بیده‌نگی نه‌وشیروان جیگای ره‌خنه‌یه .
Sunday, 13/03/2016, 13:40
له‌روژهه‌لاتی ناوه‌راست كه‌سایه‌تی و سیمبوله دیاره‌كان ، كاریگه‌ری گرنگیان له‌سه‌ر روداوه‌كاندا هه‌یه ، به‌راده‌یه‌ك زۆر جار خه‌لك شێوه‌یه‌ك له‌دیكتاتوریه‌ت به‌خشین له‌بریاره‌كانیان پێده‌ده‌ن . گوران و رێكخه‌ره‌كه‌ی دوای ١٨ سال له‌بوشایی ئوپزسیونی ده‌سه‌لاتی باشور به‌هه‌موو كه‌م و كورتیه‌كیانه‌وه توانیان سه‌ركه‌وتنی باش به‌ده‌ست بهینن و هاوكێشه‌یه‌كی نوێی سیاسی بهینه ئاراوه ، هه‌رجه‌نده به‌ر له‌وان زۆر ناوه‌ند و گروپی سیاسی جوان هه‌ولیان بۆدابوو ، وه ئیستاش ده‌یده‌ن ، به‌لام له‌جوارجیوه‌ی ته‌سك و بی كاریگه‌ر ده‌خولێنه‌وه ، به‌هۆكاری نائیداری بوون و نه‌بونی ره‌مزیك كه‌كۆیان بكاته‌وه وه لاوازی گیانی قوربانیدان و بوێری و زۆبلێی كه‌م كرداریه‌وه ، شكستیان هیناوه ده‌هینن .له‌ته‌ك ئه‌مه‌ش گیانی شۆرشگیری و مه‌یدانی بون و خه‌باتی جه‌ماوه‌ریان یه‌كجار لاواز كرد ، جونكه پێگه‌ی گوران له‌سه‌ر دوو خال وه‌ستاوه ، خه‌باتی ( میدیایی و په‌رله‌مان) ، به‌لام ئه‌وه‌ی جێگای سه‌یره له‌گه‌ل ئه‌وه‌ی گوران به‌رده‌وام بانگه‌شه‌ی خه‌باتی مه‌ده‌نی ده‌كات . به‌لام له‌پراكتیكدا له خه‌باتی دیموكراتی و مه‌ده‌نی یه‌كجار لاوازن ، به‌سه‌رهه‌لدانیشیان خه‌باته‌كه‌یان له‌جاو پێشوو دا لاوازتر كردوه ، جونكه دنیایه‌ك قات له‌به‌ر و بۆینباخ له‌ملیان له‌نێو سیاسیه‌كان زیاتر كرد ، وه‌له‌باره‌گا و گرده‌كه‌ی زه‌رگه‌ته‌وه سه‌یری روداوه‌كان ده‌كه‌ن ، زۆرینه‌یان پێییان شه‌رم و ترسه ،هه‌ده‌په ئاسا بێنه مه‌یدان و نێو خه‌لكه‌وه ، ئه‌مه‌ش كه‌لتورێكی مه‌ترسیداره كه‌سیاسیه‌كانی باشور درێژه‌ی پێده‌ده‌ن كه‌كاریگه‌ری زۆر خراپی دروستكردوه ، میلله‌ت قوربانی بدات ئه‌وانیش به‌روبومه‌كه‌ی بخون . له‌وه‌ش مه‌ترسیتر خه‌ریكه خه‌لك بروای به‌كه‌سایه‌تی سیاسی و حزب و هه‌لبژاردن هه‌ر نه‌مینی به‌هۆی ئه‌وه‌ی زۆرینه‌ی بیر له‌هه‌لپه‌رستی بونی ژیانی خۆی ده‌كاته‌وه و به‌ده‌گمه‌ن یه‌كێك ده‌بینی راستگۆ بێ له‌گه‌ل ووته‌كانی ، به‌تایبه‌تی له‌ره‌تكردنه‌وه‌ی خۆشگوزه‌ران دروستبونی ژیانی له‌سه‌ر قوتی خه‌لك له‌لایه‌كی تره‌وه به‌هۆی ئه‌وه‌ی خه‌لك هه‌موو رێگاكانی تری خه‌باتی سیاسی و مه‌ده‌نی له‌گه‌ل ده‌سه‌لات تاقی كرده‌وه باكی پێیی نیه ، تاكه خه‌بات راپه‌رین ماوه به‌رپای بكات .
ئیستاش ره‌وشێكی مه‌ترسیدار هاتوته ئاراوه كه‌خه‌لك له‌حاله‌تیكی ده‌رونی و ژیانی ناخۆش ده‌ژی ، وه‌هیج ئه‌لته‌رناتیڤێكی له‌ده‌ست نیه كه‌گورانكاری له‌ژیانی بكات ، به‌هۆی ئه‌وه‌ی رێكخستنێك نیه ئه‌و ناره‌زایه‌تی و توره‌یه‌ی خه‌لك هه‌یه‌تی بیخاته به‌رده‌م ده‌سه‌لات ، به‌راده‌یه‌ك به ئاستی موقته‌دا سه‌در و خۆپیشانده‌ره به‌غدادیه‌كان یان هاده‌پ و خه‌باتی باكوریش په‌نا بۆخه‌باتی مه‌یدانی و شه‌قام نابه‌ن .... به‌لێ له‌نێو ئه‌و هه‌موو ته‌نگه‌ژه ناخۆش و قه‌یرانه دروستكراوانه‌ی دوو ده‌سه‌لاتی مافیایی دا نه‌وشیروان مسته‌فا وابوه ٦ مانگ به‌ناوی نه‌خۆشی له‌و هه‌موو جم و جوله سیاسی و ره‌وشه مه‌ترسیداره‌ی خه‌لك بێده‌نگه !؟ له‌كاتێكدا كه‌سایه‌تیه‌كی وه‌ك نه‌وشیروان مسته‌فا كه‌رێكخه‌ری گه‌وره‌ترین بزوتنه‌وه‌ی به‌رامبه‌ر ده‌سه‌لاته و خه‌لك جاوه‌رێی ئه‌وه‌بوو ،كه به‌لایه‌نی كه‌م گوران هه‌ول بدات ئازاره‌كانی كه‌م بكاته‌وه و فشاری گه‌وره بخاته سه‌ر ده‌سه‌لات و وه‌ك كۆنیش جار جار نه‌وشروان مسته‌فا سه‌رنج و ره‌خنه‌كانی ده‌رببرێ !؟ به‌لام له‌نێوان هه‌ردوو روداوی گه‌وره‌ی سیاسی باشوردا، كۆده‌تای پارتی و په‌كخستنی دامو ده‌زگاكانی هه‌رێم و دۆزه‌خ ژیانی خه‌لك به‌هۆی پێنه‌دانی موجه جموجولی زیاتر و هه‌لویستی كاریگه‌ر تر بێ ، كه‌جی نه‌وشیروان مسته‌فا ووته‌یه‌كیشی نیه!؟ وه‌له‌وه‌ش ناشیرینتر خه‌ریكه ئه‌و بێده‌نگیه‌ی له‌بری ره‌خنه‌گرت به به‌حه‌كیمایه‌تی لێك ده‌ده‌نه‌وه !؟ له‌كاتێكدا ئه‌وه خالێكی یه‌كجار لاواز وگران له‌سه‌ر نه‌وشیروان و گوران ده‌وه‌ستێ ، له جركه‌ساتێك كه‌خه‌لك پێویستیان پیه‌تی . ئه‌و بیده‌نگه!؟ وه‌ئه‌مه شێوه‌یه‌ك له‌هه‌لاتن ده‌گه‌یه‌نێ.
هه‌رجه‌نده باسكردنی مه‌سه‌له‌ی نه‌خۆشیه‌كه‌ی نه‌وشیروان زیاتر بۆ پشودان و په‌رده‌پۆشكردنی بیده‌نگیه‌كه‌یتی ، به‌لام گه‌ر ئه‌وه‌ش راست بێ ، خۆ ئه‌و وه‌ك تاله‌بانی نیه نه‌توانی قسه بكات؟ . وه‌جیهیشتنی ئه‌و جاره‌ی نه‌وشیروان له نێو ئه‌و هه‌موو ره‌وشه مه‌ترسیداره سیاسیه ، وه‌ك جاره‌كانی پێشوشی نیه كه تاله‌بانی و تاقمه‌ك له‌مه‌كته‌ب سیاسی یه‌كیتی بواری كاركردنیان پێ نادا، جونكه خۆی پله‌یه‌كی بزوتنه‌وه‌یه‌كی كاریگه‌ره . بۆیه ئیستا گوران له‌قه‌یرانێكی گه‌وره‌دایه ، جونكه خه‌لك جاوی له‌وه‌بوو گوران و رێكخه‌ره‌كه‌ی هه‌نگاوی زیاتر بنوێنن له‌وه‌ی كه‌هه‌یه به‌لام ئه‌وانیش له‌شوێنێك وه‌ستاون له‌به‌رامبه‌رئه‌و هه‌موو تاوانه‌ی پارتی و یه‌كیتی ده‌یده‌نه ئه‌و خه‌لكه هه‌ژاره .
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
