سادق سندی : پیاوێكی‌ ئارام‌و به‌ئه‌ده‌ب‌و كه‌مدوبوو : پیاوێک پڕاوپڕ لەپرسیاری بێ وەڵام

کەمتر قسەی دەکرد ئەو بڕوای بە کردار بوو نەک قسەکردن و ژاوەژاوی  بێمانا ، کە قسەشت  بۆدەکرد هەموو  گیانی دەبوو بەگوێ بۆ بیستن . ئێمە کەمترین زانیاریمان  لە بارەی  ناوچەی بادینانەوە هەیە ، بەتایبەت  لە ماوەی ئەم  ٢٥ ساڵەی  حاکمێتی کورددا ، ، کە بەعس  حاکم بوو لە عێراق و کوردستانیش کۆڵۆنیار کرابوو، ئێمە دەنگی جوانی هۆزانڤان و  هونەرمەند نوسەرەکانی بادینانمان زیاتر دەبیست وەک لەئێستا ، بادینان لەنیشتمانێکی تر دەچێت  و دەڵێ ئەستێرەیەکی دورە لێمانەوە.

وەک خەزێنەیەکی کڵۆم دراو وایەو ئێمە نەهۆزانێک لەوێوە دەبیستین  نە گۆرانیەکی کاوێز ئاغایانە  کە پێمان بڵێت" کورد خائینە" گەلۆ، هەواڵی ئەو دەڤەرە  سەرداخراوەمان لەهیچ جێگەیەکەوە بۆ نایەت . کە بەرەی کوردستانی بەمردووی لەئێران دروست بوو  ، دوای نزیکی ١٠ساڵ پاش کارەساتی هەکاری ، ینک  مەڵبەندێکی لە بادینان  کردەوە  و هێزی لەناوچەکانی گەرمیان و سلێمانی و  هەولێرەوە بۆ گواستەوە  بەو نیازەی بادینانیش ببێتە  جێگەیەک  بۆ یەکێتی  کوردو دژایەتی داگیرکەری بەعس و  لەوێشەوە جۆشێکی پێبدرێت بەشۆڕشکردن.   ئێمە دوهەمین ڕەتڵ بوو کە گەیشتینە بادینان  ، خەڵکی ئەو دەڤەڕە  میوان دۆست و  خۆشەویست  دڵگەورەو پاکوخاوێن و بەلوتف بوون ، ئەوان خوانیان پڕبوو لە خۆراکی هەمەڕەنگ و بەسود ، بەتایبەت " فراڤین"

 نانی بەیانیانی لە نانی بەهەشت دەچوو وەک باسیبەهەشت دەکەن . هاوڕیەکمان هەبوو کاک" ڕزگار" یادی بەخێر  دەیووت :" نانی بەیانیان هێندە خواردنی ڕەنگاو ڕەنگ دادەنێن دەبێت وەک ئامێری چاپ کاری لەسەر بکەیت" . ئەوان هێندە میوان دۆست بوون ، تەنانەت  پەردە کولەشیان دەداینێ  تاکو مێشولە ئازارمان نەدات و خوێنمان بەناهەق نەمژێت  ، خەڵکی ئەم ناوچانە هەر لەماڵ دەر دەچون تورەکەیەکی خوری ڕەنگاو ڕەنگیان ڕاست و چەپ هەڵدەگرت بەپشتیانەوە  ، چونکە لەکوێدا بیان ویستایە  چایان دەم دەکرد و خۆراکیان دەخوارد ،   زێی گەورەو ڕوباری ڕۆشین و کەتینەش ئەو مەڵبەندەی کردبۆ پارچەیەک بەهەشت  ، جگە لەوەش جیپۆلەتیکی ئێرە زۆر ستراتیجی بوو  بۆمان ئێمە لە باکورو ڕۆژئاوای ووڵات نزیکدەبوینەوەو پەیوەندیان نوێ دەکردەوە،   لێرەهەندێ گوندی هەبوو ئەوت پارچەیەکە لە گوندەکانی ووڵاتی چین بەردەوام سەوز بوو مەرەزەیان تێدا دەکرد و توتنی ئێرە باشترین توتن بوو بەتایبەتی بەری شاخی گارا  ، دۆڵ و شاخ و گردو داربەنەکانی  دیمەنی  ئەومەڵبەندەیان نەخشاندبوو، لێرە سروشت سحری خۆی نمایش دەکرد  ، لەگوندی پێندرۆ چناری باڵابەرزی  دێمی لێبوو،  نیوەڕۆیەک چەند فڕۆکەیەکی جەنگی بەعسێکان هاتن ، وابزانم تاریق ڕەمەزانی  قارەمان بوو لەگەڵ هاوڕێکانیدا قسەی دەکرد و دەیووت " کەی سەرۆکی فەرماندە  زەویمان دەداتێ لەم  بەهەشتە" ؟  ئێمە بە ئێف ئێنی ڕادیۆکە گوێمان دەگرت . لێرە هەموو حەوشی ماڵێک باخچەیەکی پڕ سەوزەبوو کە سپێدان  لەگەڵ نانکردنی هەمووڕۆژێکدا کە زیاتر لەکولێرەی " توجاری" دەچوو سەوزەو تەماتەکان دەکرانە شۆربا ،  بیرمە جارێکیان  لە بلەو بارزان کات  چێشتهەنگاوبوو  لەگوندێک  بەڕێوەبووین  کەبڕۆین بەرەو ڕۆژهەڵاتی ووڵات  یان "ئێران" بڕۆین ڕێگەیان نەدا ووتیان: دەبێت نانی جەژنمان لەگەڵ بخۆن ، لەژێرچەند داربەڕویەکی بەتەمەندا  جێگەیان بۆ داناین و نیوەڕۆ خوانێک   لەسەر سینی گەورە گەورە  خۆراکی جەژنیان  بۆهێناین  کە ئێستاش  تامو چێژی لام هەر ماوە دوایش  چایی و پاشان "فیقی" لەبادینان بە میوەیان دەوت فیقی   ، خەڵکی ئەم دەڤەڕە هێندە میهرەبان بوون ئەوت لەئەستێرەیەکی ترداین  ، بۆیە تاماوم ناتوانم  ئەوکاتانە لەیادبکەم کە لەو پارچە بەهەشتەی نیشتماندا بەسەرم برد، ستایشیان دەکەم  پڕبوون لە جوانی  خۆشەویستی  بۆمان . بیرمان نەچێت من باسی خەڵکی گوندەکان دەکەم کە لەناویاندا  نمەکی ماڵەکانیانمان کردوەو ئەوانیش میواداریان کردووین ،سوپاسگوزارین .

کاتێک لەکانی ماسی  شەڕگەیەکی گەورە بوو لەوبەشەی ئێمە چالاک بووین  سێ موستەشار کەوتنە گەلیەکەوە ، دانەیەکیان بەگولەی وێڵ  کوژرا ودوانیان  کەوتنەدەست هێزەکەمان ، بەڵام راستی بڵێم "سادق سندی" کاتێک زانی ئێمە یەکێتین  خۆی 

تەسلیمان کرد ، ،بەڵام بایز کە موستەشارێکی تربوو گیرا و ئەو پیاوە  نازانم چۆن  ئەو پۆستەی وەرگرتبوو تائێستا کەسی وا  هەوەس باس و خۆپەرستم نەدیبوو.

بایزلەسوڵحێکی عەشایریدا بەپارەیەکی زۆر بەربوو ، بەڵام کاک" سادق سندی" چیرۆکی تر لە هەگبەیدا  خۆی مەڵاس دابوو  بایز و سادق لەگەڵ چەندین  جاشی تر کەوتنەلامان  و مەڵبەند پڕبوو لە زیندانی ، بادینان  ناوچەیەک بوو زۆر جۆری ئایدیاو ئاینی لێبوو لەناو جاشەکانیشدا " موسڵمان ، فەلا ، ئیزیدی ، بێدین ،  شەبەکیش هەبوو ڕەنگە  جۆری تریشی تێدا بووبێت ؟ بەڵام ئەمانە دیار بوون . ماوە ،ماوە بەبۆنەی جەژنەدینێکانەوە بەردەبوون ، جاشە موسڵمانەکانیش گەر تاوانیان نەبوایە بەپارە بەردەبوون تائەو جێگەیەی کە کەس و کاریان بەهانایانەوە بهاتنایە . ئێمە چەند جارێک تاکو سێ سنور چوین  جارێکیان چەکی زۆرمان هێنا  کە  بەشی مەڵبەندی بادینان بوو، لەناویدا  چەند چەکی گەورەش هەبو دۆشکاو بیکەسی و ئاربیجی  .لەمەڵبەند دۆشکەکانمان  دابەست  بۆ هاتنی هەر ئەگەرێک بەتایبەتی فڕۆکە جەنگێکانی ڕژێم .

ئەمەی خوارەوە وێنەیەکی ئەو کاتەیە، کە لە سرودێکی (بۆیە پێشمەرگەم خۆشدەوێت)ی"هونەر کوڕی حەمە جەزا"دا بڵاو کراوەتەوە' .

ئێمە لە ڕۆژهەڵاتەوە بە چەکێکی زۆرەوە گەڕاینەوە  کە چەند باری هێسترمان پێبوو کاروانێکی گەورە دەرمان و ماسکی گاز و ئاڕبیجی ١٢ کە تەنها بۆ شەڕی نزیک لەدوژمن بەکار دەهات تەنها یەک گولەی دەخوارد و دوای تەقاندندنی دەبوو قەباغەکەی فڕێ بدرێت ، کە هاتین لەڕوباری کەنتینە پەڕینەوە لە بەردەم گوندی مام ڕەشدا کۆمەندۆی تورکی  بەکۆپتەر بۆمان دابەزین ژمارەیان زۆر بوو ئێمەش دوو پێشمەرگەی هاوڕێمان نەخۆش بوون بەسواری هێسترەبوون ئەو دووهاوڕێیە لە گەڵ هێزەکەی  کاک "ڕاید جەلال "دا هاتبوون  نەیان هێشت بڕۆین  ئێمەیان گەڕانەوە بۆدەشتی بەرازگر لەناوچەی شێروانە ، جاشێکی کرمانجیان لەگەڵ بوو  دەیووت بڕۆن شەو بێنەوە  لێرە وەبڕۆن ، بەحسابی خۆی دڵی پێمان دەسوتێت ، کە گەڕاینەوە سەر ڕوبارەکە  هێسترێکمان  قاچی شکا وکەوت  بارێکی زۆری مەغزەنمان لێنابوو ،دابەشمان کرد بەسەر بارەکانی تردا ، شەو ڕێپیشاندەرێکمان گرت ، کەتاریک داهات کەوتینە ڕێگە  ئێمە دڵنیابووین کە  کەمینی کۆمەندۆی تورک دانراوە ، ڕێبەرەکەمان ووتی دواکەس کێیە  پێم بڵێن  نا جێنەمێنێت ، ئێمەش ووتمان ئاسۆ ، ووتی ئاسۆ چی یە ؟ ناوێکی کوردی بڵێن بڵێن عەمەد مەحموود مستۆ ،، پێکەنین ڕێبەرەکەمان ئاسۆی بەکورد نەدەزانی ،  کە گەشتینەوە مەڵبەند  شەهید "ئازاد هەورامی"  گەڕایەوە  بۆ ناوچەی سۆران  کاک "حاکم عومەر " بووە  بەرپرسی مەڵبەند 

پاش ماوەیەک لەپشودان  بڕیاری گەڕاندرا  بەهەموو ناوچەکانی بادیناندا  و سەردانی هەموو کۆمتەکان ، دوای کۆمیتەی ئامێدی ئێمە چوینە کۆمیتەی زاخۆ لای شالانش و گەلی حەفتانین  پشتی شارۆچکەی زاخۆ سەر سنوری دەسکری باکورو باشور . 

 پاش گەڕانمان بە ناوچەکەدا ڕۆژێک  بەرپرسەکەمان  کاک حاکم  عومەر باگیکردم کە چەند هاوڕیەک لەگەڵ خۆم بەرم  تا بچین باوکی کاک "سادق سندی" ببینین ، عومەر ئاغا  باوکی کاک سادق دوایی گیرانی سادق ئەو پیاوە ببوە  بەرپرسی فەوجەکەی سادق  ، منیش هاوڕێکانم "دای سامان ، شیروان ، کاوە ، حاجی ئاسۆ"م ئاگادارکرد  کە دەڕۆین  ، کاک عومەریش پێی ووتین کە زۆر ووریابین و  ئاگامان زۆر لەخۆمان بێت . لەگەڵماندا لەشکری کەسێکی تریش هات کە ئامرکەرت بوو خەڵکی سالانش بوو ، کەوتینە ڕێگە   تا نزیک بوینەوە لە پایگاکانی  پشتی زاخۆ ، ئەو ناوچەیە چۆڵکرابوو ئەوە لەسیاسەتی  ڕاگوێزانەکەدابوو ٢٠کیلۆمەتر ، لەڕێگە گەیشتینە  گەلیەک  بەردێکی گەورە دەوت   قاشکرابوو بەبەینیا ڕۆشتین هەر شوێننی  بێبوو ، لەشکۆ ووتی: ئەمە ناوی" بەری بڕی یە " لەکاتی هاتنی ئیسلامدا  بۆ ئەم ناوچەیە گەشتونەتە ئەم گەلیەو  یەکێک  لە سەرلەشکرەکە بە شمشێرەکەی ئەم بەردەی کردوە بەدووکەرتەوە  ئێمەش ئێستا پیایدا دەڕۆین.  دایی ووتی: لەشکۆ ئەوە ڕەنگە گرایندایزەر بووبێت ؟ 

 هەموومان دەستمان کردە پێکەنین ، پاش کەمێک  بەوبەرمانەوە ڕەوەیەک بەراز لەیەکانەیەکەیەوە بۆ بچوکتریان بەخێرای خۆیان کرد بەناو دارەکاندا  ڕەش  شفرەدار دای سامان  ووتی : ئەها ئەو گوێرەکانە ...! زۆر پێکەنین  سامان بەرازی نەدیبوو  بۆیە وای ووت ، ئێمە  نەدەبوو تەقەیان لێبکەین   چونکە کە وتبوینە ناو  هەموو ڕەبایەکان و سەیریان دەکردین هێزەکەی عومەر ئاغا ، پاش کەمێک  وەستاین لەبن دارێکی بەڕووی گەورەدا کە زیاتر  لەداری مشایەخەکان دەچوو  چاوەڕێ بووین یەکێک لەو  کەسانەی بەر لەماوەیەک بەرمان دابوو دەرکەوت  بە کڵاشیکۆفێکی  سیخۆی دوودەسکەوە ،وەک هەموو جارێک جگەرەیەکی بەلێوەبوو،  پاش کەمێک  عومەر ئاغا و دوو کەسی تر هاتن  ، ئێمەش   بەرەو ڕویان چوین و  هاوڕێکانیشم  وەک پێشمەرگە لەئامادە باشیدابوون  بڵاو ببونەوە ،  پاشان  ئەوان کەبابێکی  زۆریان لەگەڵ خۆیان هێنابوو عومەر ئاغا  سندی  هەواڵی کاک عومەر عەزیزی پرسی  باوەڕی وابوو لەگەڵماندا بێت ،  بەڵام قسەمان  کردو   گەشتینە چەند بڕیارێک لەوانە  کە خۆی و فەوجەکەی بێنەدەرەوە  بۆ ئەوەی سادق بەر بدرێت   پاشان من ووتم : مادام ئێوە هەر دێن  ، بۆ کارێکی گەورەش نەکەین ؟  من بیرم کردەوە گەر وابێت ئەوانە هیچ ڕێگەی گەڕانەوەیان نابێت  بۆ لای ڕژێم ، عومەر ئاغا پێکەنی  ووتی : من لەتۆ دەگەم بەس تۆ من ناناسی مافی خۆتە وابلێیت ،  منیش ووتم بۆ ؟  ووتی  دەزانم لەکوێوە قسە دەکەین ، وادەکەین   بەرپرسی فەیلەق تکریتیە و خزمی سەدامە   ئەو بێمنەت بەئۆتۆمۆبێلێکی ڕەش  دێت و دەچێت ،دەتوانین  کارێک بکەین  ،  پاش کۆبونەوەکەمان لەگەڵیاندا ، عومەر ئاغا ووتی : برادەکانتان بانگ بکە   با  ئەم خۆراکە پێکەوە بخۆین  وەک ووتم :کەبابێکی زۆریان لەزاخۆوە هێنابوو ئەوانیش لەگەڵماندا دەستیان کرد بەنان خواردن   تێر بووین  هەندێک مابوو پێشنیاریان کرد کە لەگەڵ خۆمانی بەرین ،   عومەر ئاغا  پێاوێکی دڵسۆزو دنیا دیدە بوو  بەداخەوە  کە کەوتبۆ ناو ئەو  یاریە قێزەونەوە و  ببوە سەرۆکی  فەوجێک  لەخزمەتی داگیرکەراندا .  داوی ماڵئاوای کردن ئێمە گەڕاینەوە  تا  دیار بووین لێیان  ناوچەکەیان جێنەهێشت و نەگەڕانەوە . ئێمە دوای چەند کاژێر ڕۆشتن گەڕاینەوە  بۆ لای هاوڕێکانمان ، هەموو ئەو گفتوگۆیەی کردبومان لەگەڵ باوکی سادق من بەسەرەقەڵەم نوسیبووم  بۆ کاک حاکم عومەرم باس کرد  ،دەسخۆشی لێکردین و   بەیانی بەرەو کۆمیتەی دهۆک بۆ گەڕانمان بەناوچەکەدا کەوتینە ڕێگە . ڕۆژی دوایی کەویستمان لە شەقامە سەرەکێکەی زاخۆ  کانی ماسی بپەڕینە  کە ڕێگە وابوو  دەبوو بەبەینی دوو  پایگای جاشدا بڕۆین ئەوان قسەیان نەدەکردو ئێمەش هیچمان نەدەکرد ، بەڵام کە گەشتینە بەرزایەکە  ئیستخباراتەکانمان دی  پرسگەیان دانابوو  بەندەش بۆ خۆشی  چەند تفەنگێکم  تەقاند بەرەو ڕوویان  بەئازاد گەرمیانم ووت بیکەیسێکە بێنە  بەڵام ئیستخباراتەکان  یەک دوو ئاربیجیان تەقاند زۆر لە دورمان دای شاخەکەدا و سواری ئۆتۆ مۆبێلەکەیان بوون  بەرەو زاخۆ  ملیان شکاند ،  پاش کەمێک   بەلای جاشەکاندا پەڕینەوە   هەموویان  هاتبونە دەرەوە لەسادرەکانەوە سەیریان دەکردین ، قەت شتی وایان نەدیبوو،  لەو بەرەوە   مەلاسدیق  و مەفرەزەیەک چاوەڕوانمان بوون یەکمان گرتوە چوین لەگوندێک تراکتۆر پەیداکەین ، مەلا سدیق ووتی: ئەم ماڵە دەناسم ساڵی ١٩٧٤لەم ماڵە ماومەتەوە من ووتم: سەیرە چاکت بیر ماوە   پاش ئەو هەمووساڵە ؟ هەردوکمان چوین لەدەرگامان دا  مەلاسدیق  قسەی کرد و بیری خاوەن ماڵی هێنایەوە کە ڕۆژێک خانە خوێبوون . تراکتۆرمان پەیداکرد و  بەرەو کۆمیتەی دهۆک کەوتینەڕێگە . لەکۆمیتەی دهۆک سەردانی ئەو ماڵە شەهیدەمان کرد کە لەگەڵ شەهید پاڵەدا شەهید بوو ، بەداخەوە ناویم بیر نەماوە  خێزانەکەی زۆر شادمان بوو بەسەردانەکەمان بۆلایان .  پاش چەند ڕۆژێک بەرەو کۆمیتەی شێخان ڕۆشتین   بەناو هاوینە هەواری  سەرسەنگدا ڕۆشتین بەعسێکان  هەموویان تەقاندبۆوە  بەپشتی هۆکدا شەوبوو  بەچیاکەدا  هەڵزناین ، شاری دهۆک  ئەوت  پارچەیەکە لەبەهەشت  زۆر شێوەی لەسلێمانی دەچوو ، ماوەیەکی زۆر سەیری ئەو چراخانەم کرد  و لەخۆم دەپرسی سەیرە ئەم نیشتمانەی ئێمە  کەی بەئازادی دەگات ؟  گەیشتینە  ناوچەی شێخان  لای  براو خوشکە ئیزیدێکان  ئێرە بەهەشتێکە پڕلە تێڕامان و بێدەنگی ،مرۆڤەکانی ئەم دەڤەرە خەمێکی قوڵ داگیری کردبوون  بەڵام میوان دۆست  بەڕێز بەگەورەو بچوکی ئێمەیان دەوت "سەیدا"  زۆر پرسیاری دکتۆریان لێدەکردین ، ئێمەش بەپێی توانا  یارمەتیمان دان ، لێرە من بۆیەکەمین جار گۆشتی ووشکراوم  دی بەتەنافەوە  هەڵخرابوو ، ئێرە خەڵکانی بەسەلیقە لەناو ئەم بەردەڵان و شاخەدا ململانێیان دەکرد بۆ مانەوە،  لەڕێگە قەڵایەکی بەعسێکانمان دی وەک قەڵای سوسێ  ، بەڵام چۆڵیان کردبوو ، بەلای ئەتروشدا ڕێمان کردو  بەچەند چیاو دۆڵ و ڕەزی ترێدا ڕۆشتین کە سەیر لەوەدابوو تەنها بۆڵە ترێ نیمچەوشکی پێوەمابوو بێگەڵا،  گەیشتینە کۆمیتەی شێخان  کاک شێخ لەوێ بوو کەبەداخەوە لەئەنفالدا بێسەروشوێن کرا ، ئەو کەسی نزیکی  حسێن بەبەشێخ بوو ، ئەوان ئێزیدی بوون  ، هێندە بەڕێزبوون ئێمە  هەستمان بەشادمانی دەکرد  پاش ماوەیەک  ئەوانیشمان جێهێشت  و  بەرەو مەڵبەندی بادینان  کەوتینە ڕێگە ،  بەچیای گارادا هەڵزناین    مانگی  ئەیلول بوو  بەفر دەباری  لەسەر چیاکە شوێن پێی وورچمان دی  بۆیە  کاک عومەر پێوتین لەنزیک یەک ڕێبکەین   بۆهەر ئەگەرێک .

دایی سامان ، ڕزگار، حاکم عومەر، شێخ گەریب ، خاڵە کەمال، مەجید، ئازاد،  شەهید عادل  شیروان ، ئەبوعەلی ، بەداخەوە ناوی دوان لەهاوڕێکانم بیرنەماوە.

 دوایی ماوەیەک ڕۆیشتن  بەرەو خوار بوینەوە  ئامێدیمان لێدەرکەوت  بەچیاکەوە بوو ،  ڕوبارێک  هاتە پێشمان  دەبوو بەجلەوە خۆمانی لێدەین یان چەند دەمژێرێک بڕۆین  تا دەگەشتینە پردێک ، بیستبومان زۆرجاران لەسەر ئەو پردە   دوژمن بۆسە دادەنێت ، لەڕوبارەکەمان دا و ئیتر بەرەو شەقامە سەرەکێکە هاتین  کانیەک هەبوو  لامان دا جاشەکان دەهاتنەسەری  سابون و جام و هەندێک کەلوپەلیان جێهێشت کە ئێمەیان دی بەرەو ڕوویان دەچین چونەوە ناو  پایگاکانیان ،   عەسێرێکی درەنگ بوو شەقامەکەمان کۆنتڕۆڵ کرد  پەڕینەوە  بەشانی ئامێدیدا  چیای گارا جوانتر دەرکەوت سەری چیاکە تومان بوو، بەرلەوەی شەڕی ئێران عێراق دەست پێبکات سەدامی  نەخۆش  خەریکی ماڵێکی هاوینەبوو لەسەر چیای گارا ، وابزانم ئێستا ئەو کۆشکە  دروستکراوە  و تەوابوە، ئیتر بەرەو مەڵبەند  کەوتینە ڕێ ،  ئێوارەکەی  دووهاوڕێمان  لێمان جودا بونەوە  هۆردوگایەک هەبوو   ئەوان خەڵکی شیروانی مەزن بوون ڕۆشتن بۆ هۆردوگاکە ، ئێمەش  بۆ گوندێک کە چیاکەوە بووڕۆیشتین ، دوای یەکدووڕۆژ گەڕاینەوە مەڵبەندی بادینان لەزێوێ لەسەر ڕوباری دجلە ڕوباری گەورە .  ئیتر ماوەیەک هەموو ڕۆژێک دوای بەربونی  بایز لەگەڵ کاک "سادق سندی" گفتوگۆمان دەکرد ، هەوڵمان دەدا  کەس جێگەکەی نەزانێت ، کە میوانێک دەهات    نەمان دەهێشت  ئەو ببینێت  ، بەردەوام  خەڵک دەهاتە سەردانی مەڵبەند ، دوو ئامۆزای لەگەڵ بوو ئەوانیش بەردران   بەڕاستی  هێندە  چاپوک و ئازابوون لە یاری زانی   کێشی قورس دەچون ، هەرچی دارهەبوو ئەو جوامێرانە دەیان شکاند بۆ تەنورەکە کە شێخ گەریب نانی دەکرد بۆمان .  جارناجارێکیش  ڕومانەم کۆدەکردەوە زیندانێکانم دەبرد    بەڕیز دەچونە ڕوبارەکەوە  ئێمەش ڕومانەمان هەڵدەیە ناو ڕوبارەکە   بەسەدان ماسیمان دەکوشت ، ئێستا  کەبیری لێدەکەمەوە  بەڕاستی قێز لەخۆم دەکەمەوە ئەوە ئێمە خەریکی چی بووین ، بەڵام  خەڵکی بادینان  مەلەوانێکی  هێندە شارەزابوون  لەچاوتروکانێکدا سەدان ماسیان دەگریت  ، ڕۆژێک کاک حاکم عومەر  پیی ووتم :  ناترسی زیندانیەک ڕاکات ؟  ئەوسا  تۆ دەخەمەجێگای  هەڵاتۆکە ، ئەو بەگاڵتە وای ووت : چونکە  ئەوان نێتی راکرنیان نەبوو ، چونکە ژمارەیان زۆربوو بۆ دەستبەئاو گەیاندن دەمان بردنە سەر  زێیەکە لەناو دارستانەکەدا بڵاو دەبونەوە.  زۆرجاران  کوردانی بەشەداگیر کراوەکەی باکور بەدزێوە دەبونە میوانمان ، ئێوارەیەک  کاک حاکم عومەر  پێی ووتین کە بچین  هەڤاڵێک هەیە بیهێنین ، کە ڕۆیشتین بۆ جێگەکە  پیاوێکی تەمەن  زیاتر لە ٥٠ساڵمان هێنا  کە قاتێک کاوبۆی لەبەردابوو هەموو گیانی پێدەکەنی ، ئەو ماوەی  زیاتر لە ٢٠ساڵ لەزینداندا نی فاشیەکانی تورکیادا بوو ، ئێستا  دوای مۆڵەت وەرگرتنی  کە هەرکەسێک فلیمی "ڕێگا"ی یەڵماز گۆنای دیبێت دەزانێ لەسیستەمی تورکیادا دوای کە حوکم درایت  دەتوانی  بە مۆڵەت لەزیندان بێیتە دەرەوەو   بۆچەند ڕۆژێک  دوای مۆڵەتەکەت دەچیتەوە زیندان ، بەڵام ئەم وەک یەکێک لەپاڵەوانی فلیمی ڕێگا ڕایکردبوو، تاریکانێک هێنامان  بۆ بارەگا  بەرپرسەکەمان  دووبارە لێی پرسینەوە خۆ کەس نەیبینین ؟  بەداخەوە ئەم پیاوە ئەشکەنجە دراوە  کوردی نەدەزانی  ئێمەش دای سامان بوە وەرگێڕمان  و گوێمان لە چیرۆکی ژیانی گرت . ئەو  نیشتمانی  لەخۆی خۆشتر دەویست پیاوێکی ئازا  هەرچی ئەشکەنجەی دنیابوو لەمێژوودا لەسەر ئەم جوامێرە تاقی کرابۆوە، چەندین جار  هەموو نینۆکەکانی دەست و قاچیان دەر هێنابوو  ئەو پیاوە  دانەکانیان بەپلایس دەرهێنابوو  بەڵام  بڕوای بەوە بوو  کە بەرگەی ئازار بگرێت تا بەئازادی دەگات ، تەنها ووشەیەک کە زۆر خۆی بەکوردی دەزانی دەیووت "وارینە"  وانی یە   من زۆرم ڕێز دەگرت و  هەستم بەشەرمەزاری دەکرد لەئاستی ئەو هەموو قوربانی یەی داوێتی .   پاش ماوەیەک  من لەگەڵ چەند هاوڕیەکم گەڕامەوە بە مۆڵەت بۆ ناوچەی سلێمانی  و لە نزیکەوەو بەکرار بەشداریمان کرد لە بەرگری کردنی  ئەنفالی یەکدا  لە دۆڵی جافایەتی.