روژی ٢ و ٣ی نۆڤێمبه‌ر  وه‌زیری ده‌ره‌وه‌ و به‌رگری سوێد دیداریان له‌گه‌ل مه‌سعود بارزانی ساز كرد ، ئه‌م دیداره‌ش بۆ وولاتێك  كه‌بانگه‌شه‌ بۆ بواری دیموكراسی و سه‌روه‌ری یاسا و دیموكراسی  بكات ، كارێكی نایاسایی  و ده‌بل مورالیه‌ ،  جونكه‌ بارزانی جگه‌ له‌وه‌ی ماوه‌ یاسایه‌كه‌ی نماوه‌ ، هاوكات كۆده‌تای سه‌ربازی دژ به‌په‌رله‌مان ئه‌نجام داوه‌ ، بۆیه‌ خالێكی داوه‌ته‌ ده‌ست كه‌له‌میدیای سوێدی لێیان گه‌وره‌ بكرێ ،  به‌تایبه‌تی گه‌ر تاكی كورد له‌سوێد     پرۆتستویان بكات  دلنیام كاریگه‌ری گه‌وره‌ ده‌كاته‌سه‌ر پێگه‌ی سیاسی  وجه‌ماوه‌ریان  . هه‌رجه‌نده‌ ئه‌و دیداره‌ نوێ نه‌بوه‌ و رێك نه‌خراوه‌  یان له‌به‌رخاتری پارتی نه‌بوه‌ ، به‌ڵكو   جه‌ند مانگ له‌مه‌وبه‌ر به‌رنامه‌ رێژی  بۆ كراوه‌ ، به‌هۆی بونی ٣٥  شاره‌زای سه‌ربازیان  له‌كوردستان كه‌ راهێنان به‌پێشمه‌رگه‌ ده‌كه‌ن ، وه‌  سوێد له‌كوێ سه‌ربازیان هه‌بێ ئه‌وا وه‌زیری ده‌ره‌وه‌و به‌رگری به‌یه‌كه‌وه سه‌ردانی ده‌كه‌ن . كه‌هه‌مان سه‌ردانیان بۆ  ئه‌فغانستانیش ئه‌نجام دا.  به‌لام   پێشیلكاریه‌كی مه‌ترسیدار و شه‌رمه‌زارانه‌یان بۆ حكومه‌ته‌ هاوبه‌شه‌كه‌ی سوسیال دیموكرات و پارتی ژینگه‌ ئه‌نجام داوه‌ كه‌ده‌یان توانی له‌م كاته‌دا سه‌ردانی كوردستان نه‌كه‌ن و هه‌لی بوه‌شینه‌وه‌ .

  به‌و ئه‌زمونه‌ی له‌كارو چالاكی و دیدار  له‌ گه‌ل حزبه‌ سیاسیه‌كانی سوێد  هه‌مانه‌ ،    سوسیال دیموكرات له‌هه‌موو پارته‌كانی تر زیاتر    ناراستگۆن  له‌گه‌ل دروشمه‌كانیان   ؟. له دیداره‌كانیان له‌گه‌ل خه‌لك و ئێمه‌ و میدیادا وه‌ك جه‌پێكی سه‌رسه‌ختی داكۆكیكه‌ر  له‌مافی مروڤ و گه‌لان خۆیان نمایش ده‌كه‌ن ، به‌لام له‌كرداردا به‌رده‌وام له‌سه‌نگه‌ری هێزه‌ دیكتاتوره‌كان دانه‌ !؟ باشترین نمونه‌ سه‌یریان بكه‌ن كێ دۆستیانه‌و ئه‌ندامی سۆسیال دیموكراتی جیهانی بوه‌،  یه‌كیتی به‌و هه‌موو تاوان و گه‌نده‌لیه‌ی  ، فه‌تحی فه‌له‌ستینی ، حزبه‌كه‌ی ئه‌جه‌ویدی توركیا ، حوسنی موباره‌ك و بن عه‌لی تونس ، شیمون پێرێزی ئیسرائیل ..... ئه‌وانه‌ ئه‌ندام و ده‌سته‌ خوشكی سۆسیال دیموكراتن ....  هاوكات قه‌ت زانیوتانه‌ روژێك له‌ روژان سۆسیال دیموكراته‌كان له‌سه‌ر روداوێكی گه‌وره‌ و تاوانێك به‌رامبه‌ر گه‌لان هه‌لویستێكێ بوێرانه‌یان هه‌بێ؟

له‌روژانی داهاتوو كه‌مپینه‌ك دژ به‌و هه‌لویسته‌ حكومه‌ته‌ هاوبه‌شه‌كه‌ی سوسیال دیموكرات و پارتی ژینگه‌ ده‌كه‌ین و ئیدانه‌یان ده‌كه‌ین ...به‌لام سه‌ركه‌وتنی ئه‌و كه‌مپین و پروتستویه‌ ده‌گه‌رێته‌وه‌ بۆ  پشتگیری و ئیدانه‌ی ده‌نگه‌ ئازادیخوازه‌كانی كورد جونكه‌ له‌هه‌موو جیهان ده‌توانن مه‌یل به‌زمانی ئینگلیزیش بۆ ئه‌و  شوێنانه‌ بنێرن كه‌سه‌رپه‌رشتی كاره‌كانی وه‌زیری ده‌ره‌وه‌ و  به‌رگری ده‌كه‌ن 

مه‌یل و لاپه‌ره‌ی  په‌یوه‌ندی كردن به‌وه‌زیری ده‌ره‌وه‌ی سوێد:

سایتی فەرمی حکومەتی سوید:

په‌یوه‌ندی ته‌له‌فۆنی و مه‌یل بۆ وه‌زیری به‌رگری