فەرەیدون عەبدولقادر ئەندامى پێشووى مەکتەبى سیاسى یەکێتى و نزیک لە ناوەندى بریار لە وتارێکى ستایشکارانە لە ژێر ناونیشانى ( هەرگیز نەمدیت کۆسرەت رەسول فرمێسک بە دلى خۆى برێژێ )  باس لە رشتنى فرمێسکى ئەمیرەخانى خێزانى کۆسرەت رەسول عەلى دەکات کە بەرگەى کوژرانى سێ کور و دواجار بریندار بوونى شاڵاوى کورى نەگرتووە، بەندەش بەش بە حاڵى خۆم لەگەل جەرگ سوتان و فرمێسک رشتنى هیچ دایکێک نیم، ئەوەى هانیدام بۆ نووسینى ئەو وتارە رشتنى ئەسرینى ئەمیرەخان بووە لە زارى فەرەیدوونەوە، ریک رشتنى ئەسرینى فەهیمە خانى دایکى غەدرلێکراوان دیار ئەسعەد و مەسعود ئەسعەدم بیر کەوتەوە، پێنج ساڵ پێش ئێستا لە شەوى 15 ى 10 ى 2011 لە قەزاى چەمچەمال بەتەوجیهاتى یەکێتى لە لایەن هێزێکى دوانزە کەسیەوە کە هەشتیان ماسکیان دەرکەوت تەققە لە دوو براى تازە پێگەیشتوو کرا  بەناوەکانى ( دیار ئەسعەد و مەسعود ئەسعەد ) و دەستبەجێ گیانیان لە دەست دا، بکوژان راپێچى دادگا کران و دواتر لە لایەن دادگاوە لە ژێر فشارى کۆسرەت رەسولەوە بە بیانووى نەبوونى بەڵگەى شەش لە تاوانباران ئازاد کرا و لەناویاندا بکوژی سەرەکى بە ناوى هەڵۆ نازم ئازاد کرا، کە بە شایەدى بەندە و تەواوى ئەو کەسانەى شایەتى رووداوەکە بوون تاوانبارى سەرەکى هەڵۆ نازمە، تاوانبار  پێش مانگێک لە ئازاد کردنى لە زیندانەوە تەلەفۆنى بۆ یەکێک لە براى کوژراوەکان کردووە و پێى وتووە ماوەیەکى تر کاک کۆسرەت ئازادم دەکات.. 

تۆ بڵێی فرمێسکەکانى فەهیمە خان نەبووبن یەکێتیان بەو دەردە گەیاند، تۆ بڵێی ئازارەکانى ئەمیرەخان هەمان ئازارى فەهیمە خان نەبووبێ کە کۆسرەت باکى نیە لە حەشاردانى تاوانبارانى بکوژانى دیار و مەسعود و بەلارێدابردن و دیزە بەدەرخۆنەکردنى کەیسەکەیان..