راگەیاندنی سیستمی فیدراڵی لەلایەن ئەنجومەنی دامەزرێنەری سیستمی بەڕێوەبردنی رۆژئاوای کوردستانەوە، ئەمڕۆ 17/3/2016 لە میلانەوە ، هەنگاوێکی مێژویی بوێرانەی گونجاو و بنیاتنەرە بۆ ئەمڕۆی رۆژئاوای کوردستان.

ئێمەی هاوبیرانی کوردایەتی، گەرچی چارەسەری کێشەی سەرەکیی نەتەوەکەمان تەنیا لەسەربەخۆییدا ئەبینین، بەهیواین ئەم هەنگاوە بەردەبازێکبێ بۆ سەربەخۆیی. هەرچی زوتریشە ئەو دەسەڵاتی فیدراڵییە، کانتۆنەکان یەکبخات و هەمو باشوری کوردستان بگرێتەوە تا سەر دەریای سپیی ناوەڕاست.

سەبارەت بەو دەنگە ناسازە ناوخۆیی و دەرەکییانەی دژی ئەم فیدراڵییە وەستاونەتەوە، خۆڕاگری و پێداگریتان لەسەر ئەو راگەیاندنە، کپکردنی ئەو دەنگانە ئەبێ. لە ئەگەری هەر پەلامارو لەشکرکێشییەکیشیاندا بۆ سەرتان، ئەوا خوێنڕشتنی ئەمجارەی رۆڵەکانمان، ئەبێ لەپێناوی سەربەخۆییدابێ. 

بڕۆن بۆ پێشەوە، بە هەمو توانایەکمانەوە پشتیوانتانین.