عاشقان لە وڵاتی ئێـمە
Monday, 26/12/2016, 21:05
پێشکەشە بە روحی پاکی فریشتەی سووتماك و هەموو عاشقانی خێر نەدیوو
عاشقان لە وڵاتی ئێـمە کوشتەی خەم و تفەنگن
خۆڵەمێشی ئاگردانی داب و نەریت و ژەنگن
بەهاری تەمەنیان نامۆی وەرزی گەڵا ڕێزانە
بزەو خەندەیان لە لێودا غەرقی خوێن و گریانە
خەو خۆراکیان ئەستەمە بێ بەشن لە تیشکی خۆر
کوشتەی دڵی بێ ویژدان و بێ بەشن لە کفن و گۆڕ
خۆشەویستی هێلی سوورە یاساغە لەم وڵاتە
بەزێنەری ئەو سنوورەش مەرگی دیاری و خەڵاتە
مێژوومان شاهێدی نەمرە بۆ دڵدارو دلبەران
لە خاچ دان و دەربەدەری و سووتان و بەردەباران
بەکرۆکەی مەم و زین زۆرن نامرن ئەمێنن تاسەر
لەژێر ڕکێفی شەیتان دان تاوەکو ڕۆژی عەشر
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
