حیکمەتی به پارتی بوونی شوعی و نەتەوەیەکان لەچیدایه !؟
Tuesday, 22/03/2016, 20:36
نه‌وه‌ك هه‌ر ئه‌و ڤیدیۆیه قێزه‌وه‌نه‌ی سه‌رۆ قادر كه‌مروڤ هیلیجی به‌و لێدوان و سیمنار و كه‌سایه‌تیه كۆنه شوعیانه دیته‌وه ، كه‌پاساو بۆناپاكترین تاوان ، ٣١ی ئاب ، ده‌هینیته‌وه ، له‌كاتیكدا خودی بارزانی به‌و ههموو ناپاكیه‌ی پێی شه‌رمه داكۆكی له٣١ی ئاب بكاته‌وه ، به‌لكو دەمیکە هزرم لەوەدەخولێتەوە ج حکمەتیکە کەسیک هەلگری بیروباوەری کۆمینستی یان کوردستانی و سەربەخۆخوازبیت ، کەدەروخێ دەبیته هەلگری ریبازە نادیارەکەی بارزانی !؟ جونکە مروڤ ئه‌گه‌ر له‌ژیانی دا راستگو هه‌لگری ئه‌و بیروباوه‌رانه بێ ده‌بیت هه‌رگیز نه‌بیته پارتی ، بەهۆکاری ئەوەی بنەمالەی بارزانی بۆ كه‌سیكی كۆمینست هاوشیوەی سیستەمە کۆنەپەرسته و دواکەوتوەکانی خەلیجه نه‌وه‌ك لینین ئاسا پیرۆزی بكه‌ن ،جونكه سیسته‌مه‌كه دژی ههموو بنه‌ما و بانگه‌شه‌كانی حزب و بیروباوه‌ری حزبی شوعیه له‌تاوان و سیسته‌می خیله‌كی و پێشیلی مافی مروڤ و جه‌وساندنه‌وه‌ی جینایه‌تی ومەسەلەی ژن ..... کەجی سه‌یری ههموو كادیره دیاره‌كانی راگه‌یاندنی پارتی بكه كه بارزانی وه‌ك ئیلاهه‌ك پیرۆز ده‌كه‌ن كۆنه شوعیه‌كانن ، لەمەش قيزەوەنتر سەیربکە لە٣٥سالی رابردودا بەدەگمەن حزبی شوعی عیراق و کوردستان لەبەرە و هاوسۆزی پارتی دورکەوتبنەوە ، ج لەسەنگەری بەرەبونیان (جەوقەد) هەلبژاردنە پەرلەمانیەکان ، بیدەنگی و هەندی جار پالپشتیان بەرامبەر سەدان تاوانی پارتی ، تادەگاتە بەشداریکردنیان لە کابینەکەی ٣١ی ئابدا کەلوتکەی سازشی شوعیەکان بوو بەرامبەر بیروباوەرو بانگه‌شه‌ی دژایه‌تی به‌عس .وه‌به‌پیی بەرنامەی شوعیەکان بێ ،دەبوایە ئەو حزبە پیشرەوی نارەزایەتیەکانی خەلکی دژی ده‌سه‌لات به‌گشتی و پارتی به‌تایبه‌تی بکردایە ، كه‌جی كه‌س ده‌بینی روژێك سیاسه‌تی گشتی ئه‌و حزبه له‌ده‌ره‌وه‌ی مۆڕه‌ی پارتی بیت ؟ یان مروڤ كه سەیری ئەو خەلکە بەناو نەتەوەیانە ده‌كات ، کە گوایه هەلگری بیروباوەری کوردستانی وسەربەخۆین ، زۆرینەیان مەلامستەفا بەباوکی روحیان دەزانن !؟ وه پارتی بەحزبیکی نەتەوەیی تر لەهەموو پارتەکانی تردا ده‌زانن !؟ لەکاتيکدا له‌نێو سەدان حزبە کوردستانیەکانی هەر ٤ پارجەی كوردستان ، هەرلەسەردەمی مەلا مستەفای بارزانیەوە لەدوای جاشەکان بەئاست و داهینەری ناپاکی نەتەوەیی ، شەهیدکردنی کوردی بەشەکانی تر ، ئابلۆقەی ئابوری ، دروستکردنی هیزی جاش لەبەشەکانی تر ، بەپیش سوپای تورک و کرین وفروشتن بەکێشە و کوردی بەشەکانی تری ..تاوانی ئه‌نجام نه‌داوه !؟ بۆیە لەم بارەوە سەیری ئەو لینکە بکە کەباسمان لەوەکردوە جون ریبازی پارتی و بارزانی بۆتە ريبازی ناپاکی بۆبەشەکانی تر
.. یان باپرسیاريکی تر بکەین هۆکاری چیە زۆرینەی هەلگره خۆ بەنەتەوەیی و شوعیەکان گەر رەخنەگری پارتیش بن رەخنەگریکی شەرمننن ؟ بويریان یه‌كجار لاوازه بەراشکاوانە رەخنە لەپارتی نەوەک بارزانی بگرن ؟ یان ئامادەن مەدالیا ی ئەو بارزانیە وەربگرن کە ٢ هەزار کورە هەژار و کادیری حزبی شوعی شەهیدکردوە ، بەلام ئامادەنین دانیشتنێك لەگەل نەوشیروان سازبکەن ؟ ج حکمەتیکە تارەفیق سابیریک دەبیتە یەکیتی ، سه‌دان سەرۆ قادر دەبیتە پارتی ؟ گەر باس لەتاوانەکانی پشت ئاشانی یەکیتی بەسەرپەرشتی نەوشیروان و پالپشتی تالەبانی بکەن ئەوا پارتیش بەپالپشتی مەلا مستەفا ٢ هەزار کورە هەژاری شوعی شەهید کرد ؟ یان مەلا مستەفایەک داهینەری ناپاكی له‌راده‌ستكردنه‌وه‌ی كوردی به‌شه‌كانی تره کەجی یه‌کیک خۆی پی نەتەوەیی، بەباوکی ریبەری نەتەوەیی بزانی؟ باشه ج خالێك له‌نێوان ئه‌وریبازه نادیاره‌ی بارزانی و شوعی و نه‌ته‌وه‌یه دورانه‌وه كۆده‌كاته‌وه ؟
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
