کەمال مەزهەر ستایشی سەدام حسێن دەکات، بۆ ئاشبەتاڵیش ئاسودە بووە!
گەلی ئێمە لە باشور هێندە تێکشکاوە، گوێ بەو هەموو خۆفرۆشی و خیانەتە نادات، کە ڕۆشبیرە ترسنۆک و خۆفرۆشەکانی دەیکەن، لە ڕێگەی ئەو نووسین و هەڵوێستە پڕ لەو گومانانەی کە هیچیان بۆ نەهێشتوینەتەوە لە شەرمەزاری سوک بوونی خاوەنەکانیان لە نمونەی د. کەمال مەزهەر.

کەمال مەزهەر دەڵێت: پێش ئەوەی شۆڕشی چواردەی گەلاوێژ "بقەومێت" بووم بە ئەندام لە پارتی كۆمۆنیستی عێراق.

کۆمێدیا لەوەدایە شۆڕش بە قەومان بزانیت و خەڵکیش لێت بکڕن، وەک ئەوەی شۆڕش کارەساتێکی سروشتیبێت؟
http://www.historyofkurd.com

دوایی کەمال مەزهەری عاشقی مارکسی "لە ساڵی 1953 كە ستالین دەمرێت، لە نزیك قوتابخانەكەیان لە گردی شێخ محێدین لە سلێمانی “هەموو قوتابیە پێشكەوتنخوازەكان لەوێ‌ كۆبوینەوە ‌و بۆ كۆچی دوایی ستالین ماتەمینیمان گرت ". ئافەرم لەم کابرا وشیارە، کە ستالین بێچگە لە تاوانە مرۆڤایەتیەکانی، ژمارەیەکی زۆری کوردی لە سۆڤیەت راگواستەوە بۆ شوێنی دوور، بەڵام ئەم لەو هاوینەدا چەتر بە دەستەوە دەگرێت، دەڵێت لە موسکۆ باران دەبارێت با منیش باران لێم نەدات.

ستالین ئەو دیکتاتۆرەی مێژوو قێزی لێدەکاتەوە کەمال مەزهەر و هاوڕێ پێشکەوتوخوازەکانی ماتەمینی بۆ دەگرن ئاوا مێژوومان بۆ دەنووسێتەوە.

مێژووی کورد هەمیشە هەڵپەرستەکان نووسیویانەتەوە ئەوەتانێ کەمال مەزهەر باسی ئاشبەتاڵ دەکات و دەڵێت من لەگەڵی بووم، ئەوش دەڵێ شۆڕش پشووی داوە، تۆسەیربکەن بنەماڵەی بارزانی بۆیان دەبارێت، مەلامستەفا پیاوێکی نەزان و ترسنۆک و بێئاگا تەنها فرمان جێبەجێ دەکات دەڵێن ئاشبەتاڵ بکە دەیکات، دەڵێن بڕۆ دەڕوات، بێ ئەوەی ڕوونکردنەوە بدات، کەمال مەزهەر دێت ڕووی ئەو خیانەتە جوان دەکات و دەیەوێت مەلامستەفا و سەرکردایەتی ئەوسای ئەو بزوتنەوە دەستکردە جوان بکات دەڵێت:

"هەرچەندە زۆر كەس كۆتایی شۆڕشەكە بە”نسكۆ” یاخود “ئاشبەتاڵ” ناودەبەن، بەڵام مەزهەر دەڵێت “من نسكۆی پێناڵێم، چونكە ئێمە هەمو خەریكی خۆ ئامادەكردن بوین لەسەر خەبات. بەڵام دوایی كە زانیمان ئەمەریكاو ئینگلیز‌و ئیسرائیل‌و شای ئێران هەر هەمویان دژمانن، ئەو وەختە شۆڕش ناچاربو پشو بدات، ئەگەر وای نەكردبایە دە هەزار كەس دەكوژران، شا سەد هەزار كەسی بارمتە لابو، لەگەمەی شا نەگەیشتن ئەگەر مەلا مستەفا بوبایە هۆی كوشتنی دە هەزار كەس ئەوساكە دەمانگوت: دەبوایە دەستی لەچەك هەڵبگرتایە".

ئەم دەستەواژەیە زۆر دەبەنگانەیە، ئەی ئەو ٦٠٠ پێشمەرگەیەی خۆیان کوشت و نەیانتوانی ئاشبەتاڵێکی ترسنۆکانە قبوڵ بکەن، خوێن و قوربانییان لە ئەستۆی کێدایە؟

ئەمە کۆمێدیاترین قسەی ئەم د. کەمال مەزهەرەیە کە دەیەوێت ئینگلیز بکاتە فریاڕەس و کوردیش هەمیشە بێبەخت، چونکە کەمال مەزهەر ئەتاتورک سەرکەوت ئیتر ئینگلیزەکان وازیان لە دەوڵەتە کوردێکە هێنا لە بەر خاتری ئەتاتورک. کەمال مەزهەر دەڵێت:

"ئێمە زۆرجار دروستنەبونی دەوڵەتی كوردی دەخەینە ئەستۆی ئینگلیزەوە، نەخێر ئەگەر بەدەست یان ئارەزوی ئینگلیز بوایە دەوڵەتی كوردی دروست دەبوو یەكێك لەو كەسە ئینگلیزانەی كە د.كەمال بەدۆستی كورد ناوی دەبات میجەر نۆێیڵە، بۆیە دەڵێت:مستەفا كەمال ئەتاتورك تاكو مرد لەهەمو دنیا زیاتر رقی لەمیجەر نۆێیڵ بو، هەر لەبەرئەوەی نۆێیڵ دڵسۆزی نەتەوەی كورد بووە".

داخۆ ئەمە خوێندنەوەی مێژووە، یان ڕەمڵ هەڵدان؟ مێژوو دەبێت بە ئەرگومێنت و پشت بەستن بە فاکت بنووسرێت نەک لە ڕێگەی عاتفە و حەزلێکردنەوە، ئیستاش سەرانی ترسنۆکی کورد خەندەی جەنەڕاڵێکی ئەمەریکی ناگۆڕنەوە بەسەدان قوربانی گەلەکەیان و مێژوونووسە ترسنۆکەکانیش پاساوی بەختیان بۆ دەهێنەوە.

کەمال مەزهەر ڕەخنە لە وانە دەگرێت، کە لای شێخ مەحمود قاوەیان خواردوە و عەقڵیان پێنەشکاوە کە مێژوو لە دەمی شێخەوە بنووسنەوە، پاشان دەڵێ شێخ مەحمود لە داری کەلی بووە، لە کاتێکدا شێخ مەحمود زیاتر لە بەغداد دانیشتووە هەرلەوێش مردوە تا تەرمەکەی دەهاتەوە، ئا ئەم کەمال مەزهەرە ئاوا ئاگای لە مێژووی نوێیە؟ یان بە مەبەست مێژووەکە دەشێوێنێت!

"بیرم دێت كە لەشۆڕش بوین، خوالێخۆشبو دارا تۆفیق كە ئەندامی لیژنەی ناوەندی پارتی دیموكراتی كوردستان بو، ئەو رۆژگارە پەیوەندیمان زۆر بەهێزبو، سەبارەت بەنوسینەوەی بیرەوەرییەكانی خوالێخۆشبو بارزانی داوایلێكردم‌و وتی: پێشنیارێكی وامان كردوە كە بارزانی بیرەوەرییەكانی خۆی بنوسێتەوە، ئەو بۆ تۆی بگێڕێتەوەو تۆش ئەو بیرەوەرییانە تۆمار بكەیت. زۆر زۆرم پێ‌ خۆش بو، تەنانەت لەگەڵ برای خۆشەویستم جەلالی عومەری سام ئاغادا رێكەوتم كە ئەویشم لەگەڵ بێت، بەڵام بەختی رەشی كورد شۆڕش نوشستی هێناو ئەو پڕۆژەیە سەری نەگرت. لەدواییدا چەند جارێك وتومەو دەیڵێمەوە، خۆزگە لەگەڵیدا بڕۆیشتبایەم بۆ ئەمریكاو ئەو بیرەوەرییانەم بنوسیایەتەوە".

هەرکەسێک کتێبی "خولانەوە لە بازنەیەکی بۆشدا" چاوپێکەوتنی جەرجیز فەتحولای خوێنبێتەوە دەزانێت دارا تۆفیق چ کەسایەتییەک بووە، دارا داوا لە کەمال مەزهەر دەکات بیرەوەری مەلامستەفا بنووسێتەوە، بەڵام ئاشبەتاڵ ڕێگە نادات، من دەڵێم باشتر ئەوسا ئەم کەمال مەزهەرە مەلا مستەفای لێدەکردین بە گاندی و هۆرشیمینە و گیڤارا وای لێدەکرد عومەر موختار لە چاویدا هیچ نەبێت.

 کەمال مەزهەر باسی تاڵەبانی و نەوشیروان دەکات و دەڵێت: مام جەلال تاڕادەیەكی زۆر پیاوێكی ماركسیە.

ئەم مێژوونووسە لە یەکێک لە کتێبەکانیدا لە زەمانی بەعس بڵاوی کردبۆوە ڕەخنەی لە تاڵەبانی گرتبوو لەوێدا نەی ووتبوو "مام جەلال" بەڵکو ووتبووی مامۆستا جەلال. ئەم دکتۆرە خەرەفاوە نازانین بە چپێوریەک تاڵەبانی بەمارکسی دەزانێت و لەمارکسێت تێگەشتوە؟ ڕەنگە لەگەڵ خوسێ سەرۆکی ئەرگۆای تێکەڵی کردبێت. تاڵەبانی کە نەخۆش کەوت دەیان ملێۆن دۆلاری تێچوو، کەژنی بۆ قوبادهێنا لەئیتاڵیا ١٠ملیۆن دۆلاری تێچو ئێستاش ئەم پیاوە بەناو مارکسیە ٤٠٠کەس بەس حیمایەی دەکەن، جگە لەوەی خانویەکیان لەدەباشان بۆکردوە بای ١٠٠دان ملیۆن دۆلارە. پف لە مارکسییەت ئەگەر تاڵەبانی پێ بناسرێتەوە.

کە دێتە سەر نەوشیروان هیچی واناڵێت چونکە هەست دەکەیت لێی دەترسێت، بۆیە ئازادانە ناتوانێ ڕەخنەی لێبگرێت و ناشیەوێت ستایشی بکات چونکە مەسعود و نێچیر ئالیکەکەی دەبڕن، دێت یاری ب ەووشە دەکات دەڵێت:

"مامۆستا نەوشیروان مستەفا پیاوێكی زیرەك‌ و وردە، نامەوێت گومان بكەم لە هیچ دڵسۆزییەكی ئەو، بەڵام حەزدەكات هەمو شتێك بەجارێك بێ‌ كەم ‌و كورتی بێت، ئەو زیاتر ئاگاداری نهێنیەكانە و من ئاگادار نیم، ئەو شتانەی دەیانڵێم سەرنجی تایبەتی خۆمن".

"کەمال مەزهەر دەڵێت: زۆر كەس ئەوانەی كە دوژمنی رژێمی سەدام حسێن بون، دەیانگوت سەدام داردەست‌و كرێگرتەی ئەمەریكایە، من خۆم لەو بڕوایەدام سەدام پیاوی كەس نەبوە‌و پیاوی نەفس‌و عوقدەی خۆی بوە، بەڵام ئەمەریكییەكان زۆر بەزیرەكانە لە بەرژەوەندی خۆیان دەیانجوڵاند، چو لەگەڵ ئێراندا هەشت ساڵی رەبەق شەڕی كرد، ئەو شەڕە لەبەرژەوەندی ئەوان بوو"

تۆ وەرە ئەم مێژوونووسە لەم قوڕاوە دەربهێنە، کە دەڵێت سەدام زیرەک بوو بەڵام ئەمەریکێکان بە زیرەکانە سەدامیان بەکار هێنا، داخۆ مرۆڤێک زیرەک بێت بەکار دێت؟ ئەمە تەنها لە ئەقڵی ڕۆشبیرو مێژوونوسی کوردا بونی هەیە، پاشان سەدام بەفریشتە ناودەبات، لەکاتێکدا کە کەمال مەزهەر لەبەغداد ژیانی سەرشۆڕانەی دەگوزەران سەدام ئەنفالی گەلەکەی کرد و ئەمیش ئێستاو ئەوسا ش ستایشی کردوە و وانەی مێژووی بەسەدام ووتوە و "مارف خەزنەداری " برادەریشی زمانی کوردی فێری سەدام کردوە. کەمال مەزهەر دەڵێت : سەدام زیرەک بوو جلی کوردی لەبەر دەکرد، تۆ سەیری ئەم دەبەنگیە بکە، وازانێ ئەوەی جلی کوردی لەبەرکرد ئیتر دۆست پشتی کوردە، گەلێک زیندووبێت لەسەر ئەم ستایشەی دوژمنەکانی لەدەمی ڕۆشنبیرێکێوە نەک دەدرێتە دادگا بەڵکو ناسنامەی نەتەوەیشی لێدەسەنرێتەو لاشەکەشی نابێت لەنیشتمانێکدا بێت. بەڵام کورد دەترەقێتەوەو لایان خۆشە ئەم وەسفە چونکە بەزیرەکی دەشوبهێنن. 

ئێوە لەمێژووی هیچ ووڵاتێکدا خوێنوتانەتەوە کە کەسێک تەنانەت نەخوێندەوارێکیش ستایشی داگیرکەرو دوژمنەکەی بکات؟ 

کەمال مەزهەر کەسێکی ترسنۆک و هەلپەرستە کاتێک باسی ماكیاڤیلی‌ دەکات کە "حسێن عارف " وەریگێڕاوەو کەمال مەزهەر پێشەکیەکی بۆ نوسیوە چیرۆکێک پڕلە قارەمانێتی بۆخۆی دروست دەکات گوایە ماكیاڤیلی‌ بەپلان بۆ نەتەوەکەی نوسیوە کەمال مەزهەر ئاوا دەڵێت : "كتێبەكەی ماكیاڤیلیم بەعەرەبی نوسیوەو بەڕێز حوسێن عارف وەریگێڕاوەتە سەر زمانی كوردی، كە بڵاوكرایەوە برادەرێكی عەرەبم هەیە پیاوێكی پێشكەوتوخوازی سەر بەشیوعییەكان بو، زۆری دەخواردەوە، رۆژێكیان دوای دەرچونی كتێبەكەم لەباب شەرجی بینیم‌و گوتی: من بەباشی لەتۆ گەییوم، تۆ بەناوی ماكیاڤیلیەوە ئەوەت بڵاوكردۆتەوە، بەڵام موخاتەبەی رەهبەرانی كورد دەكەی‌و دەڵێی دەرس لەماكیاڤیلی وەرگرن. وتم دەخیلتم ئەو قسەیەت لای من كرد زۆر راست دەكەی، بەڵام لای كەسێكی دیكە نەیكەی. هەمو رەهبەرو روناكبیرێكی كورد دەبێ‌ بەقوڵی میری ماكیاڤیلی بخوێنێتەوە، بەتایبەتی بۆ ئەمڕۆمان ئەوە زۆرباشە".

گەرچی میر کتێبێکی چاکە بەڵام بۆ ڕابەرێک کەخزمەتبکات نەک گەلەکەی هەڵخڵەتێنێت، گفتوگۆی پیاوەسەرخۆشەکە دەیترسنێت و دەڵێ تۆڕاست دەکەیت من بەمەبەست ئەمەم کردوە تا ڕابەران بیخوێنەوە، بەڵام ناوی کابرا نانوسێت، چونکە چیرۆکەکە دروست کراوە و خۆی هۆنیوێتەوە و پێمان دەڵێت من کە لەبەغداد بووم هەمیشە پلانم هەبوە خزمەت بکەم، لەکاتیكدا هەموو دەزانین خزمەتکردن هەڵوێستە نەک بێدەنگی و ترسنۆکی.

كتێبی كەركوك لەنێوان سێ‌ سەركردەدا

ئەم چیرۆکە ئیتر گومانمان بۆ ناهێڵێت کە کەمال مەزهەر چۆن تێکەڵی سەدام و بەعس بووە دەبێت لێپرسینەوە لەم بەشەرە بکرێت کە ئێستا لەسایەی ئەو هەموو قوربانییە لە ناوماندا دەژی. کەمال مەزهەر ئاوا چیرۆکی ئەم کتێبەیمان بۆ دەگێڕێتەوە.

"هەر بەشێكی كتێبەكەی تەواودەكات لەڕێگەی م.عەبدوڵای حەسەنزادەو محەمەدی حەسەنپورەوە لە بەغداوە دەینێرێت بۆ كوردستان، كاتێك دەزگا هەواڵگرییەكانی بەعس بەباسی ئەم كتێبە دەزانن د.كەمال بانگ دەكەن‌و بڕیاری نەفیكردنی دەدەن، بەڵام ناوبراو دەڵێت “سەدام رەفزی كردبوو".

یەکێک لەمانەوەی سەدام لەدەسەڵات کوشتن نغرۆکردنی هەموو گومانەکان بوو، مێژووی سەدام سەدان چیرۆکی ترسناکی لەخۆیدا هەڵگرتوە، کەچی لە کەمال مەزهەر دەبورێت....!.

ئەمە پێمان دەڵێت کەمال مەزهەر و سەدام چۆن ئاوێزانی یەکتر بوون ڕەنگە موستەشاری کەسایەتی سەدام بووبێت نایزانین؟ ئەم ستایشە زۆر ترسناکە دەبێت بەدواچونی بۆبکرێت، ئەم پیاوە زۆر نهێنی سەدام دەزانێت بۆیە بەر لەوەی بمرێت دەبێت لە دادگای گەلدا ڕابگیرێت.

 کەمال مەزهەر لەجێگەیەک دەڵێت : دوای ئەوەی بەعس ڕوخا نێچیروان بارزانی لەسەر حسابی گیرفانی خۆی کتێبخانەکەی لەبەغداوە بۆ هێنامەوە، پاشان تاڵەبانی مەسرەفی دەکات بۆ گەشتی لەندەنی و مانەوەی یەک دووساڵ تا نەخۆشێکەی چارەسەر بکات و ئەرشیفی بەریتانیش سەیر بکات، لەیەکێک لەڕۆژنامەکاندا هەواڵی لە سێدارەدانی "خاڵە شەهاب و هاوڕێکانی "دەدۆزێتەوە ئیتر مێدیای باشور وەک هەنگیان لەکونە سەگدا دۆزیبێتەوە هەموویان بڵاویان کردەوە ئەوە بەرهەمی دووساڵی بوو. دوای کاک لوقمانی حاجی کەریم، کە ئەو کاتە پەیامنێری کوردستانپۆست بوو، چاوپێکەوتنێکی لەگەڵدا کرد. 

گەرچی من قسەم زۆربوو بەڵام لەوێدا کەمال مەزهەر نەیشاردبۆوە کە چەند جار سەدامی دیوە و سەدام ستایشی کردوە و گوێی لێگرتوە.

 کەمال مەزهەر دوای چاپی کتێبەکەی لە کوردستان دەچێتە لای (مەسعود بارزانی والی تورکیا لە باشوور)، ئەویش ستایشی دەکات و کتێبەکەی بە دیاریەکی مەزن دەزانێت کەمال مەزهەر ئاوا دەیگێڕێتەوە : 

"دوای دەرچونی كتێبەكەش، رۆژێك د.كەمال‌و فوئاد عارف دەچنە لای مەسعود بارزانی، ئەویش پێیاندەڵێت: ئەو كتێبە باشترین دیارییە كە بۆت هێناوم، بۆ ئەوەی كە هەر رۆژنامەنوسێك‌و هەر كاربەدەستێكی رۆژئاوایی بێتەلام، ئەو كتێبەیان بدەمێ".‌

کەمال مەزهەر زۆر بێژیانە دەیەوێت هەموو سەرە خائینەکان لەتاوان و خیانەت کرد و شکست و ئاشبەتاڵ و خۆفرۆشی و هێنانی سوپای داگیرکەران و داعش و سەدام تورک و پاسدار ئازاد بکات، هەموو ئەمانە بخاتە ئەستۆی جوگرافیا کە بۆتە بەڵا، کەمال مەزهەر دەڵێت : 

"پێموایە جوگرافیای كوردستان بو بەتەوقی نەگبەتی‌و چوە ملی كوردەوە، ئەگەر دەرفەتێك هەبوایە، شوێنێك هەبوایە، بۆ ئێمە هەر بەزۆر هەوڵدەدەین خۆمان بگەیەنینە دەریا، نەخشەی نەتەوەپەرستانی كورد دەمانگەیەنێتە سەر كەنداوی فارس، كە ئەوان هەر كەنداوی عەرەبی پێ‌ دەڵێن، لەولاشەوە دەمانگەیەنێتە سەر دەریای سپی ناوەڕاست، كە ئەمە وانییە، ئێمە جوگرافیا بو بەتەوقی نەگبەتی‌و هاتە گەردنمانەوە". (تەماشای ڤیدیۆکەی سەرەوە بکە)

کەمال مەزهەر نمونەکانی، کە مارف خەزنەدار و عێزەدین مستەفا ڕەسوڵە هەموویان ڕاستەوخۆ یان ناڕاستەوخۆ خزمەتیان بەبەعس کردووە، نامەی عێزەدین مستەفا ڕەسوڵ بۆ سەدام لەساڵی ١٩٧٩کە ستایشی سەدام دەکات هیچ گومانێک لە خۆفرۆشی ناهێڵیتەوە خوێنەر دەتوانێت لە نووسەری کوردا نامەکە بخوێنێتەوە. مارف خەزنەداریش سەدام فێری کوردی دەکات کچەکەی سەدام فلیمەکەی نیشان داین، کە مارف خەزنەدار چۆن ئەم متمانەیەی پەیدا کردوە سەدام بڕوای پێبێنێت ئەوە چیرۆکێکی ترسناکە خۆزگە بەر لە مردنی گوێمان لێبوایە، کەمال مەزهەریش بەهەمان شێوە. پاشان کەمال مەزهەر دێت دەڵێ من لە سەر مێژووی نوێ کورد کاردەکەم کەچی بەدێڕێک چییە ناوێرێ و نەیویستوە باسی عەبدوڵا ئۆجەلان بکات. بەعەقڵی کەمال مەزهەر بێت ئەو گەلانەی لەسەر دەریا نین بابڕۆن بمرن قەت نابێت بژین، ئەمە کۆمێدیایە.