لە سایتی فەرمی حکومەتی هەرێمی کوردستان کە نێچیرەڤان بارزانی خاوەنی ئەو حکومەتەیە و بەڕیوەی دەبات، وەک بە زمانی خۆی دانی پێداناوە دەڵێت: من سێ ئەولەویەتم داوە بە کارەکانی حکومەت، یەکەم تورکیا، دووەم تورکیا، سێهەمیش هەر تورکیا.

ئەگەر ئێمە لەوێدا سەرنجی وێنەی وەزیرکانی نێچیرەڤان بدەین، دەبینین ئەو تۆپەڵە پیاوە ناماقوڵانە کە لە پێش وێنەی مەلا مستەفاوە وەستاون، چالاکانە خۆیان ئامادە کردووە تا حکومەتەکەی نێچیرەڤان بەڕێوە بەرن. لە خوار ئەم پیاوە ناماقوڵانەشەوە ناوی خۆیان و وەزارەتەکانیان نووسراوە، کاتێک کلیکی ناوەکان دەکەیت، زۆربەیان هیچ نادەن بەدەستەوە، یان هەندێکیان بە شەرمەوە سیڤییەکانیان بە ناتەواویی دەبینرێت، ئەمەش ئەو واتایە دەگەیەنێت، کە ئەم کەسانە بەسەرۆکی حکومەت و جێگر و وەزیرەکانیانەوە، بێ ناسنامە و بەڵگەنامەی خوێندنی گونجاویش نیین، وەکو هەموو حکومەتی وڵاتانی دیکە خاوەنی بەڵگەنامەیەک نیین کە بۆ ئەو کارە بشێن، لە هەمووی سەیرتر، هەندێکیان لەسەر خواستی وەزیرەکە خۆی چەند دێڕێکی بۆ نووسراوە.
یەکێک لەوانە جێگای باسی ئەم بابەتەمانە، کەریم سنجاری وەزیری ناوخۆی ئەو هەرێمەیە، وای بۆ نووسراوە، گوایە سێ منداڵی هەیە، بەڵام ئێمە ئەو وێنانەی کە دوای ئەم چەند دێڕە دێت ئەوەمان پێ دەڵێت، کە کەریم سنجاری چوار منداڵی ناو پاکەتی هەیە و بە نازا و نیعمەتی پارەی دزراوی خەڵکی کوردستان بەخێویان دەکات و لەو پەڕی خۆشییدا ژیان دەبەنە سەر.
کورە گەورەکەی کەریم سنجاری بە هەر هۆیەکەوە بێت، یان زانیارییەکان ئەپدەیت نەکراوەتەوە، تەنیا دەڵێت سی منداڵ و نەگوتراوە چوارەم، رەنگە کەریم سنجاری بۆ خۆی وای بوێت وەکو وەزیری ناوخۆ و کارێکی موخابەراتی نەیویسستووە زانیاریی تەواو لە سەر ئەم کورەی بدات و چاوی کامیرا بخرێتە سەری، چونکە سێ مندالەکانی دیکەی زۆربەی کاتەکان لە هەولیر لەگەل خۆیدان. ئێمە لێرە بەدواوە نهێنی ئەمە لەو وێنانەی خوارەوەدا باس دەکەین، کە بۆچی کوڕە گەورەکەی کەریم سنجاری ناوی کار و شوێنی کارکردنی شاردراوەتەوە، هەڵبەت بەڵگەکانی ئێمە تەنیا ئەو وێنانەن، دەمانەوێت بەمانە وەڵام بدەینەوە و هەر زانیارییەکی دیکەش هەبوو با ئێوە بیخەنە سەر ئەو وێنانە:

کوڕە گەورەکەی کەریم سنجاری بە ناوی شمێد شێخ سنجاری (Shmed Shekh Sinjari)، کە لە فەیسبوکدا خۆی وا ناساندووە، تەنیا کەسە نزیکەکانی دەزانن کە ئەمە یەکێکە لە کوڕی فیرعەونەکانی هەرێم، بە هۆی ئەو وێنانەوە با بزانین ئەم کوڕە چۆن دەژی، چی دەکات، لە کوێیە و چ کارەیە؟! ئیستا با پێکەوە تەماشای ئەو وێنانە بکەین و لەو رێگایەوە وەڵامی پرسیارەکان بدەینەوە: