پاشێ سێ شەشەی بەهارێ بارانی بە خووڕ دەبارێ وچون دەسەڵاتی هەیی هەتا ئەوڕۆ ٢٤ ئاوبەندی دروست کردوە ، بۆیە خەڵک نیگەرانی بێ ئاوی نین وجووتیارو ئاژەڵداوکشتوکاڵ لەو وەزەدا لەو پەڕی باشیدایە وکەس نیگەرانی گوزەرانی ئەو ساڵی نییە. هیچ بەروبوومێک لە دەرەوەی وڵات هاوردەناکرێ. ئەوی زێدەشە هەناردەی وڵاتانی ئورووپی دەکرێ! تەنانەت ئەگەرلافاویش بێ تاقە ماڵێکیش درزی تیناکەوێ.!

لە وەرزی هاوین دا بە هۆی وزەی فراوانی ئاوبەندەکان کارەبا شار بە شار وگووند بە گووند ڕاکێشراوە وناو ماڵی هەموو هاووڵاتیەک فێنک وخۆشە. لەو وەرزەدا خەڵک بەروبوومی شینایی ومیوەجاتی خۆمان دەخۆن. کەلوپەل بە ڕادەیەک هەرزانە کە زیاترەکەی هەناردەی تورکیە وئێران وبەغداو سوریە دەکرێ.

سرنج: بینەری بە ڕێزئەوە کەش وهەوای ٢٤ساڵی هەریمی کوردستان بووە. کەس زوێر نەبێ، ئاسمانی وڵات لە هەر چواروەرزی ساڵداخۆشە وبە دڵی هەموومانە. وڵات ئەمن ئەمانە، ژیان بە بێ دڵەڕواکێ دەمەشێ، کەس خەمی نانی دوارۆژی نەبێ، هەموو حیزبەکان وەک بارانی بەهاری پڕن لە خێرو بەرەکەت بۆ خەڵکی خۆمان.نە باوباهۆزە، نە هەورەتریشقەیە، هەموووەک برا خەریکی ئاوەدانکردنەوەی وڵاتین. تا کەش وهەوایەکی دیکە کە ، گۆڕان ، دێتە گۆڕێ بە خوداتان دەسپێرین  و چاوەڕوانی هیچ گۆڕانێک ، مەبن. کەشو هەوا هەر ئەوەیە کە لە بەر چاوانە. چون خودا لە سوڵتان مەحموود گەورەترە. ماڵتان ئاوا و دەوڵەتتان زیاد.

جەعفەرکەریمی 

١٩/١/٢٠١٦

سندوقی کوردستانپۆست لە غەریبی.