی یه‌که‌ممان بردبێ، مه‌به‌ستمان ده‌سته‌ی دامه‌زرێنه‌ری کاژیکبوه نه‌ک سه‌رکردایه‌تی. له‌جێکه‌یتردا، وه‌ک پێویست، ناوی هه‌مو هاوبیرانمان بردوه‌و مافی که‌سمان نه‌خواردوه‌. ئه‌مه‌ش ناوی سه‌ر‌جه‌م هاوبیرانه‌ ئه‌وه‌نده‌ی له‌زانیاریی خۆم و له‌نوسین و له‌‌زاری هاوبیره‌ دێرینه‌کانمانه‌وه‌ بۆم کۆکرابێته‌وه به‌پێی ریزبه‌ندی ئه‌لف و بێ‌ که‌ به‌داخه‌وه‌و به‌هۆی لێکپچڕانی زنجیره‌ی رێکخستنه‌کانه‌وه‌.. هاوبیرانی کاژیک به‌ناو پاسۆک و پارتی و یه‌کێتی و سۆشیالست و کۆنگره‌ی نیشتمانیدا بڵاو بونه‌ته‌وه‌ یا بێلایه‌ن دانیشتون:       ئازاد ئه‌نوه‌ر، ئازادی کاک مسته‌فا، ئاراس وه‌لی، ئه‌بو به‌کر مه‌لا مه‌جید،ئه‌حمه‌د ئاغا- که‌رکوکی،ئه‌حمه‌د ئه‌مین ئه‌فه‌ندی،ئه‌حمه‌د خوله‌سنه‌یی، ئه‌حمه‌د دوزی–که‌رکوکی، ئه‌حمه‌دنه‌قیب،ئه‌حمه‌دساڵح، ئه‌حمه‌د سه‌لام که‌رکوکی،  ئه‌حمه‌د مامۆستا سه‌ید ئه‌حمه‌د، ئه‌حمه‌د شه‌مه‌یی، ئه‌حمه‌د عه‌بدوڵا،    ئه‌حمه‌د قادر ،ئه‌حمه‌د به‌نا،  ئه‌حمه‌د محه‌مه‌د، ئه‌حمه‌د مه‌حمود،  ئه‌حمه‌د مه‌لا قادر،   ئه‌حمه‌د هه‌ردی،    ئه‌رسه‌لان ئه‌حمه‌د،  ئه‌سعه‌د خالید،  ئه‌کره‌م عارف قه‌ره‌چه‌تانی،  ئه‌نوه‌ر برزو،  ئه‌نوه‌ر عارف قه‌ره‌چه‌تانی، ئه‌نوه‌ر عه‌لی نه‌جار،  ئه‌نوه‌ر مه‌جید سوڵتان-ئه‌فسه‌ر-شه‌هید،  ئومێد جه‌لال،  ئومێد کاکه‌ ره‌ش،  ئومێد عه‌باس،  ئیبراهیم ره‌سوڵ،  ئیحسان سدیق-شه‌هید،ئیحسان عه‌بدولکه‌ریم فوئاد-د.ئیحسان، ئیسماعیل حەمەسور،  ئیسماعیل که‌ریم ره‌ش،  ئیسماعیل گوڵبار،  ئیسماعیل محه‌مه‌د،  بابا تایه‌ر شێخ غه‌ریب،  باڤه‌ شێرکۆ-له‌ رۆژئاوای کوردستان،  بایزی شێخ محه‌مه‌دی به‌نا،  به‌ختیار ئه‌حمه‌د قازی،  به‌ختیار حامید ئه‌سعه‌د، به‌ختیار حه‌مه‌ ئه‌سعه‌د،  به‌ختیار مه‌جید خان،  به‌ختیار وه‌لی، به‌رزان محه‌مه‌د سابیر،  بەرهەم ئەحمەد، به‌کری حاجی مه‌لا خالید،  به‌کر حاجی ئه‌حمه‌د، به‌کری خانم،  به‌کر قادر حه‌لاو،  به‌کر محه‌مه‌د که‌ریم، به‌کر محه‌مه‌د مه‌ولود،  به‌کری مه‌لا قادر، به‌کری مه‌لا مه‌جی،  به‌همه‌ن زاگرۆز،  برایمی حاجی که‌ریم،  برایم حه‌مه‌ عه‌لی ریشه‌،  بروسکه‌ ئیبراهیم، به‌رزان عه‌زیز، بێستون محه‌مه‌د ئه‌مین،  به‌همه‌ن عوسمان، پەیوەند-شەهید، پشکۆی  ئه‌حمه‌د ئاغا-که‌رکوکی، پشکۆ ئه‌مین، پیرۆزخان-حاجی پیرۆز، تالیب تایه‌ر-که‌رکوکی، تالیب محه‌مه‌د  به‌شیر،  تایه‌ر حه‌مه‌ئه‌مین ماوه‌تی،  تایه‌ر شێخ عیزه‌ت،  تایه‌ر محه‌مه‌د موراد،  ته‌ها حه‌مه‌ سه‌عید،  ته‌ها محه‌مه‌د ساڵح عه‌زیز، تۆفیق نوری به‌گ-شه‌هید، جه‌زا-مامۆستا جه‌زا،  جه‌زای عه‌لی کاتب-شه‌هید،  جه‌زا حه‌مه‌ ئابڵاخی،  جه‌زا ره‌شید ئه‌حمه‌د شانه‌، جه‌لال به‌رده‌زه‌ردی،  جه‌لال حاجی حسه‌ین-شه‌هید،  جەلالی حاجی دەروێش، جەلال عەلی شاپور، جه‌لال عه‌لی، جه‌‌لال ده‌روێش قادر،  جه‌لال محه‌مه‌د قه‌پانچی، جه‌مال سابیر ئه‌حمه‌د،  جه‌مال نوری، جەمال عوسمان دایی،  جه‌مال عه‌لی،  جه‌مال عه‌لی قادر،  جه‌مال غه‌فور ره‌ش،  جه‌مال قادر،  جه‌مالی حه‌لاو-شه‌هید،  جه‌مالی سه‌راج، جه‌مال سه‌عید،  جه‌مال سه‌عید غه‌فور،  جه‌مال سابیر ئه‌حمه‌د،  جه‌مال شارباژێری،  جه‌مال عه‌زیز،   جه‌مال عه‌لی قادر،  جه‌مال مه‌حمود عیراقی،  جه‌مال کونجرینی،  جه‌‌مال مسته‌فا،  جەمال تۆفیق-د.نەبەز،  جه‌مال نوری،  جەمال وەستا محەمەد-شەهید،  جەمیل مەحمود عێراقی،  جه‌میل مه‌ردۆخی،  چالاک حسامه‌دین،  جه‌واد مه‌لا- د.جه‌واد- رۆژئاوای کوردستان،  جیهانگیر محه‌مه‌د ئه‌مین،  حامیدی حاجی غالی،  حسێن ئه‌حمه‌د-  حسێن فارس،  حسێن فەتحوڵا،  حسێن محه‌مه‌د عه‌زیز-د.حسێن،

حه‌مه‌ ئه‌مین گوڵچین-شه‌هید،  حه‌مه‌ چوار کڵاوه‌یی،  حەمە رەشید حەموش،  حه‌مه‌ ره‌شید هه‌ره‌س،  حه‌مه‌ سدیق ناشاد،  حه‌مه‌ سه‌عید جاف،  حه‌مه‌ سه‌عید حاجی که‌ریم،  حه‌مه‌ عه‌لی ئه‌حمه‌د که‌مئه‌ندام،  حه‌مه‌ عه‌لی حه‌مه‌ موراد، حه‌مه‌ عه‌لی فه‌ره‌ج،  حه‌مه‌ غه‌ریب ئه‌ندازیار،  حه‌مه‌ غه‌ریب کاکه‌ ره‌ش،  حه‌مه‌ قادر- بەرزی ئه‌ندازیار،  حەمەی حاجی مەحمود،  حه‌مه‌ یادگار،  حه‌مه‌ی ئامه‌ قوله‌،  حه‌مه‌ی شێخ عه‌زیز،  حه‌مه‌ی غه‌فور،  خورشید حه‌سه‌ن-که‌رکوکی،  خوله‌ خڕه‌-شه‌هید،  خه‌سره‌و محه‌مه‌د سه‌عید جاف- ئه‌ندازیار،  دارا حه‌سه‌ن یاره‌، دارا سدیق، دارا سه‌عید، دارا عه‌بدولقادر،  دارا محه‌مه‌د ئه‌مین،  دلاوه‌ر کاکه‌ زیاد کۆیی،  دڵشاد مه‌ریوانی- شه‌هید، دڵشاد سدیق، دلێر ره‌شید یاره‌، دلێر ره‌شید مه‌لا عه‌لی، رزگار ره‌شید، رزگار وه‌لی،  روشدی خدر- که‌رکوکی، ره‌حیم حاجی مه‌حمود- شه‌هید،  ره‌حیم غه‌فور،  ره‌فیق نوری به‌گ،  ره‌وف شێخ غه‌ریب،  زاهیر حه‌مه‌ کۆیی،  زاهیر عه‌لی، زه‌ینه‌ب خان،  ساجیده‌ خان بادینانی،  ساڵح فه‌ره‌ج،  سالە پیر،  سدیق تۆفیق،  سدیق محه‌مه‌د فه‌تاح،  سدیق مه‌لا سه‌عید،  سدیقی پینه‌درو- که‌رکوکی،  سلێمانی  حه‌مه‌جان،  سمایلی چایچی ‌به‌رخانه‌قایی،  سەباحی غالب،  سه‌روه‌ت حاجی عیزه‌ت،  سه‌روه‌ت محه‌مه‌د- د.کوردۆ عه‌لی، سه‌روه‌ر محه‌مه‌د، سه‌ید گوڵ، سه‌ید عه‌لی سه‌یدسه‌عید، سه‌عید گه‌وهه‌ر-شه‌هید، سه‌لاح سه‌لام-که‌رکوکی، سەلاح محەمەد ئەمین، سیروان جه‌مال، سیروان سه‌عید مه‌لا عه‌باس،  شه‌ریف مه‌حمود،  شه‌ریف مه‌ولود-شه‌هید،  شه‌ماڵ عه‌زیز عه‌بدولره‌حمان- جوانه‌مه‌رگ،  شه‌وکه‌تی حاجی موشیر- شه‌هید،  شه‌وکه‌تی شامحه‌مه‌د،  شه‌هید بێستون- له‌قه‌یوان،  شه‌هید بێستون- له‌مامه‌خه‌لان،  شه‌هید فارس- له‌مامه‌ خه‌لان،  شێخ ئه‌حمه‌د شێخ که‌ریم،  شێخ ساحیب،  شێخ محه‌مه‌د حاجی ئه‌حمه‌د، شێرزاد فاتیح-‌ که‌رکوکی،     شێرکۆ بێکه‌س، شێرکۆی شێخ عەلی-شەهید،شێرکۆ هه‌ژار،  عارف ئه‌حمه‌د-سور،  عارف قه‌ره‌چه‌تانی،  عه‌بدوڵا ئاگرین-د.عه‌بدوڵا،  عه‌بدولا به‌کر ئه‌مین،  عه‌بدوڵا ئه‌حمه‌د،  عه‌بدوڵا به‌کر ئه‌مین،  عه‌بدوڵا ئه‌حمه‌د کۆرناڵ،  عه‌بدوڵا جه‌وهه‌ر،    عەبدوڵا مەجید بەگ، عه‌بدولا لاله‌، عه‌بدوڵا مه‌حمود،  عه‌بدول سه‌عید،  عه‌بدوڵا سه‌ردار،    عه‌بدولکه‌ریم عارف- پارێزه‌ر، عه‌بدولواحید حه‌مه‌ بۆر،  عه‌به‌ی فارس،  عەتا سوڵتان، عه‌تا محه‌مه‌د موراد- پارێزه‌ر،  عه‌دنانی حاجی پیرۆز،  عه‌ریف که‌مال- که‌رکوکی،  عه‌زیز ئه‌تروشی،  عه‌زیز ئه‌حمه‌د عه‌بدوڵا،  عه‌زیز ئه‌حمه‌د فه‌تحولا، عه‌زیز حاجی که‌ریم، عه‌زیز ره‌زا،  عه‌زیز شه‌فیق-ئه‌فسه‌ر،  عه‌زیز عه‌بدولره‌حمان،  عه‌زیز فه‌تحوڵا،  عه‌زیز قادر هه‌تیو،  عه‌زیز میرزا که‌ریم،  عه‌زیم هاواری،  عه‌لی به‌گی جاف،  عه‌لی تۆفیق- د.سه‌ربه‌ست،  عەلی تۆفیق مالیه‌،  عەلی تۆفیق سروچک،  عەلی جەلال تۆفیق،  عه‌لی حه‌مه‌ سالح،  عه‌لی حه‌مه‌ لاو،  عه‌لی حه‌موش، عه‌لی ره‌شید،  عه‌لی سور،  عه‌لی سه‌ردار مه‌لا،  عه‌لی سه‌ید سه‌عید،  عه‌لی عه‌بدولا خوێ،  عه‌لی فه‌یزوڵا ،  عه‌لی مه‌جید که‌ریم،  عه‌لی محه‌مه‌د نوری،  عه‌لی ماردین،  عه‌لی مامه‌،  عه‌لی محه‌مه‌د ئه‌حمه‌د،  عه‌لی محه‌مه‌د نوری،  عه‌لی مه‌شخه‌ڵ-شه‌هید،  عه‌لی مه‌نیج،  عه‌لی یاسین،  عوسمان ئامە- شەهید،  عوسمان ئه‌حمه‌د- شه‌هید،  عوسمان  محه‌مه‌د ،   عوسمان حاجی ساڵح خه‌فاف، عوسمان حاجی عه‌بدوڵا ئابلاخی، عوسمان ره‌شید، عوسمان حه‌مه‌ سالح عه‌زیز،  عوسمان حه‌مه‌ عه‌زیز،  عوسمان سەعید،  عوسمان سه‌رقه‌برانی،  عوسمان عه‌بدولا،  عوسمان عه‌لی،  عوسمان فه‌ره‌ج دارۆغا،  عو‌سمانی مه‌لا قادر،  عوسمان شێخ محه‌مه‌د به‌نا،  عوسمان محه‌مه‌د ساڵح،  عومه‌ر ئاغا،  عومه‌ر ئیسماعیل،  عومه‌ر حاجی قادر،  عومه‌ر حاجی عه‌بدولا،  عومه‌ری به‌قاڵ،  عومه‌ری حه‌لاو- شه‌هید، عومه‌ری حه‌مه‌، عومه‌ر ره‌شید قه‌ره‌تۆغانی، عومه‌ر حه‌مه‌ سالح، عومه‌ر سابیر ئه‌حمه‌د،  ،  عومه‌ری ساڵح مه‌نسور- شه‌هید،  عومه‌ر شه‌‌مه‌یی،   عومه‌ر عه‌بدوڵا-مولازم،   عومه‌ر عه‌زیز مه‌حوی،  عومه‌ر عیزه‌ت،  عومه‌ر فه‌ره‌ج دارۆغایی،  عومه‌ر که‌ریم،  عومه‌ر محمه‌د,  عومه‌ر محه‌مه‌د فه‌ره‌ج، عومه‌ر مینه،  عیزه‌ت ره‌شید- شه‌هید  عیزه‌ت مه‌لا ره‌حیم،  غاندی ئه‌نوه‌ر تۆڤی،  غه‌ریب پیره‌،  غەریبی فیتەر،  غه‌فور ئه‌مین،  غه‌فور ژاژڵه‌یی- شه‌هید،  فاتح شێخ حه‌یده‌ر سازانی- شه‌هید،  فاروق فه‌قێ ره‌شید،  فازیل محه‌‌مه‌د ئه‌مین سه‌راج,  فازیل محه‌مه‌د تۆفیق،  فازیل مه‌لا تۆفیق نه‌قشبه‌ندی،  فایه‌ق عارف،  فایه‌ق گوڵپی- د.فایه‌ق،  فایه‌ق هاواری،  فه‌تاح عه‌بدولره‌زاق،  فه‌تاح فه‌ره‌ج دارۆغایی،  فه‌تاح محه‌مه‌د ئه‌مین ئاغا- شه‌هید‌، فه‌تاح نوری به‌گ،  فه‌تاحه‌ سور،  فه‌ره‌ج ساڵح، فه‌ره‌ج ره‌حیم ره‌مه‌زان،  فه‌رهاد سدیق- سمکۆ، فه‌ره‌یدون ئه‌حمه‌د، فه‌ره‌یدون فه‌قێ ره‌شید قه‌شان، فه‌ره‌یدون ره‌وف،  فه‌ره‌یدون عه‌بدولا، فوئاد سدیق، فوئاد عه‌بدوڵا،  فوئاد محه‌مه‌د ئه‌مین سه‌راج،  فه‌رهاد ئه‌حمه‌د- د.فه‌ر‌هاد،  فه‌رهاد خه‌فاف- شەهید، فه‌رهاد عه‌بدولحه‌مید، فه‌رهاد عه‌بدولقادر- که‌رکوکی، فه‌ره‌یدون ئه‌حمه‌د، فه‌ره‌یدون ره‌ئوف،  فه‌ره‌یدون عوسمان- که‌رکوکی، فه‌ره‌یدون عه‌بدولقادر- که‌رکوکی، فه‌ره‌‌یدون عه‌لی ئه‌مین، فه‌ره‌یدون فه‌قێ ره‌شید،  فه‌ره‌یدون مه‌جید، فه‌ره‌یدون محه‌مه‌د، قادر حاجی حه‌سه‌ن،  قادر حاجی عه‌لی، قادر شێخ محه‌مه‌د،  قادر ره‌شید محه‌مه‌د، قادر عومه‌ر- وه‌ستا قادر، قادر غریب، قادر مسته‌فا، قوربانی مام ره‌ش- شه‌هید،  کامیل ژیر، کامیل شه‌فیق، کامیل محه‌مه‌د ئه‌مین سه‌راج، کاوس عه‌زیز فه‌ره‌ج، کەریم دان زێڕ،  که‌ریم سه‌لام- مولازم- شه‌هید, که‌ریم شێخ حه‌سه‌ن، که‌ریم عوسمان، که‌ریم عومه‌ر، که‌ریم مه‌جید ئه‌سلان، که‌ریم مه‌حمودی خه‌یات، که‌ریم رۆژ، که‌ریم محه‌مه‌د، که‌ریمی وه‌ستا حه‌سه‌نی چه‌خماخچی، که‌ریمی وه‌ستا عومه‌ر،  کۆفان- شه‌هید، که‌مال ئه‌حمه‌د، که‌مال ئه‌حمه‌د حه‌سه‌ن،  که‌مال ئه‌حمه‌د مه‌حمود، که‌مال فه‌تاح،  که‌مال محه‌مه‌د قه‌پانچی، که‌مال تایه‌ر ره‌شید، که‌مال شێخ مه‌جید، که‌مال جه‌مال موختار،  که‌مال تایه‌ر ره‌شید، که‌مال‎ عوسمان دایی، کەمال عەبدوڵا محێدین، که‌مال دۆڵپه‌مو، که‌مال عه‌لی- د.که‌مال، کەمال عەلی نانەوا، که‌مال محه‌مه‌د عارف، که‌مال مه‌لا عه‌لی خوێ، که‌مال مه‌عروف، که‌مال عارف، که‌مال فه‌تاح، که‌مال هاواری، گورونی سابیره‌ سووری قه‌ساب، گه‌ردون عومه‌ر، له‌تیف حامید- که‌رکوکی، له‌تیف عه‌لی- جوانه‌مه‌رگ، له‌تیف قه‌ره‌داخی- ب.هه‌ندرین، لۆفری نابۆ، ماهیر محه‌مه‌د ئه‌مین، محه‌مه‌د ئه‌حمه‌د، محه‌مه‌د جه‌زا ،محەمەد جەلال تۆفی، محه‌مه‌دی حاجی ئه‌حمه‌د- مولازم- شه‌هید، محه‌مه‌دی ئه‌حمه‌دی، محه‌مه‌دحاجی شێخ ئه‌حمه‌د، محه‌مه‌د حاجی مه‌رۆیی- مولازم- شه‌هید، محه‌مه‌د حه‌سه‌ن، محه‌مه‌د ده‌روێش نادر-شه‌هید، محەمەدی دارتاش- حەمەسور، محەمەد زێڕینگەر، محه‌مه‌د ساڵح- هۆشمه‌ند، محه‌مه‌د ساڵح فه‌ره‌ج هیتله‌ر- شه‌هید، محه‌مه‌د شه‌وقی- مولازم- شه‌هید، محه‌مه‌د ره‌شید حه‌سه‌ن، محه‌مه‌د شیرین، محه‌مه‌د عومه‌ر، محه‌مه‌د عه‌بدولفه‌تاح، محه‌مه‌د عه‌بدولا، محه‌مه‌د عه‌بدولا حه‌سه‌ن، محه‌مه‌د عه‌زیز- خاڵه‌ حه‌مه‌، محه‌مه‌د کاک عومه‌ر، محه‌مه‌د که‌ریم- هێمن، محه‌مه‌د فه‌ره‌ج دارۆغایی، محه‌مه‌د مسته‌فا- ئازاد، محه‌مه‌د فه‌تحوڵا، محه‌مه‌د محێدین،  محه‌مه‌د مه‌جید ئه‌سلان، محه‌مه‌د مه‌لا عومه‌ر، محه‌مه‌د مه‌ولود، محه‌مه‌دی وه‌ستا مه‌جیدی ده‌لاک،   محه‌مه‌د هه‌رسین- شه‌هید، مژد تاهیر- ئه‌ندازیار، مسته‌فا بابه‌ گه‌وره‌، مسته‌فا سلێمان- ئه‌ندازیر، مسته‌فا مینه‌,   مه‌حمود حاجی، مه‌حمود خه‌رامان، مه‌حمود شێخ محه‌مه‌د، مه‌لا محه‌مه‌دی خه‌یاڵ، مه‌زن عوسمان فایه‌ق,   مه‌نسور شێخ که‌ریم حه‌فید، مه‌هدی وه‌ستای کاشی، مه‌هدی مه‌لا عه‌لی، ناسر شێخ که‌ریم حه‌فید، نامیق برا خاس، نوری حه‌مه‌ عه‌لی- شه‌هید، نوری حه‌مه‌ عه‌لی شنروێ، نوری شه‌ریف- شه‌هید- که‌رکوکی ,نوری شێخ ئیسماعیل، نوری عه‌بدولا، نوری قادر، نوری که‌ریم، نوری نامیق، نه‌به‌ز عه‌زیز، نه‌جمه‌دین حه‌سه‌ن، نه‌سره‌دین ئه‌حمه‌د، نه‌ورۆز مه‌لا عه‌لی، نه‌وزاد سابیر، وریا ئه‌حمه‌د قازی، وریا براخاس، وه‌ستا سالحی به‌نا، هادی- مامۆستا هادی، هادی ئیمام، هادی ئه‌حمه‌د قادر، هاواری نوری حه‌لاو – شه‌هید, هیوا مسته‌فا، هیوا نیزامه‌دین- ئه‌ندازیار، یوسف په‌ری- قه‌شه‌ په‌ری، یوسف مارف زه‌ند، یوسف سه‌عید ،یوسف ناسرۆ = 459

ئەوانە، بێجگە لە پێشمەرگەکانی ناو هێزەکانی شۆڕشی ئەیلول کە کلیلەی ناوەکانیان لای خۆیانبو و مەزەندە ئەکرێن بە سه‌دان پێشمه‌رگه‌ی گۆشکراو بە بیروباوەڕی کاژیک.

   جگه‌ له‌و به‌ڕێزانه‌، که‌سانێکی پایه‌به‌رز هه‌بون که‌ ئه‌ندام نه‌بون، به‌ڵام هه‌واداری کاژیکبون، له‌وانه‌:  به‌شیر موشیر – که‌سایه‌تی کۆمه‌ڵایه‌تی,  جه‌مال ره‌شید – د. جه‌مال – مێژونوس,   جه‌مال نیزامه‌دین – ئه‌ندازیار,  جه‌میل رۆژبه‌یانی – مێژونوس و نووسه‌ر – شه‌هید,  حه‌سه‌ن شێخ حه‌مه‌ مارف – نوسه‌ر,  عه‌لی تۆفیق – د. عه‌لی- مامۆستای کیمیا,  عه‌لی سام ئاغا – که‌سایه‌تیی کۆمه‌ڵایه‌تی,  فازیل نیزامه‌دین – فه‌رهه‌نگسازو نوسه‌ر,  قادر نوری به‌گ – چاودێری سیاسی,  کوردستان موکریانی – د. کوردستان,  گیو موکریانی – فه‌رهه‌نگساز و نووسه‌ر,  محه‌مه‌د گوڵانی – شێخ محه‌مه‌د-خاوه‌ن کتێبخانه,  محه‌مه‌د نوری عارف – د. محه‌مه‌د-مامۆستای زانکۆ.

    به‌داوای لێبوردنه‌وه‌ له‌وانه‌ی ناوه‌کانیان بیرچون، به‌تایبه‌ت پێشمه‌رگه‌ی  هێزه‌کانی شۆڕش. ئه‌و ژمارانه‌ش بۆ ئه‌و رۆژگاره‌ ترسناکانه‌ که‌م نه‌بون. ئه‌وانه‌ی ناوی خۆیان یا که‌سیان یا براده‌ریان نه‌هێنراوه، یا به‌هه‌ڵه‌ نوسراوه‌، سوپاسیانئه‌که‌ین ئاگادارمانبکه‌ن تا له‌ هه‌لێکیتردا ئاماژه‌یان بۆبکه‌ین. وه‌ک سه‌رنجێکیش: مه‌به‌ستمان له‌ناوهێنانی هه‌مو ئه‌و به‌ڕێزانه‌، یه‌که‌م: وه‌ڵامێکه‌ بۆ ئه‌وانه‌ی ئه‌ڵێن ژماره‌یان له‌په‌نجه‌کانی ده‌ست تێنه‌‌په‌ڕیوه‌. دوه‌م: ناوهێنانیان، سه‌روه‌رییه‌که‌ بۆ خۆیان و نه‌وه‌کانیان که‌ له‌و رۆژه‌ ترسناکانه‌دا گیانی خۆیان خستۆته‌ مه‌ترسییه‌وه‌ له‌پێناوی خه‌باتی سه‌ربه‌خۆییخوازانه‌دا بۆنه‌ته‌وه‌که‌یان. سێیه‌م: ئه‌وه‌ش شانازییه‌کیتره‌ که‌ تائێستا، ئه‌و به‌ڕێزانه‌، هێچ په‌ڵه‌یه‌کی وه‌ک ناپاکی، جاشێتی و فایلی به‌عسیان نیه‌. ئه‌وه‌ش ئه‌ڵێم: کاژیک قوتابخانه‌یه‌کی بیری کوردایه‌تیبو زیاتر له‌وه‌ی رێکخستنێکبێ، ئه‌و بیری کوردایه‌تییه‌ش به‌شێوازی کاژیک، رۆژ له‌دوای رۆژ له‌په‌ره‌سه‌ندندایه‌ له‌هزری نه‌وه‌ دوای نه‌وه‌کانمان به‌هه‌ر ناوێکه‌وه‌بێ، ئه‌وه‌ش جێگه‌ی دڵخۆشیی ئێمه‌ی کاژیکه‌و ره‌وانیشمان شادئه‌کا دوای مردنمان.

سه‌باره‌ت به‌ڵگه‌نامه‌کانی کاژیکیش، وه‌ک پێزانین و نرخاندنێک، ئه‌بێ بڵێین: به‌شی زۆری لای هاوبیر حه‌مه عه‌لی فه‌ره‌ج پارێزراوبوه‌، به‌گۆڤاره‌کانی لاوان و قوتابیانی نه‌ته‌وه‌ییشه‌وه‌. پێش کۆچی دواییه‌که‌ی، ره‌وانی شادبێ، من هه‌ندێکیانم لێوه‌رگرت و دوای کۆپیکردنیان، به‌سوپاسه‌وه‌ بۆم گێڕایه‌وه‌. دوای ئه‌و کۆچی دواییه‌ش، د. عه‌بدوڵا ئاگرین هه‌مو ئه‌و به‌ڵگه‌نامانه‌ی له‌خێزانه‌که‌ی حه‌مه‌ عه‌لی فه‌ره‌ج وه‌رگرتوه‌و خۆیشی هه‌ندێ مۆرو نامه‌ی هاوبیران و به‌ڵگه‌نامه‌ی لابوه‌. کاژیکنامه‌و هه‌ندێ به‌ڵگه‌نامه‌ش لای هاوبیر فوئاد سه‌راج پارێزراوبوه‌‌. له‌هه‌نده‌رانیش، به‌شێکی زۆر لای هاوبیر نه‌به‌زو بڕێکیش لای هاوڕێ باخه‌وان پارێزراون. سه‌ره‌ڕای ئه‌وه‌ی چه‌ند خوێنکارێکی به‌ڕێزی ماسته‌رو دوکتۆراش زۆرێک له‌و به‌ڵگه‌نامانه‌یان کۆکردۆته‌وه‌ بۆ نامه‌ی بڕوانامه‌کانیان له‌سه‌ر کاژیک و پاسۆک.

کۆتایی ئه‌م بابه‌ته‌شمان به‌م چه‌ند رسته‌یه‌ی به‌ڕیز هاوڕێ باخه‌وان ئه‌هێنین که 1/12/2003 له‌ پێشوتنه‌کانی کاژیکنامه‌دا‌- ئه‌ده‌بیاتی کاژیک- چاپی ئه‌له‌کترۆنی نوسیوێتی: 

کاژیک، ئه‌و رێکخراوه‌یه‌ که‌ زۆرمانی به‌بیری نه‌ته‌وه‌یی گۆشکردوه‌، راسته‌وخۆ یا ناراسته‌وخۆ، کاری له‌بیرو بۆچونه‌کانمانکردوه‌. ته‌نانه‌ت کاری له‌ژیانی کۆمه‌ڵایتی، رامیاری و زۆر لایه‌نیتر له‌ژیانمانکردوه‌. هه‌ربۆیه‌ هه‌مومان پێویستمان به‌وه‌ هه‌یه‌ که‌باشتر کاژیک بناسین و بزانین به‌ته‌واوه‌تی چیبوه‌و چیی ویستوه‌. کاژیک له‌بیر مێژوی کوردایه‌تی ناچێته‌وه‌..ئه‌وانه‌ی کاژیکیان نه‌ناسیوه‌ یا نه‌بیستوه‌، بیناسن و بیبیستن. کێ ده‌ڵێ ئێمه‌ ئه‌مرۆ له‌هه‌موکات و بارێک زۆرتر پێویستمان به‌کاژیکێکی دی و به‌جۆرێکی دی نیه‌؟!