ئیستا وێنه‌ و پیلانه‌ مه‌ترسیداره‌كه‌ی داعش و هاوپه‌یمانه‌كانی به‌رونی دیاره‌ ، كه‌جه‌نده‌  مه‌ترسیدار بووه‌ ،   له‌سه‌ر كورد به‌گشتی و كه‌ركوكیه‌كان به‌تایبه‌تی  ،  كه‌هه‌ولیان داوه‌ ئه‌زمونی ٢٠١٤ موسل دوباره‌ بكه‌نه‌وه‌ .  به‌راده‌یه‌ك سه‌ره‌تا توانیویانه‌  ٨ گه‌ره‌كی كه‌ركوك له‌ زۆرینه‌ی خه‌لكی  عه‌ره‌ب و توركمان نشین كۆنترول بكه‌ن  ، نیوه‌ی شار  له‌دام و ده‌زگا هه‌ستیاره‌كان بكه‌ویته‌ ژێر كۆنترولیان  .... به‌لام فیداكاری و بوێری كوردانی خۆبه‌خشی كه‌ركوك كه‌له‌جركه‌ی یه‌كه‌مه‌وه‌ نه‌روخاون و به‌رگریان كردوه‌   و هاریكاری گه‌ریلا و پالپشتی نه‌كردنی  عه‌ره‌ب و توركمانه‌كان    له‌هاتنه‌ مه‌یدان له‌كوردان وه‌ك ئه‌زمونی موسل به‌نمونه‌      هۆكاری سه‌ره‌كی شكستی داعش و    سه‌ركه‌وتنه‌كه‌ بۆ خه‌لكی كه‌ركوك  بووه‌  . وه‌به‌رپرسه‌ ئه‌منی و سه‌ربازیه‌كان له‌جه‌ند كاتژمێری سه‌ره‌تا  خۆیان شاردوته‌وه‌  ، به‌راده‌یه‌ك یه‌ك به‌رپرسی سه‌ربازی و پۆلیس نه‌كوژراون یان بریندار یش نه‌بونه‌ ؟ به‌لام  ژماره‌ی قوربانیه‌كان له‌خه‌لكی خۆبه‌خش و پیشمه‌رگه‌ و هیزه‌ ئه‌منیه‌ كوره‌هه‌ژاره‌كان بووه‌ ،   بۆیه‌شه‌ ژماره‌ی بریندار و شه‌هیده‌كان زۆربوه‌ جونكه‌ ئه‌زمونی شه‌ریان كه‌م بوه‌  . به‌لێ ١٣ ساله‌ به‌رپرسه‌ حوته‌كانی كه‌ركوك به‌گشتی و یه‌كیتی و پارتیه‌كان به‌تایبه‌تی  داهاتی كه‌ركوكیه‌كان ده‌دزن و له‌سه‌ر  ئوقیانوسیك له‌نه‌وت خه‌لكی ئه‌و ناوجه‌یه‌ له‌وپه‌ری هه‌ژاری ده‌ژینێنن   و    دۆزه‌خ ئاسا  خه‌لكه‌كه‌ ی ژیان به‌رێ ده‌كات  ، به‌لام پیجه‌وانه‌ی به‌رپرسه‌ دزه‌كان له‌كاتی پیوستدا شاره‌كه‌یان له‌تاریكپه‌رست و ئه‌ولاده‌ نوێكانی ئه‌ردوگان ده‌پارێزن  و بجوك وگه‌وره‌یان  دینه‌ مه‌یدان به‌مه‌ش توانیان   سه‌روه‌ریه‌كی تر له‌شاره‌كه‌یان تومار بكه‌ن  . 

ئه‌وه‌ی له‌هه‌موی به‌ ئازارتره‌ ، خه‌لكی ساده‌ و خۆبه‌خشه‌كان قوربانی گه‌وره‌یان دا تا پیلانه‌ هه‌ریمی و تاریپه‌رسته‌كانیان وه‌لا نا ، كه‌جی بی ئه‌خلاقانه‌ ترسنۆكه‌كان دینه‌ سه‌ر تیڤی باس له‌قاره‌مانیتی خۆیان ده‌كه‌ن !؟ گه‌رنا كواهیزه‌كه‌ی پارێزگاره‌ دزه‌ نه‌وتاویه‌كه‌ ؟ كوا هیزه‌كه‌ی مه لبه‌ند و دژه‌ تیرور و ناوجه‌كانی پارتی ...... 

 بۆیه‌ به‌هیوام خه‌لكی كه‌ركوك بوار نه‌ده‌ن جیتر ئه‌و به‌رپرسه‌ جه‌ته‌ و دزانه‌  هاوشێوه‌ی تاله‌بانی كه‌له‌ته‌موزی ٢٠٠٧ بكوژی جه‌ندین گه‌نجی تیكۆشه‌ری قاره‌مانی كه‌ركوكی بۆ میتی تورك و به‌ره‌ی توركمانی ئازاد كرد  دوباره‌ بكه‌نه‌وه‌ .    یان بون و هاریكاری هه‌رلایه‌نێك بۆهینانه‌ ئه‌و سوپایه‌ی داعش  پاساونادات كه‌به‌رپرسه‌ ئه‌منی و سه‌ربازی و حكومیه‌كان له‌پارێزگاره‌وه‌ بۆ به‌رێوبه‌ره‌كانی پۆلیس سزانه‌ده‌ن  كه‌ له‌كه‌م ته‌رخه‌می ئه‌واندا خه‌ریك بوو شارێكی گرنگ بكه‌ویته‌ ده‌ست دا عش و ئه‌وژماره‌ زۆره‌ قوربانی داوه‌.

جونكه‌ پارتی و یه‌كیتیه‌كان  له‌شه‌ری داعشدا  بازرگانیان له‌گه‌ل ئه‌و تیرورستانه‌ ده‌كرد   ، جه‌ندین جار له‌هه‌له‌ی به‌رپرسه‌ سه‌ربازیه‌كان  ده‌یان پیشمه‌رگه‌ به‌ده‌ست داعش شه‌هیدكران ، ئه‌مه‌ جگه‌له‌وه‌ی هه‌مومان له‌یادمانه‌ ده‌ڤه‌ری شه‌نگال و مه‌خمور جولكرا وئه‌و هه‌موو تاوان و قوربانیه‌ درا بی ئه‌وه‌ی   یه‌ك به‌رپرس نه‌درا به‌دادگا ؟ یان له‌سالی ٢٠١٤ سیروان بارزانی تیی ته‌قاند و ١٢٠ كوره‌ هه‌ژاری هه‌ولێری و ناوجه‌كانی تری به‌كوشتدا كه‌جی فلیمی قاره‌مانیتی به‌ناو ده‌كرێ و ده‌بیته‌ نماینده‌ی قاره‌ماینیتی پیشمه‌رگه‌. له‌كۆتایشدا ده‌لین ده‌كرێ ئه‌زمونی كه‌ركوكیه‌كان ئیلهامی لێ وه‌ربگیری له‌پاراستنی شاره‌كان  گه‌ر داعش هیرش بكات هاوكات جه‌ند باره‌ ئاسا بینرا هیزی گه‌ل گه‌ر یه‌كگرتوو بیت  جون ده‌توانن پیلانی مه‌ترسیدار تیك بشكینن.