تێبینی: ئەم نووسینە گەرم و گوڕەی رێبین هەردی، کە لە سایتی ئاوێنەوە بڵاوکراوەتەوە، بە بۆنەی ئەو بڕیارەی پارێزگای سلێمانییەوەیە، کە رێگای داوە بە غەیری کورد لە سلێمانی ماڵ و موڵک و خانوویان هەبێت. رێبین هەردی دەیەوێت بڵێت ئەمە بڕیارێکی مرۆڤدۆستانەیە.

بڕیارەکەی پاریزگاری سلێمانی بڕیارێکی بازرگانیی و سیاسییە، پەیوەستە بەو فلات و شوقانەی قەیوان کە بنەماڵەی تالەبانی لە پشتییەوە وەستاوە، کەس توانا و پارەی نییە ئەمڕۆ بیانکڕێت، دەیانەوێت بە غەیری کوردی بفرۆشن، هەروەها فرۆشتنەوەی شوقەی ئەو کوردانەشە کە پێشتر کڕیبویان و ئیستا لەبەر بێموچەیی ناتوانن پارەکەی بدەن.

ئەو نمونانەی رێبین باسیان دەکات، زۆربەیان فەنتاسی و دروستکراون، یان پێی وتراوە وا بنووسێت، بۆ نمونە لاوێکی عەرەب لە ناو بازاڕی سلێمانی دەست بۆ کچێک دەبات، کچەکەش هاوار دەکات، ئیتر خەڵکی کۆدەبنەوە، ئەمە پەیوەندیی بە راسیست و نەتەوەپەرستییەوە نییە، دوای ئەوە کوڕەکە گیرا، پاش چەند کاتژمێرتێک بەڕەڵاکرا. لەو وڵاتەدا لەبەر ئەوەی یاسا نییە، بە پارە و بەرتیل دەتوانرێت گەورەترین تاوانبار لە زیندان دەربهێنرێت، تا ئیستا دوو سێ رووداوی کوشتن روویان داوە، ئەوانەی گیراون هەرچەند بە رەگەز عەرەب بوون، بەڵام بە پارە بەڕەڵاکراون دووریان خستوونەتەوە ناردوویانەتەوە بۆ شارەکەی خۆیان، لە نەبوونی یاسادا بەرگریکردن دەبێتە مافێکی سروشتی، خەڵک بڕیاریی یاسایی خۆی دەردەکات. رێبین هەردیی و نەبەز گۆران و ئەوانەی کە سەر بە دەزگای پاراستن و دەزگای قەیوان و پیاوی بەرپرس و بازرگانەکانن، هەروەها ئەو نووسەرانەی کە دەسەڵات دروستی کردوون و ناوبانگی بۆ پەیدا کردوون، ئەمڕۆ هەموویان پارە وموچە و خانەنشینی وەردەگرن، ئەوانەش کە خۆیان بە چەپخواز و مرۆڤدۆست دەزانن، بوونەتە راوێژکاری پاریزگاری سلێمانی و بەرپرسەکان، کەوتوونەتە نووسینی ئەو جۆرە بابەتانە، تەنانەت بڕیارەکەی پاریزگار لەلایەن ئەوانەوە نووسراوە.

بۆ زانیارییتان، رێبین هەردی هاوڕێی ئاری هەرسینە، لەلایەن کۆمپانیا قەیوانەوە یارمەتی دەدرێت، یەکێتیش کردویەتی بە عەمید وەکو شاناز و موچەی خانەنشینی وەردەگرێت. باوکی رێبین و باوکی ئاسۆ فەرەیدون هەردووکیان هاوڕێ و دەستەی دروستکەری کاژیک بوون. رێبین هەردی دەیەوێت وەک سیاسیییەک قسە بکات و دەربخات و بنوسێت، گوایە بۆچوونی سیاسیی رێنمانیی زیرەکانەی هەیە، لە کاتی رێککەوتنەکەی گۆڕان و یەکێتییدا، ئەم کوڕە عاقڵە رەخنەی گرت وتی: دەبوو ئەو رێککەوتنە پارتییشی تێدا بوایە! ئەمە وەک ئەوە وابوو، کەسێک داوا لە ناتۆ بکات، کە روسیا و چین بکات بە ئەندامی خۆی.
ئێمە ئەم نووسینە دەخەینە ئەرشیفی کوردستانپۆستەوە و بۆ رۆژی خۆی دەیپاریزین.