چه‌ند په‌یڤێكی كورت بۆ راپەڕیین
Sunday, 11/09/2016, 12:02
چه‌ند سه‌ردێرێك: بۆ حه‌په لوشه‌كانی ناو ده‌سه‌ڵات!
…………………………………
جا سلێمانی چیه؟
هه‌ولێر و دهۆك گرنگن!؟
گۆران بۆ خۆدزینه‌وه‌و
یه‌كێیه‌تیش بۆ سارد كردنه‌وه خه‌ڵكی نارازیی هه‌میشه ئه‌وه به‌كار ده‌هێنن!؟
ئێمه‌ش ده‌ڵێین؟
كێ لێره به‌رپرسیاره، كێ پاره‌ی گومرگی باشماخ ده‌گه‌یه‌نێته هه‌ولێر؟
كێ داهاتی تری خه‌رج و باجی فه‌رمانگه‌كان ده‌داته ده‌ستی پارتی؟؟
ئه‌گه‌ر ئێوه شه‌ریكه دز نین ئه‌ی چین!؟
………………………………………
شاناز ئیبراهیم ده‌ڵێ:
چیتر نه‌وتی كه‌ركوك پارتی حه‌په‌لوشی ناكات!؟
ئه‌ی كاتێ پارتی به هێزه فشۆڵه‌كه‌ی هات ده‌ستی گرت به‌سه‌ر كێڵگه نه‌وته‌كاندا
یهكێیهتی بۆ نقه‌ی لێوه نه‌هات؟؟
به‌غداش ده‌ڵێ: له هه‌وڵی ده‌ست به‌سرا گرتنه‌وه‌ی كێڵگه نه‌وتیه‌كانی ژێر ده‌ستی پێشمه‌رگه‌ن، هه‌ڵبه‌ته ناڵێن پارتی..
ده‌شلێن پارتی له‌به‌رامبه‌ر پۆسته‌كه‌ی هۆشیار زێباری كێڵگه‌كان راده‌ست ده‌كاته‌وه
دوو ساڵ به‌سه خوا نه‌یبرێ..
…………………………………
ناوه‌ندی بریۆر ده‌ڵێن:
دژی به‌بناماڵه‌یی كردنی ده‌سه‌ڵاتین و فرۆشتنی نه‌وت شه‌فاف نیه‌و بارودۆخی خه‌ڵك خراپه..
ئێمه‌ش ده‌ڵێن:
هه‌ردوو لاتان راست ده‌ڵێن له‌سه‌ر یه‌كتر
هه‌ردوو لاتان درۆ ده‌كه‌ن نه‌ك له‌گه‌ڵ خه‌ڵك به ڵكوو له‌گه‌ڵ كادیر و ئه‌ندامه‌كانی خۆشتان
هه‌ردوو لاتان ماڵتان له شوشه‌یه، به‌ڵام شوشه‌یه‌كی ته‌ڵخ و پیس!
هه‌ردوو لاتان راست ده‌كه‌ن:
لای ئێمه ماڵه‌كانتان له تۆری لۆكزیش ته‌نكتره، هه‌ر فوویه‌كی ئێمه‌ی ده‌وێ..
شه‌رتانه له‌سه‌ر ده‌سه‌ڵاتی زیاتر، داهاتی زیاتر…زیاتر و زیاترررررررررر.
………………………………..
مه‌سعو له سه‌فه‌ره‌كه‌ی گه‌رایه‌وه
كه‌ناڵه میك زه‌رده‌كه‌ی نالیا، كه‌وته‌وه بانگه‌شه بۆی، وه‌ك بۆخۆیان ده‌ڵێن:
هه‌رچه‌نده ئه‌وان بانگهێشت نه‌كرابوون، به‌ڵام ته‌حه‌دایان كردو خۆیان گه‌یانده كۆنگره رۆژنامه‌وانیه‌كه‌ی كه ته‌نیا كه‌ناڵه‌كه‌ی(كورو برازای) تێدا بوو..
مه‌سعود له‌سه‌ردانه‌كه‌ی توركیاوه بۆ پاریس..
له توركیا بۆ پرسی دژایه‌تی رۆژئاواو له پاریس بۆ به كوشتدانی كوری خه‌ڵك بۆ گرتنه‌وه موسل.
به‌راست مه‌سعود وتیشی، بۆ پرسی راپرسی له‌گه‌ل به‌غدا قسه ده‌كه‌ن و
كاتی جاش ده‌وڵه‌ته‌كه‌ی دیاری نه‌كردوه.
………………………………………….
سێ هینه‌كه له هین ده‌كشێنه‌وه!؟
ئه‌مساڵ پێش یادی راپه‌رینی به‌هاری ١٩٩١ كاتێ گه‌رامه‌وه سلێمانی..
به‌رپرسێكی باڵا به ته‌له‌فۆن دوای به خێر هاتنه‌وه ..
ووتی: خێره له‌م بارودۆخه هاتویته‌وه
منیش ووتم هاتوومه‌وه بۆ ئه‌وه‌ی ده‌ورو ته‌سلیم بكه‌ین..
ووتی: ئێمه براین سه‌ر به‌یه‌كه‌وه ده‌نێین له‌مه‌ولا
منیش ووتم: زۆر دره‌نگه بۆ ئه‌و سه‌ر به‌یه‌كه‌وه نانه..
هه‌ڵبه‌ته هه‌ر ئه‌و نه‌بوو زۆری تریش ترسی مه‌رگیان لێ نیشتبوو
…………………………………………………
وا جارێكی تر ده‌رگای ناره‌زایه‌تیه‌كان خرانه‌وه سه‌رپشت
ده‌ڵێن هه‌رسێ حیزبه بێ هه‌ڵوێسته‌كه‌ی شه‌ریكی ده‌سه‌ڵات ده‌یانه‌وێ
له حكومه‌ت كه‌نه‌ماوه بكشێنه‌وه..
هه‌مان قسه‌م بۆ ئه‌وانیش هه‌یه، دره‌نگه بۆ ئێوه‌ش زۆر دره‌نگه
له‌دوای چی، نه‌مانی مووچه، بێكه‌رامه‌ت كردنی تاك، هه‌راج كردنی نیشتیمان
هه‌تككردنی خاك…
دڵنیاتان ده‌كه‌م كه ده‌كه‌ونه به‌ر هه‌مان نه‌فره‌تی خه‌ڵك.
…………………………………………
رێكه‌وته یان پلان؟
بۆ جاری دووه‌م پیاوه خاكیه‌كه‌ی گرده‌كه له‌كاتی سه‌رهه‌ڵدانه‌وه‌ی ناره‌زایه‌تیه‌كان
سه‌فه‌ری له‌نده‌ن ده‌كات، تۆ بڵێی ئه‌مجاره‌ش رێكه‌وت بێ؟؟
سه‌یره نه‌خۆشی و پشكنین و چاره‌سه‌ری ئه‌م پیاوه ده‌كه‌وێته ئه‌م كاتانه..
گۆران له كاتی حه‌ڤده‌ی شوبات و رۆژانی دوایی گه‌وره‌ترین خزمه‌تی به ده‌سه‌ڵات كرد.
ئه‌مجاره به هۆی ئه‌وه‌ی ڕێككه‌وتنیان له گه‌ڵ یهكێیهتی هه‌یه، جارێ ناوێرن هیچ بڵێن!
جا كه‌ی وێراون؟
سه‌ره‌تا خه‌ڵكیان به ئاژاوه گێر ناوزه‌ند كردو
دواتر به ئاشتی ، به ئاشتی داوای ده‌ستكه‌تیان له ده‌سه‌ڵات ده‌كرد.
به‌ڵام له ئه‌گه‌ری نه‌مانی ده‌سه‌ڵات جارێكی تر پلانی ئه‌وه‌یان هه‌یه، وه‌ك به‌هاری ١٩٩١ بێنه سه‌ر حازری..
جارێكی تر گرده‌كه بێته شوێنی پاك بوونه‌وه‌ی دزه‌كانی ده‌سه‌ڵات..
بۆ ئێوه‌ش دره‌نگه..
خه‌ڵك ئێوه‌شی ناسی..
ناتوانن تا سه‌ر درۆ له‌گه‌ڵ خه‌ڵك بكه‌ن.
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
