سەرچاوەکەی نێو پارتی دیموکراتی کوردستان، کە پێی خۆش بوو هەر ئاوا بنووسرێت، دەڵێت پێشتر سمکۆ کچێکی بە ناوی "جوانە پاڵانی" ناردبوو بۆ ڕوژئاوای کوردستان، دواتر پاراستن یەخەی سمکۆ دەگرن و پێی دەڵێن ئەوەش "ت.ش" نییە کە خۆمان بۆمان ناردی و تاقیمان کردیتەوە. دواتر سمکۆ هەڵ دێت بۆ سلێمانی و گۆیا پارتی ڕاوی ناوە. ئەم سینارۆیە هەمووی هەڵبەستراوە و لەگەڵ پارتیی و دەزگای پاراستن هۆنیویانەتەوە، چونکە سمکۆ و حسەینی برای بە تەواویی بوونەتە پیاوی بنەماڵەی بارزانی. تەنانەت خۆی و حسەینی برای کەسێکی دیکەیان لە پاراستنی هەولێرلای پاراستن بە گرتن داوە بە ناوی "شاپوور دەوڵەتی" کە کاتی خۆی بەرپرسی پێوەندییەکانی یەکێتی شۆڕشگێڕان بوو، (تێبینی: مەسەلەکە کۆمەڵایەتییە و پێویست ناکات لێرەدا درێژەی پێ بدرێت).

سەرچاوەکە دەڵێت مەبەستی پاراستن لەم کارە موخابەراتییە ئەوەیە کە دەیەوێت لە ڕێگەی حەسەن و حوسەینەوە لە سلێمانی ئاژاوە دروست بکات، بۆ نمونە چەند جار سمکۆ بە گوشاری پاراستن داوای هاوکاری لە لاهوری شێخ جەنگی کردووە، ئەوانیش تەنیا بڕە پارەیەکیان پێداوە، دواتر سمکۆ فێرکراوە ئەگەر زانیاری یەکێتی فریوی نەخوارد، بچێت بۆ قەندیل و لەوێش بڵێ من پێشمەرگەم ناردووە بۆ ڕۆژئاوا بۆیە پارتی دژی منە و دەریکردووم، لەوێش پەژاک و کۆدار هەڵخەڵەتێنێت. ئێستا "ئامینەی کوێخا مینە" کە دایکی سمکۆ و حسەینە گڕاوەتەوە لای حسەین.
ئەم دوو برایە لە ڕاستیدا هیچ کێشەیەکیان لەگەڵ پارتییدا نییە تەنیا، بەڵکو بە فیتی پارتی جاروبار شەڕ دەکەن و گۆیا دوو حیزبی دژ بە یەکن.! سەرچاوەکە دەڵێت پاراستن فایل و ئەرشیفی تایبەتی بۆ ئەم دوو کەسە کردۆتەوە، وەک نمونە ئەم دوو کەسە کوڕی عومەر سووری نەوبەهارن.